<p><strong>ಬ್ಯಾಂಕಾಕ್:</strong> ಗೆಲುವಿನ ಓಟ ಮುಂದುವರಿಸಿದ ಭಾರತದ ಡಬಲ್ಸ್ ಜೋಡಿ ಸಾತ್ವಿಕ್ ಸಾಯಿರಾಜ್ ರಣಕಿರೆಡ್ಡಿ– ಚಿರಾಗ್ಶೆಟ್ಟಿ ಥಾಯ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.</p>.<p>ಶುಕ್ರವಾರ ನಡೆದ ಹೋರಾಟ ಕಾರಿ ಕ್ವಾರ್ಟರ್ಫೈನಲ್ನಲ್ಲಿಭಾರತದ ಆಟಗಾರರು ಕೊರಿಯಾದ ಚೊಯ್ ಸೊಲ್ಗ್ಯು ಹಾಗೂ ಸಿವೊ ಸಿಯುಂಗ್ ಜಾಯ್ ಅವರನ್ನು 21–17, 17–21, 21–19ರಿಂದ ಮಣಿಸಿದರು. ಕೊರಿಯ ಜೋಡಿಯ ವಿರುದ್ಧ ರಣಕಿರೆಡ್ಡಿ– ಚಿರಾಗ್ಶೆಟ್ಟಿಗೆ ಇದು ಮೊದಲ ಜಯ.</p>.<p>ಶನಿವಾರ ನಡೆಯುವ ಸೆಮಿಫೈನಲ್ ಪಂದ್ಯದಲ್ಲಿ ರಣಕಿರೆಡ್ಡಿ–ಶೆಟ್ಟಿ ಜೋಡಿಯು ಕೊರಿಯಾದ ಕೊ ಸಂಗ್ ಹ್ಯುನ್ ಹಾಗೂ ಶಿನ್ ಬೇಕ್ ಚೊಯಲ್ ಜೋಡಿಯನ್ನು ಎದುರಿಸುವರು.</p>.<p><strong>ಪ್ರಣೀತ್ಗೆ ಸೋಲು:</strong> ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಭಾರತದ ಏಕೈಕ ಭರವಸೆಯಾಗಿದ್ದ ಸಾಯಿ ಪ್ರಣೀತ್ ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ನಿರಾಸೆ ಕಂಡರು. ಏಳನೇ ಶ್ರೇಯಾಂಕದ ಜಪಾನ್ನ ಕೆಂಟಾ ತ್ಸುನೆಯಮಾ ವಿರುದ್ಧ 18–21, 12–21 ಗೇಮ್ಗಳಿಂದ ಅವರು ಸೋತರು.</p>.<p>ಮೊದಲ ಗೇಮ್ನಲ್ಲಿ ಪ್ರಬಲ ಹೋರಾಟ ನೀಡಿದ ಭಾರತದ ಆಟಗಾರ ಅದೇ ಲಯ ಕಾಯ್ದುಕೊಳ್ಳುವಲ್ಲಿ ವಿಫಲರಾದರು. ಹೋದ ವಾರ ನಡೆದ ಜಪಾನ್ ಓಪನ್ ಟೂರ್ನಿಯಲ್ಲಿ ಪ್ರಣೀತ್ ಸೆಮಿಫೈನಲ್ಗೆ ತಲುಪಿದ್ದರು.</p>.<p>ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಕರ್ನಾಟಕದ ಅಶ್ವಿನಿ ಪೊನ್ನಪ್ಪ–ರಣಕಿ ರೆಡ್ಡಿ ಸವಾಲು ಅಂತ್ಯವಾಯಿತು. ಮೂರನೇ ಶ್ರೇಯಾಂಕದ ಜಪಾನ್ ಜೋಡಿ ಯುಟಾ ವಾಟನಬೆ–ಅರಿಸಾ ಹಿಗಾಶಿನೊ ಅವರ ಎದುರು 13–21, 15–21 ಗೇಮ್ಗಳಿಂದ ಭಾರತದ ಜೋಡಿ ಸೋತಿತು. ಕೇವಲ 28 ನಿಮಿಷಗಳಲ್ಲಿ ಪಂದ್ಯ ಮುಗಿಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬ್ಯಾಂಕಾಕ್:</strong> ಗೆಲುವಿನ ಓಟ ಮುಂದುವರಿಸಿದ ಭಾರತದ ಡಬಲ್ಸ್ ಜೋಡಿ ಸಾತ್ವಿಕ್ ಸಾಯಿರಾಜ್ ರಣಕಿರೆಡ್ಡಿ– ಚಿರಾಗ್ಶೆಟ್ಟಿ ಥಾಯ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.