ವಿಶ್ವದ ನಂಬರ್ 1 ಟೆನಿಸ್‌ ಆಟಗಾರ್ತಿ ಆಶ್ಲೆ ಬಾರ್ಟಿ ನಿವೃತ್ತಿ ಘೋಷಣೆ

ಬ್ರಿಸ್ಬೇನ್: ತವರಿನಂಗಳದಲ್ಲಿ ಗ್ರ್ಯಾನ್ ಸ್ಲಾಂ ಪ್ರಶಸ್ತಿ ಗೆದ್ದು ಎರಡೇ ತಿಂಗಳ ಒಳಗೆ ಆಸ್ಟ್ರೇಲಿಯಾದ ಯುವ ಟೆನಿಸ್ ಆಟಗಾರ್ತಿ ಆ್ಯಶ್ಲಿ ಬಾರ್ಟಿ ನಿವೃತ್ತಿ ಘೋಷಿಸಿದ್ದಾರೆ. ಅವರಿಗೀಗ 25 ವರ್ಷ. ವಿಶ್ವ ಕ್ರಮಾಂಕದಲ್ಲಿ ಒಂದನೇ ಸ್ಥಾನದಲ್ಲಿರುವಾಗಲೇ ಈ ನಿರ್ಧಾರ ಪ್ರಕಟಿಸಿ ಅಚ್ಚರಿ ಮೂಡಿಸಿದ್ದಾರೆ.

. ಮೂರು ಗ್ರ್ಯಾನ್ ಸ್ಲಾಂ ಪ್ರಶಸ್ತಿಗಳ ಒಡತಿ ಬಾರ್ಟಿ ಬುಧವಾರ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಬಿಡುಗಡೆ ಮಾಡಿರುವ ವಿಡಿಯೊ ತುಣುಕಿನಲ್ಲಿ ನಿವೃತ್ತಿ ವಿಷಯ ಪ್ರಕಟಿಸಿದ್ದಾರೆ. ’ವೈಯಕ್ತಿಕವಾಗಿ ನಿವೃತ್ತಿಗೆ ಇದು ಸರಿಯಾದ ಸಮಯ ಎಂದು ನನ್ನ ಮನಸ್ಸು ಹೇಳಿತು. ಬೇರೆ ಕನಸನ್ನು ನನಸುಗೊಳಿಸಲು ಈತೀರ್ಮಾನ ಕೈಗೊಂಡಿದ್ದೇನೆ’ ಎಂದು ಅವರು ಗದ್ಗದಿತರಾಗಿ ಹೇಳಿದ್ದಾರೆ.

. ಪಕ್ಕೆಲುಬು ನೋವು: ಆರು ವಾರ ಟೆನಿಸ್ನಿಂದ ನಡಾಲ್ ದೂರ

. ಬಾರ್ಟಿ ಈ ಹಿಂದೆಯೂ ಒಮ್ಮೆ ಟೆನಿಸ್ನಿಂದ ದೂರ ಉಳಿಯಲು ನಿರ್ಧರಿಸಿದ್ದರು. 2011ರಲ್ಲಿ ವಿಂಬಲ್ಡನ್ ಜೂನಿಯರ್ ವಿಭಾಗದಲ್ಲಿ ಅವರು ಚಾಂಪಿಯನ್ ಆಗಿದ್ದರು. ಆಗ 15 ವರ್ಷದವರಾಗಿದ್ದ ಅವರು ಭರವಸೆ ಮೂಡಿಸಿದ್ದರು. ಆದರೆ 2014ರಲ್ಲಿ ಎರಡು ವರ್ಷ ಆಡದೇ ಇರಲು ನಿರ್ಧರಿಸಿದ್ದರು. ಪ್ರಯಾಣದ ಸುಸ್ತು ಮತ್ತು ಒತ್ತಡ ನಿರ್ವಹಣೆ ಸಾಧ್ಯವಾಗುತ್ತಿಲ್ಲ ಎಂದು ಹೇಳಿದ್ದರು.

. ಎರಡು ವರ್ಷ ವೃತ್ತಿಪರ ಕ್ರಿಕೆಟ್ ಆಡಿದ ನಂತರ ರ್ಯಾಕೆಟ್ ಹಿಡಿದು ಕಣಕ್ಕೆ ಮರಳಿದ್ದರು. 2019ರಲ್ಲಿ ಫ್ರೆಂಚ್ ಓಪನ್ ಗೆಲ್ಲುವ ಮೂಲಕ ಮೊದಲ ಗ್ರ್ಯಾನ್ ಸ್ಲಾಂ ಪ್ರಶಸ್ತಿ ಮುಡಿಗೇರಿಸಿಕೊಂಡ ಅವರು ಈ ವರ್ಷ ಜನವರಿಯಲ್ಲಿ ಮೆಲ್ಬರ್ನ್ ಪಾರ್ಕ್ನಲ್ಲಿ ಆಸ್ಟ್ರೇಲಿಯನ್ ಓಪನ್ ಟೂರ್ನಿಯ ಚಾಂಪಿಯನ್ ಆಗಿದ್ದರು.

