ಟೇಬಲ್ ಟೆನಿಸ್‌: ಮುಖ್ಯ ಸುತ್ತಿಗೆ ತೃಪ್ತಿ, ಸಾನ್ವಿ

ಅರ್ಹತಾ ಸುತ್ತಿನಲ್ಲಿ ತೃಪ್ತಿ ಪುರೋಹಿತ್ ಉತ್ತರಪ್ರದೇಶದ ಕೆ.ದಿಶಾ ವಿರುದ್ಧ 11-9,11-9,6-11,12-14,11-5ರಲ್ಲಿ ಮತ್ತು ಪಂಜಾಬ್‌ನ ಏಕ್ತಾ ವಿರುದ್ಧ 11-4,11-7, 11-6ರಲ್ಲಿ ಜಯ ಗಳಿಸಿದರು. ದೇಶ್ನಾ ಕೇರಳದ ಕೃಷ್ಣಾ ಸ್ಮೃತಿ ವಿರುದ್ಧ 11-6,5-11,11-7,11-7ರಲ್ಲಿ ಹಾಗೂ ಜಾರ್ಖಂಡ್‌ನ ರಚಿತಾ ಡೇ ವಿರುದ್ಧ 11-8,11-8,11-7ರಲ್ಲಿ ಗೆದ್ದರು.

ನಿಹಾರಿಕಾ ತೆಲಂಗಾಣದ ಮೆರ್ಸಿ ಅವರನ್ನು 9-11,11-3,6-11,11-4,11-9ರಲ್ಲಿ ಮತ್ತು ಪಶ್ಚಿಮ ಬಂಗಾಳದ ದೇಶುತಾ ಡೇ ಅವರನ್ನು 11-7,5-11,7-11,13-11,11-5ರಲ್ಲಿ ಸೋಲಿಸಿದರು. ಸಹನಾ ಮೂರ್ತಿ ರಾಜಸ್ಥಾನದ ಅನನ್ಯ ಸಿನ್ಹಾ ವಿರುದ್ಧ 14-12,11-7,11-3ರಲ್ಲಿ ಮತ್ತು ತಮಿಳುನಾಡಿನ ಅಮೃತಾ ವಿರುದ್ಧ 11-8,11-9,11-3ರಲ್ಲಿ ಗೆಲುವು ಸಾಧಿಸಿದರು.

ಕೆಡೆಟ್ ವಿಭಾಗದಲ್ಲಿ ಸಾನ್ವಿ ಮಹಾರಾಷ್ಟ್ರದ ಸ್ವರ ವಿರುದ್ಧ 12-14,11-8,11-9,11-4ರಲ್ಲಿ, ತೆಲಂಗಾಣದ ಭುವನಿಧಾ ವಿರುದ್ಧ 11-5,14-12,9-11,11-5ರಲ್ಲಿ ಮತ್ತು ರಾಜಸ್ಥಾನದ ಭೂಮಿ ವಿರುದ್ಧ 11-4,11-5,11-6ರಲ್ಲಿ ಜಯ ಗಳಿಸಿದರು.