</p>.<p>ಶುಕ್ರವಾರ ನಡೆದ ಹೋರಾಟ ಕಾರಿ ಕ್ವಾರ್ಟರ್ಫೈನಲ್ನಲ್ಲಿಭಾರತದ ಆಟಗಾರರು ಕೊರಿಯಾದ ಚೊಯ್ ಸೊಲ್ಗ್ಯು ಹಾಗೂ ಸಿವೊ ಸಿಯುಂಗ್ ಜಾಯ್ ಅವರನ್ನು 21–17, 17–21, 21–19ರಿಂದ ಮಣಿಸಿದರು. ಕೊರಿಯ ಜೋಡಿಯ ವಿರುದ್ಧ ರಣಕಿರೆಡ್ಡಿ– ಚಿರಾಗ್ಶೆಟ್ಟಿಗೆ ಇದು ಮೊದಲ ಜಯ.</p>.<p>ಶನಿವಾರ ನಡೆಯುವ ಸೆಮಿಫೈನಲ್ ಪಂದ್ಯದಲ್ಲಿ ರಣಕಿರೆಡ್ಡಿ–ಶೆಟ್ಟಿ ಜೋಡಿಯು ಕೊರಿಯಾದ ಕೊ ಸಂಗ್ ಹ್ಯುನ್ ಹಾಗೂ ಶಿನ್ ಬೇಕ್ ಚೊಯಲ್ ಜೋಡಿಯನ್ನು ಎದುರಿಸುವರು.</p>.<p><strong>ಪ್ರಣೀತ್ಗೆ ಸೋಲು:</strong> ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಭಾರತದ ಏಕೈಕ ಭರವಸೆಯಾಗಿದ್ದ ಸಾಯಿ ಪ್ರಣೀತ್ ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ನಿರಾಸೆ ಕಂಡರು. ಏಳನೇ ಶ್ರೇಯಾಂಕದ ಜಪಾನ್ನ ಕೆಂಟಾ ತ್ಸುನೆಯಮಾ ವಿರುದ್ಧ 18–21, 12–21 ಗೇಮ್ಗಳಿಂದ ಅವರು ಸೋತರು.</p>.<p>ಮೊದಲ ಗೇಮ್ನಲ್ಲಿ ಪ್ರಬಲ ಹೋರಾಟ ನೀಡಿದ ಭಾರತದ ಆಟಗಾರ ಅದೇ ಲಯ ಕಾಯ್ದುಕೊಳ್ಳುವಲ್ಲಿ ವಿಫಲರಾದರು. ಹೋದ ವಾರ ನಡೆದ ಜಪಾನ್ ಓಪನ್ ಟೂರ್ನಿಯಲ್ಲಿ ಪ್ರಣೀತ್ ಸೆಮಿಫೈನಲ್ಗೆ ತಲುಪಿದ್ದರು.</p>.<p>ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಕರ್ನಾಟಕದ ಅಶ್ವಿನಿ ಪೊನ್ನಪ್ಪ–ರಣಕಿ ರೆಡ್ಡಿ ಸವಾಲು ಅಂತ್ಯವಾಯಿತು. ಮೂರನೇ ಶ್ರೇಯಾಂಕದ ಜಪಾನ್ ಜೋಡಿ ಯುಟಾ ವಾಟನಬೆ–ಅರಿಸಾ ಹಿಗಾಶಿನೊ ಅವರ ಎದುರು 13–21, 15–21 ಗೇಮ್ಗಳಿಂದ ಭಾರತದ ಜೋಡಿ ಸೋತಿತು. ಕೇವಲ 28 ನಿಮಿಷಗಳಲ್ಲಿ ಪಂದ್ಯ ಮುಗಿಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>