. ಇಂಡಿಯನ್ ವೆಲ್ಸ್ ಟೆನಿಸ್: ನಡಾಲ್ ನಾಗಾಲೋಟಕ್ಕೆ ಫ್ರಿಟ್ಸ್ ಬ್ರೇಕ್

. ಬಾರ್ಟಿ ವೃತ್ತಿಪರ ಟೆನಿಸ್ ಆಡಲು ಶುರು ಮಾಡಿದ್ದು 2010ರಲ್ಲಿ. ಸತತ 114 ವಾರ ಸೇರಿದಂತೆ ಒಟ್ಟು 121 ವಾರಗಳಿಂದ ಅಗ್ರ ಕ್ರಮಾಂಕದಲ್ಲಿ ಇದ್ದಾರೆ. ರ್ಯಾಂಕಿಂಗ್ನ ಅಗ್ರ ಸ್ಥಾನದಲ್ಲಿರುವ ಸಂದರ್ಭದಲ್ಲೇ ಕಣದಿಂದ ನಿವೃತ್ತಿ ಹೊಂದಿರುವ ಎರಡನೇ ಆಟಗಾರ್ತಿ ಅವರು. 2008ರಲ್ಲಿ ಜಸ್ಟಿನ್ ಹೆನಿನ್ ನಿವೃತ್ತಿಯಾಗುವಾಗ ಮೊದಲ ಸ್ಥಾನದಲ್ಲಿದ್ದರು.

. * ಬಾರ್ಟಿ, ಈ ಬೇಸರವನ್ನು ನಾನು ಹೇಗೆ ತಡೆದುಕೊಳ್ಳಲಿ? ಇನ್ನು ಟೂರ್ನಿಗಳಿಗೆ ಹೋಗುವಾಗ ನೀನು ಜೊತೆಯಲ್ಲಿರುವುದಿಲ್ಲವಲ್ಲ. ಮುಂದೇನು? ಗಾಲ್ಫ್ನಲ್ಲಿ ಗ್ರ್ಯಾನ್ಸ್ಲಾಂ ಮೇಲೆ ಕಣ್ಣಿಟ್ಟಿರುವೆಯಾ? -ಸಿಮೋನಾ ಹಲೆಪ್, ರೊಮೇನಿಯಾ ಆಟಗಾರ್ತಿ

. * ಅತ್ಯುತ್ತಮ ಆಟದ ಮೂಲಕ ಗಮನ ಸೆಳೆಯಲು ನಿಮಗೆ ಸಾಧ್ಯವಾಗಿತ್ತು. ನಿಮ್ಮೊಂದಿಗೆ ಕ್ರೀಡಾಂಗಣದಲ್ಲಿ ಸೆಣಸಲು ಲಭಿಸಿದ ಅವಕಾಶ ಅಪೂರ್ವವಾಗಿತ್ತು. ಮುಂದಿನ ಬದುಕು ಸುಖಕರವಾಗಿರಲಿ. -ಕರೊಲಿನಾ ಪ್ಲಿಸ್ಕೋವ, ಜೆಕ್ ಗಣರಾಜ್ಯದ ಆಟಗಾರ್ತಿ

. ಆ್ಯಶ್ಲಿ ಬಾರ್ಟಿ

. (ದೇಶ ಆಸ್ಟ್ರೇಲಿಯಾ)

. ರ್ಯಾಂಕಿಂಗ್ 1

. ಡಬಲ್ಸ್ ರ್ಯಾಂಕಿಂಗ್ - 101

. ವಯಸ್ಸು - 25

. ಒಟ್ಟು ಪ್ರಶಸ್ತಿ - 15

. ಗ್ರ್ಯಾನ್ಸ್ಲಾಂ ಪ್ರಶಸ್ತಿ - 3

. ಆಸ್ಟ್ರೇಲಿಯನ್ ಓಪನ್ (2022)

. ವಿಂಬಲ್ಡನ್ (2021)

. ಫ್ರೆಂಚ್ ಓಪನ್ (2019)

. ಗ್ರ್ಯಾನ್ಸ್ಲಾಂನಲ್ಲಿ ಸಾಧನೆ

. ಜಯ - 57

. ಸೋಲು - 24

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಶ್ವದ ನಂಬರ್ 1 ಟೆನಿಸ್‌ ಆಟಗಾರ್ತಿ ಆಶ್ಲೆ ಬಾರ್ಟಿ ನಿವೃತ್ತಿ ಘೋಷಣೆ

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಪುನರ್‌ ನೇಮಕಕ್ಕೆ ಐಪಿಎಸ್ ಅಧಿಕಾರಿ ವಿಕಾಸ್ ಒತ್ತಾಯಿಸಬಾರದು: ಹೈಕೋರ್ಟ್‌

ಸ್ನೂಕರ್ ಟೂರ್ನಿ: ಕ್ವಾರ್ಟರ್‌ಗೆ ಪಂಕಜ್‌

ವಿಂಬಲ್ಡನ್‌ ಟೆನಿಸ್ ಟೂರ್ನಿ: ಮ್ಯಾಡಿಸನ್‌ಗೆ ಲಾರಾ ಆಘಾತ

ಡುರಾಂಡ್‌ ಕಪ್‌: ಪ್ರಶಸ್ತಿಗೆ 24 ತಂಡಗಳ ಪೈಪೋಟಿ

IND vs ENG: ಬ್ರೂಕ್-ಸ್ಮಿತ್ ತ್ರಿಶತಕ ಜೊತೆಯಾಟ; ಇಂಗ್ಲೆಂಡ್ ದಿಟ್ಟ ಹೋರಾಟ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 04 ಜುಲೈ 2025, ಶುಕ್ರವಾರ

ಚುರುಮುರಿ | ಒಳಾರ್ಥ–ಗೂಢಾರ್ಥ!

ದಿನ ಭವಿಷ್ಯ | ಈ ರಾಶಿಯವರ ವ್ಯವಹಾರಗಳು ಜಯಪ್ರದವಾಗುತ್ತವೆ

ಪುನರ್‌ ನೇಮಕಕ್ಕೆ ಐಪಿಎಸ್ ಅಧಿಕಾರಿ ವಿಕಾಸ್ ಒತ್ತಾಯಿಸಬಾರದು: ಹೈಕೋರ್ಟ್‌