ಗುರುವಾರ , ಜೂಲೈ 9, 2020
23 °C

ಐಡಬ್ಲ್ಯುಎಫ್‌ನಿಂದ ಪರಿಹಾರ ಕೋರಲಿರುವ ಸಂಜಿತಾ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಎರಡು ಬಾರಿ ಚಿನ್ನದ ಪದಕ ಗಳಿಸಿರುವ ವೇಟ್‌ಲಿಫ್ಟರ್, ಭಾರತದ ಸಂಜಿತಾ ಚಾನು ಅವರು ಉದ್ದೀಪನ ಮದ್ದು ಸೇವನೆ ಪ್ರಕರಣಕ್ಕೆ ಸಂಬಂಧಿಸಿ ಅಂತರರಾಷ್ಟ್ರೀಯ ವೇಟ್‌ಲಿಫ್ಟಿಂಗ್ ಫೆಡರೇಷನ್‌ನಿಂದ (ಐಡಬ್ಲ್ಯುಎಫ್) ಪರಿಹಾರ ಕೋರಲು ಸಜ್ಜಾಗಿದ್ದಾರೆ.

ಇನ್ನೂ ತೀರ್ಪು ಬಾರದ ಪ್ರಕರಣದಿಂದ ತಮಗಾಗಿರುವ ಮಾನಸಿಕ ವೇದನೆಗೆ ಐಡಬ್ಲ್ಯುಎಫ್ ಬೆಲೆ ತೆರಬೇಕು ಎಂಬುದು ಅವರ ಬೇಡಿಕೆ. 2017ರಲ್ಲಿ ಉದ್ದೀಪನ ಮದ್ದು ಸೇವಿಸಿದ್ದು ಸಾಬೀತಾದ ನಂತರ ಚಾನು ಪ್ರಕರಣ ಅನೇಕ ಏಳು–ಬೀಳುಗಳನ್ನು ಕಂಡಿದೆ. 

‘ಅನೇಕ ಸ್ಪರ್ಧೆಗಳಲ್ಲಿ ಪಾಲ್ಗೊಳ್ಳಲು ಅವಕಾಶ ನೀಡಿದ್ದರಿಂದ ಪ್ರಕರಣವನ್ನು ಐಡಬ್ಲ್ಯುಎಫ್ ಕೈಬಿಟ್ಟಿದೆ ಎಂದುಕೊಂಡಿದ್ದೆವು. ಆದರೆ ಇತ್ತೀಚೆಗೆ ಅರ್ಜುನ ಪ್ರಶಸ್ತಿಗೆ ಅರ್ಜಿ ಸಲ್ಲಿಸಿದ ಸಂದರ್ಭದಲ್ಲಿ ಪ್ರಕರಣದ ತೀರ್ಪು ಇನ್ನೂ ಬಂದಿಲ್ಲ ಎಂದು ಭಾರತ ವೇಟ್‌ಲಿಫ್ಟಿಂಗ್ ಫೆಡರೇಷನ್ ತಿಳಿಸಿದಾಗ ದಿಗ್ಭ್ರಮೆಯಾಯಿತು’ ಎಂದು ಚಾನು ಅವರ ಸಹೋದರ ಮತ್ತು ವಿಚಾರಣೆ ಸಂದರ್ಭದಲ್ಲಿ ಸಾಕ್ಷಿಯಾಗಿದ್ದ ಬಿಜೇನ್ ಕುಮಾರ್ ಖುಮುಕ್ಚಮ್ ಹೇಳಿದರು. 

‘ಪರಿಹಾರ ಕೋರುವ ಯೋಚನೆ ಇರಲಿಲ್ಲ. ಆದರೆ ಈಗ ಹಾಗೆ ಮಾಡಬೇಕು ಎಂದೆನಿಸುತ್ತದೆ. ಹಣಕ್ಕಾಗಿ ಪರಿಹಾರ ಇದನ್ನು ಮಾಡುತ್ತಿಲ್ಲ. ಆಕೆ ಅನುಭವಿಸಿದ ಮಾನಸಿಕ ನೋವು ಅಷ್ಟಿಷ್ಟಲ್ಲ’ ಎಂದು ಅವರು ಹೇಳಿದರು.

2018ರ ಮೇ 15ರಿಂದ 2019ರ ಜನವರಿ 22ರ ವರೆಗೆ ಚಾನು ಅವರನ್ನು ಅಮಾನತುಗೊಳಿಸಲಾಗಿತ್ತು. ನಂತರ ಟೂರ್ನಿಗಳಲ್ಲಿ ಪಾಲ್ಗೊಳ್ಳಲು ಅವಕಾಶ ನೀಡಲಾಗಿತ್ತು. ಆದರೆ ಇನ್ನೂ ಅಧಿಕೃತವಾಗಿ ಪ್ರಕರಣದಿಂದ ಮುಕ್ತವಾಗಿಲ್ಲ. 2014 ಮತ್ತು 2018ರ ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಚಾನು ಚಿನ್ನ ಗಳಿಸಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು