<p><strong>ಟೋಕಿಯೊ: </strong>ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸಿದ್ದ ಭಾರತದ ಮೊದಲ ಫೆನ್ಸಿಂಗ್ ಪಟು ಎಂಬ ದಾಖಲೆ ಬರೆದಿದ್ದ ಸಿ.ಎ.ಭವಾನಿ ದೇವಿ, ಟೋಕಿಯೊ ಕೂಟದ ಎರಡನೇ ಸುತ್ತಿನಲ್ಲಿ ಸೋಮವಾರ ನಿರಾಸೆ ಅನುಭವಿಸಿದರು. ಆದರೆ ಸ್ಪರ್ಧಿಸಿದ್ದ ಮೊದಲ ಒಲಿಂಪಿಕ್ಸ್ ನಲ್ಲೇ ಅವರು ತೋರಿದ ಹೋರಾಟ ಗಮನ ಸೆಳೆಯಿತು.</p>.<p>ಮಹಿಳೆಯರ ವೈಯಕ್ತಿಕ ಸೇವರ್ ವಿಭಾಗದಲ್ಲಿ 27 ವರ್ಷದ ಭವಾನಿ, ವಿಶ್ವದ ಮೂರನೇ ಕ್ರಮಾಂಕದ, ಫ್ರಾನ್ಸ್ ಸ್ಪರ್ಧಿ ಮನೊನ್ ಬ್ರೂನೆಟ್ ಎದುರು ಎರಡನೇ ಸುತ್ತಿನ ಪಂದ್ಯದಲ್ಲಿ 7–15ರಿಂದ ಸೋತು ಅಭಿಯಾನ ಅಂತ್ಯಗೊಳಿಸಿದರು.</p>.<p>ಮೊದಲ ಸುತ್ತಿನಲ್ಲಿ ಟ್ಯೂನಿಷಿಯಾದ ನಾದಿಯಾ ಬೆನ್ ಅಜೀಜಿ ಅವರನ್ನು 15–3ರಿಂದ ಪರಾಭವಗೊಳಿಸಿದ್ದ ಭವಾನಿ, ಅದೇ ಲಯವನ್ನು ಕಾಯ್ದುಕೊಳ್ಳುವಲ್ಲಿ ವಿಫಲರಾದರು.</p>.<p>ನಾದಿಯಾ ಎದುರು ತೋರಿದ ಆಕ್ರಮಣಕಾರಿ ಶೈಲಿಯು ಭವಾನಿ ಅವರಿಗೆ ಪಾಯಿಂಟ್ಸ್ ತಂದುಕೊಟ್ಟವು. ಮೊದಲ ಮೂರು ನಿಮಿಷಗಳಲ್ಲೇ 8–0ಯಿಂದ ಮುನ್ನಡೆ ಗಳಿಸಿದ್ದರು. ಅದೇ ಲಯದೊಂದಿಗೆ ಮುನ್ನುಗ್ಗಿ ಆರು ನಿಮಿಷ 14 ಸೆಕೆಂಡುಗಳಲ್ಲಿ ಪಂದ್ಯವನ್ನು ತಮ್ಮದಾಗಿಸಿಕೊಂಡರು.</p>.<p>ಆದರೆ ರಿಯೊ ಒಲಿಂಪಿಕ್ಸ್ ಸೆಮಿಫೈನಲಿಸ್ಟ್ ಆಗಿದ್ದ ಬ್ರೂನೆಟ್ ಅನುಭವದ ಎದುರು ಭಾರತದ ಸ್ಪರ್ಧಿ ಮಂಕಾದರು.</p>.<p>ಒಂಬತ್ತು ನಿಮಿಷ 48 ಸೆಕೆಂಡುಗಳಲ್ಲಿ ಪಂದ್ಯವು ಬ್ರೂನೆಟ್ ಪಾಲಾಯಿತು.</p>.<p>ಬ್ರೂನೆಟ್ಗೆ ಕಂಚು: ಭವಾನಿ ದೇವಿ ಅವರನ್ನು ಮಣಿಸಿದ್ದ ಬ್ರೂನೆಟ್ ಮಹಿಳೆಯರ ವೈಯಕ್ತಿಕ ಸೇಬರ್ ವಿಭಾಗದಲ್ಲಿ ಕಂಚಿನ ಪದಕಕ್ಕೆ ಮುತ್ತಿಟ್ಟರು. ಪದಕದ ಸುತ್ತಿನಲ್ಲಿ ಅವರು 15–7ರಿಂದ ಹಂಗರಿಯ ಆ್ಯನಾ ಮಾರ್ಟನ್ ಅವರನ್ನು ಪರಾಭವಗೊಳಿಸಿದರು.