<p><strong>ದುಬೈ: </strong>ಭಾರತದ ಟೆನಿಸ್ ತಾರೆ ಅಂಕಿತಾ ರೈನಾ ಅವರು ಇಲ್ಲಿ ನಡೆದ ಅಲ್ ಹಬ್ತೂರ್ ಚಾಲೆಂಜ್ ಟೂರ್ನಿಯ ಡಬಲ್ಸ್ ವಿಭಾಗದಲ್ಲಿ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ಇದರೊಂದಿಗೆ ಅವರು ಕೊರೊನಾ ಕಾಲದಲ್ಲಿ ಮೂರನೇ ಬಾರಿ ಡಬಲ್ಸ್ ಟ್ರೋಫಿ ಗೆದ್ದುಕೊಂಡಂತಾಗಿದೆ.</p>.<p>ಜಾರ್ಜಿಯಾದ ಏಕಟೆರಿನಾ ಗಾರ್ಗೊಜ್ ಜೊತೆಗೂಡಿದ ಅಂಕಿತಾ ಟೂರ್ನಿಯ ಫೈನಲ್ ಹಣಾಹಣಿಯಲ್ಲಿ ಶನಿವಾರ 6–4, 3–6, 10–6ರಿಂದ ಅಲಿಯೋನಾ ಬೊಲ್ಸೊವಾ ಜದೊಯ್ನೊವ್ (ಸ್ಪೇನ್) ಹಾಗೂ ಕಾಜಾ ಜುವಾನ್ (ಸ್ಲೋವೇಕಿಯಾ) ಅವರನ್ನು ಮಣಿಸಿದರು. ಒಟ್ಟು ₹ 73 ಲಕ್ಷ ಬಹುಮಾನ ಮೊತ್ತದ ಟೂರ್ನಿಯಲ್ಲಿ ಶ್ರೇಯಾಂಕರಹಿತ ಜೋಡಿಗೆ ಜಯ ಒಲಿಯಿತು.</p>.<p>ಈ ಋತುವಿನಲ್ಲಿ ಅಂಕಿತಾ ಡಬಲ್ಸ್ ವಿಭಾಗದಲ್ಲಿ ನಾಲ್ಕನೇ ಟೂರ್ನಿಯಲ್ಲಿ ಫೈನಲ್ಗೆ ತಲುಪಿದ್ದರು. ಆದರೆ ಈ ಹಿಂದೆ ಗೆದ್ದ ಎರಡು ಟೂರ್ನಿಗಳ ಬಹುಮಾನ ಮೊತ್ತ ತಲಾ ₹ 18 ಲಕ್ಷ ಆಗಿತ್ತು.</p>.<p>ಈ ವರ್ಷದ ಫೆಬ್ರುವರಿಯಲ್ಲಿ ಥಾಯ್ಲೆಂಡ್ನ ನೊಂಥಬುರಿಯಲ್ಲಿ ನಡೆದ ಎರಡು ಟೂರ್ನಿಗಳಲ್ಲಿ ನೆದರ್ಲೆಂಡ್ಸ್ನ ಬಿಬಿಯಾನೆ ಸ್ಕೂಪ್ಸ್ ಅವರ ಜೊತೆಯಾಗಿ ಪ್ರಶಸ್ತಿ ಗರಿ ಮುಡಿಸಿಕೊಂಡಿದ್ದ ಅಂಕಿತಾ, ಜೋಧ್ಪುರದಲ್ಲಿ ನಡೆದ ಟೂರ್ನಿಯಲ್ಲಿ ರನ್ನರ್ಸ್ಅಪ್ ಆಗಿದ್ದರು. ಜೋಧ್ಪುರ ಟೂರ್ನಿಯಲ್ಲಿ ಸ್ನೇಹಲ್ ಮಾನೆ ಜೊತೆಗೂಡಿ ಅಂಕಿತಾ ಕಣಕ್ಕಿಳಿದಿದ್ದರು.</p>.<p>‘ಡಬಲ್ಸ್ನಲ್ಲಿ ಆಡಿದ ಅನುಭವವು ಸಿಂಗಲ್ಸ್ನಲ್ಲಿ ನನಗೆ ಅನುಕೂಲವಾಗಿದೆ. ಡಬಲ್ಸ್ನಲ್ಲಿ ಚೆನ್ನಾಗಿ ಆಡಿದ ಬಳಿಕ ಸಿಂಗಲ್ಸ್ ಕಣಕ್ಕಿಳಿದ ಸಂದರ್ಭದಲ್ಲಿ ಹೆಚ್ಚು ಯಶಸ್ಸು ಸಾಧಿಸಿದ್ದೇನೆ‘ ಎಂದು ಗೆಲುವಿನ ಕುರಿತು ಅಂಕಿತಾ ಪ್ರತಿಕ್ರಿಯಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದುಬೈ: </strong>ಭಾರತದ ಟೆನಿಸ್ ತಾರೆ ಅಂಕಿತಾ ರೈನಾ ಅವರು ಇಲ್ಲಿ ನಡೆದ ಅಲ್ ಹಬ್ತೂರ್ ಚಾಲೆಂಜ್ ಟೂರ್ನಿಯ ಡಬಲ್ಸ್ ವಿಭಾಗದಲ್ಲಿ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ಇದರೊಂದಿಗೆ ಅವರು ಕೊರೊನಾ ಕಾಲದಲ್ಲಿ ಮೂರನೇ ಬಾರಿ ಡಬಲ್ಸ್ ಟ್ರೋಫಿ ಗೆದ್ದುಕೊಂಡಂತಾಗಿದೆ.</p>.<p>ಜಾರ್ಜಿಯಾದ ಏಕಟೆರಿನಾ ಗಾರ್ಗೊಜ್ ಜೊತೆಗೂಡಿದ ಅಂಕಿತಾ ಟೂರ್ನಿಯ ಫೈನಲ್ ಹಣಾಹಣಿಯಲ್ಲಿ ಶನಿವಾರ 6–4, 3–6, 10–6ರಿಂದ ಅಲಿಯೋನಾ ಬೊಲ್ಸೊವಾ ಜದೊಯ್ನೊವ್ (ಸ್ಪೇನ್) ಹಾಗೂ ಕಾಜಾ ಜುವಾನ್ (ಸ್ಲೋವೇಕಿಯಾ) ಅವರನ್ನು ಮಣಿಸಿದರು. ಒಟ್ಟು ₹ 73 ಲಕ್ಷ ಬಹುಮಾನ ಮೊತ್ತದ ಟೂರ್ನಿಯಲ್ಲಿ ಶ್ರೇಯಾಂಕರಹಿತ ಜೋಡಿಗೆ ಜಯ ಒಲಿಯಿತು.</p>.<p>ಈ ಋತುವಿನಲ್ಲಿ ಅಂಕಿತಾ ಡಬಲ್ಸ್ ವಿಭಾಗದಲ್ಲಿ ನಾಲ್ಕನೇ ಟೂರ್ನಿಯಲ್ಲಿ ಫೈನಲ್ಗೆ ತಲುಪಿದ್ದರು. ಆದರೆ ಈ ಹಿಂದೆ ಗೆದ್ದ ಎರಡು ಟೂರ್ನಿಗಳ ಬಹುಮಾನ ಮೊತ್ತ ತಲಾ ₹ 18 ಲಕ್ಷ ಆಗಿತ್ತು.</p>.<p>ಈ ವರ್ಷದ ಫೆಬ್ರುವರಿಯಲ್ಲಿ ಥಾಯ್ಲೆಂಡ್ನ ನೊಂಥಬುರಿಯಲ್ಲಿ ನಡೆದ ಎರಡು ಟೂರ್ನಿಗಳಲ್ಲಿ ನೆದರ್ಲೆಂಡ್ಸ್ನ ಬಿಬಿಯಾನೆ ಸ್ಕೂಪ್ಸ್ ಅವರ ಜೊತೆಯಾಗಿ ಪ್ರಶಸ್ತಿ ಗರಿ ಮುಡಿಸಿಕೊಂಡಿದ್ದ ಅಂಕಿತಾ, ಜೋಧ್ಪುರದಲ್ಲಿ ನಡೆದ ಟೂರ್ನಿಯಲ್ಲಿ ರನ್ನರ್ಸ್ಅಪ್ ಆಗಿದ್ದರು. ಜೋಧ್ಪುರ ಟೂರ್ನಿಯಲ್ಲಿ ಸ್ನೇಹಲ್ ಮಾನೆ ಜೊತೆಗೂಡಿ ಅಂಕಿತಾ ಕಣಕ್ಕಿಳಿದಿದ್ದರು.</p>.<p>‘ಡಬಲ್ಸ್ನಲ್ಲಿ ಆಡಿದ ಅನುಭವವು ಸಿಂಗಲ್ಸ್ನಲ್ಲಿ ನನಗೆ ಅನುಕೂಲವಾಗಿದೆ. ಡಬಲ್ಸ್ನಲ್ಲಿ ಚೆನ್ನಾಗಿ ಆಡಿದ ಬಳಿಕ ಸಿಂಗಲ್ಸ್ ಕಣಕ್ಕಿಳಿದ ಸಂದರ್ಭದಲ್ಲಿ ಹೆಚ್ಚು ಯಶಸ್ಸು ಸಾಧಿಸಿದ್ದೇನೆ‘ ಎಂದು ಗೆಲುವಿನ ಕುರಿತು ಅಂಕಿತಾ ಪ್ರತಿಕ್ರಿಯಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