</p>.<p>ಈ ವಿಭಾಗದ ಚಿನ್ನದ ಪದಕವು ರಷ್ಯಾದ ಸೋಫಿಯಾ ಪೊಜ್ನಿಯಾಕವ ಅವರ ಪಾಲಾಯಿತು. ಅದೇ ತಂಡದ ಸೋಫಿಯಾ ವೆಲಿಕಾಯಾ ಬೆಳ್ಳಿ ಪದಕ ಕೊರಳಿಗೇರಿಸಿಕೊಂಡರು.</p>.<p>ಅಡ್ಜಸ್ಟೆಡ್ ಆಫಿಶೀಯಲ್ ರ್ಯಾಂಕಿಂಗ್ (ಎಒಆರ್) ಆಧಾರದಲ್ಲಿ ಟೋಕಿಯೊ ಟಿಕೆಟ್ ಗಿಟ್ಟಿಸಿದ್ದ ತಮಿಳುನಾಡಿನ ಭವಾನಿ ಅವರು ಎಂಟು ಬಾರಿ ರಾಷ್ಟ್ರೀಯ ಚಾಂಪಿ<br />ಯನ್ ಆಗಿದ್ದರು.</p>.<p>ಇದನ್ನೂ ಓದಿ:<a href="https://www.prajavani.net/sports/sports-extra/tokyo-olympics-confident-start-for-bhavani-devi-on-olympics-debut-wins-against-nadia-azizi-851791.html" itemprop="url">Tokyo Olympics ಫೆನ್ಸಿಂಗ್ | ಭವಾನಿ ದೇವಿಗೆ ಗೆಲುವಿನ ಆರಂಭ </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಟೋಕಿಯೊ: </strong>ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸಿದ್ದ ಭಾರತದ ಮೊದಲ ಫೆನ್ಸಿಂಗ್ ಪಟು ಎಂಬ ದಾಖಲೆ ಬರೆದಿದ್ದ ಸಿ.ಎ.ಭವಾನಿ ದೇವಿ, ಟೋಕಿಯೊ ಕೂಟದ ಎರಡನೇ ಸುತ್ತಿನಲ್ಲಿ ಸೋಮವಾರ ನಿರಾಸೆ ಅನುಭವಿಸಿದರು. ಆದರೆ ಸ್ಪರ್ಧಿಸಿದ್ದ ಮೊದಲ ಒಲಿಂಪಿಕ್ಸ್ ನಲ್ಲೇ ಅವರು ತೋರಿದ ಹೋರಾಟ ಗಮನ ಸೆಳೆಯಿತು.</p>.<p>ಮಹಿಳೆಯರ ವೈಯಕ್ತಿಕ ಸೇವರ್ ವಿಭಾಗದಲ್ಲಿ 27 ವರ್ಷದ ಭವಾನಿ, ವಿಶ್ವದ ಮೂರನೇ ಕ್ರಮಾಂಕದ, ಫ್ರಾನ್ಸ್ ಸ್ಪರ್ಧಿ ಮನೊನ್ ಬ್ರೂನೆಟ್ ಎದುರು ಎರಡನೇ ಸುತ್ತಿನ ಪಂದ್ಯದಲ್ಲಿ 7–15ರಿಂದ ಸೋತು ಅಭಿಯಾನ ಅಂತ್ಯಗೊಳಿಸಿದರು.</p>.<p>ಮೊದಲ ಸುತ್ತಿನಲ್ಲಿ ಟ್ಯೂನಿಷಿಯಾದ ನಾದಿಯಾ ಬೆನ್ ಅಜೀಜಿ ಅವರನ್ನು 15–3ರಿಂದ ಪರಾಭವಗೊಳಿಸಿದ್ದ ಭವಾನಿ, ಅದೇ ಲಯವನ್ನು ಕಾಯ್ದುಕೊಳ್ಳುವಲ್ಲಿ ವಿಫಲರಾದರು.</p>.<p>ನಾದಿಯಾ ಎದುರು ತೋರಿದ ಆಕ್ರಮಣಕಾರಿ ಶೈಲಿಯು ಭವಾನಿ ಅವರಿಗೆ ಪಾಯಿಂಟ್ಸ್ ತಂದುಕೊಟ್ಟವು. ಮೊದಲ ಮೂರು ನಿಮಿಷಗಳಲ್ಲೇ 8–0ಯಿಂದ ಮುನ್ನಡೆ ಗಳಿಸಿದ್ದರು. ಅದೇ ಲಯದೊಂದಿಗೆ ಮುನ್ನುಗ್ಗಿ ಆರು ನಿಮಿಷ 14 ಸೆಕೆಂಡುಗಳಲ್ಲಿ ಪಂದ್ಯವನ್ನು ತಮ್ಮದಾಗಿಸಿಕೊಂಡರು.</p>.<p>ಆದರೆ ರಿಯೊ ಒಲಿಂಪಿಕ್ಸ್ ಸೆಮಿಫೈನಲಿಸ್ಟ್ ಆಗಿದ್ದ ಬ್ರೂನೆಟ್ ಅನುಭವದ ಎದುರು ಭಾರತದ ಸ್ಪರ್ಧಿ ಮಂಕಾದರು.</p>.<p>ಒಂಬತ್ತು ನಿಮಿಷ 48 ಸೆಕೆಂಡುಗಳಲ್ಲಿ ಪಂದ್ಯವು ಬ್ರೂನೆಟ್ ಪಾಲಾಯಿತು.</p>.<p>ಬ್ರೂನೆಟ್ಗೆ ಕಂಚು: ಭವಾನಿ ದೇವಿ ಅವರನ್ನು ಮಣಿಸಿದ್ದ ಬ್ರೂನೆಟ್ ಮಹಿಳೆಯರ ವೈಯಕ್ತಿಕ ಸೇಬರ್ ವಿಭಾಗದಲ್ಲಿ ಕಂಚಿನ ಪದಕಕ್ಕೆ ಮುತ್ತಿಟ್ಟರು. ಪದಕದ ಸುತ್ತಿನಲ್ಲಿ ಅವರು 15–7ರಿಂದ ಹಂಗರಿಯ ಆ್ಯನಾ ಮಾರ್ಟನ್ ಅವರನ್ನು ಪರಾಭವಗೊಳಿಸಿದರು.</p>.<p>ಈ ವಿಭಾಗದ ಚಿನ್ನದ ಪದಕವು ರಷ್ಯಾದ ಸೋಫಿಯಾ ಪೊಜ್ನಿಯಾಕವ ಅವರ ಪಾಲಾಯಿತು. ಅದೇ ತಂಡದ ಸೋಫಿಯಾ ವೆಲಿಕಾಯಾ ಬೆಳ್ಳಿ ಪದಕ ಕೊರಳಿಗೇರಿಸಿಕೊಂಡರು.</p>.<p>ಅಡ್ಜಸ್ಟೆಡ್ ಆಫಿಶೀಯಲ್ ರ್ಯಾಂಕಿಂಗ್ (ಎಒಆರ್) ಆಧಾರದಲ್ಲಿ ಟೋಕಿಯೊ ಟಿಕೆಟ್ ಗಿಟ್ಟಿಸಿದ್ದ ತಮಿಳುನಾಡಿನ ಭವಾನಿ ಅವರು ಎಂಟು ಬಾರಿ ರಾಷ್ಟ್ರೀಯ ಚಾಂಪಿ<br />ಯನ್ ಆಗಿದ್ದರು.</p>.<p>ಇದನ್ನೂ ಓದಿ:<a href="https://www.prajavani.net/sports/sports-extra/tokyo-olympics-confident-start-for-bhavani-devi-on-olympics-debut-wins-against-nadia-azizi-851791.html" itemprop="url">Tokyo Olympics ಫೆನ್ಸಿಂಗ್ | ಭವಾನಿ ದೇವಿಗೆ ಗೆಲುವಿನ ಆರಂಭ </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
