<p><strong>ಲಂಡನ್</strong>: ಕೊರೊನಾ ವೈರಾಣು ಈ ಬಾರಿಯ ಡೇವಿಸ್ ಕಪ್ ಮೇಲೆಯೂ ಪರಿಣಾಮ ಬೀರಿದೆ. ಈ ವರ್ಷದ ನವೆಂಬರ್ ಕೊನೆಯಲ್ಲಿ ನಡೆಯಬೇಕಾಗಿದ್ದ ಫೈನಲ್ ಹಣಾಹಣಿಯನ್ನು 2021ರ ನವೆಂಬರ್ನಲ್ಲಿ ನಡೆಸಲಾಗುವುದು ಎಂದು ಅಂತರರಾಷ್ಟ್ರೀಯ ಟೆನಿಸ್ ಫೆಡರೇಷನ್ (ಐಟಿಎಫ್) ತಿಳಿಸಿದೆ. ಫೆಡ್ ಕಪ್ ಫೈನಲ್ ಹಣಾಹಣಿಯನ್ನೂ ಒಂದು ವರ್ಷ ಮುಂದೂಡಲಾಗಿದೆ ಎಂದು ಅದು ವಿವರಿಸಿದೆ.</p>.<p>‘ಡೇವಿಸ್ ಕಪ್ ಫೈನಲ್ ಹಣಾಹಣಿ ಈ ವರ್ಷ ನಡೆಯುವುದಿಲ್ಲ ಎಂಬ ಸುದ್ದಿ ಕೇಳಿ ಆಘಾತವಾಗಿದೆ’ ಎಂದು ಬಾರ್ಸಿಲೋನಾದ ಫುಟ್ಬಾಲ್ ಆಟಗಾರ ಜೆರಾಲ್ಡ್ ಪೀಕ್ ಹೇಳಿದರು. ಅವರ ಮಾಲೀಕತ್ವದ ಕಾಸ್ಮಸ್ ಟೆನಿಸ್ ಕಂಪೆನಿಯು ಡೇವಿಸ್ ಕಪ್ ಮೇಲೆ ಭಾರಿ ಮೊತ್ತವನ್ನು ಹೂಡಿದೆ ಎಂದು ಐಟಿಎಫ್ ಪ್ರಕಟಣೆಯಲ್ಲಿ ತಿಳಿಸಿದೆ.</p>.<p>ಫೆಡ್ ಕಪ್ ಟೆನಿಸ್ ಟೂರ್ನಿಯೂ ಮುಂದಕ್ಕೆ</p>.<p>ಅನಿರ್ದಿಷ್ಟ ಕಾಲ ಮುಂದೂಡಿರುವ ಫೆಡ್ ಕಪ್ ಟೆನಿಸ್ ಟೂರ್ನಿಯ ಫೈನಲ್ ಹಣಾಹಣಿಯನ್ನು ಮುಂದಿನ ವರ್ಷದ ಏಪ್ರಿಲ್ 13ರಿಂದ 18ರ ವರೆಗೆ ಆಯೋಜಿಸಲು ನಿರ್ಧರಿಸಲಾಗಿದೆ ಎಂದು ಐಟಿಎಫ್ ತಿಳಿಸಿದೆ. 12 ಮಹಿಳಾ ತಂಡಗಳು ಪಾಲ್ಗೊಳ್ಳುವ ಟೂರ್ನಿಯನ್ನು ಹಂಗರಿಯಲ್ಲಿ ಈ ವರ್ಷದ ಏಪ್ರಿಲ್ನಲ್ಲಿ ನಡೆಸಲು ನಿರ್ಧರಿಸಲಾಗಿತ್ತು. ಮಾರ್ಚ್ನಲ್ಲಿ ಜಗತ್ತಿನ ವಿವಿಧ ಕಡೆಗಳಲ್ಲಿ ನಡೆಯಬೇಕಾಗಿದ್ದ ಎಂಟು ಪ್ಲೇ ಆಫ್ ಹಣಾಹಣಿಗಳನ್ನೂ ಸ್ಥಗಿತಗೊಳಿಸಲಾಗಿತ್ತು. ಈ ಪಂದ್ಯಗಳನ್ನು ಮುಂದಿನ ವರ್ಷದ ಫೆಬ್ರುವರಿಯಲ್ಲಿ ಆಯೋಜಿಸಲಾಗುವುದು ಎಂದು ತಿಳಿಸಲಾಗಿದೆ.</p>.<p>ಡೇವಿಸ್ ಕಪ್ ಮತ್ತು ಫೆಡ್ ಕಪ್ ಟೂರ್ನಿಗಳಿಗೆ ಕಳೆದ ವರ್ಷ ಹೊಸ ರೂಪ ನೀಡಲಾಗಿತ್ತು. ಪರಿಷ್ಕೃತ ಮಾದರಿಯ ಮೊದಲ ಆವೃತ್ತಿ ಮ್ಯಾಡ್ರಿಡ್ನಲ್ಲಿ ನಡೆದಿತ್ತು. </p>.<p>‘ಎರಡೂ ಟೂರ್ನಿಗಳ ಫೈನಲ್ ಈ ವರ್ಷ ನಡೆಸಲು ಸಾಧ್ಯವಾಗದೇ ಇರುವುದು ಬೇಸರದ ವಿಷಯ. ಆದರೆ ಮುಂದಿನ ವರ್ಷ ಅದ್ದೂರಿಯಾಗಿ ಆಯೋಜಿಸಲಾಗುವುದು’ ಎಂದು ಐಟಿಎಫ್ ಅಧ್ಯಕ್ಷ ಡೇವಿಡ್ ಹಗರ್ಟಿ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್</strong>: ಕೊರೊನಾ ವೈರಾಣು ಈ ಬಾರಿಯ ಡೇವಿಸ್ ಕಪ್ ಮೇಲೆಯೂ ಪರಿಣಾಮ ಬೀರಿದೆ. ಈ ವರ್ಷದ ನವೆಂಬರ್ ಕೊನೆಯಲ್ಲಿ ನಡೆಯಬೇಕಾಗಿದ್ದ ಫೈನಲ್ ಹಣಾಹಣಿಯನ್ನು 2021ರ ನವೆಂಬರ್ನಲ್ಲಿ ನಡೆಸಲಾಗುವುದು ಎಂದು ಅಂತರರಾಷ್ಟ್ರೀಯ ಟೆನಿಸ್ ಫೆಡರೇಷನ್ (ಐಟಿಎಫ್) ತಿಳಿಸಿದೆ. ಫೆಡ್ ಕಪ್ ಫೈನಲ್ ಹಣಾಹಣಿಯನ್ನೂ ಒಂದು ವರ್ಷ ಮುಂದೂಡಲಾಗಿದೆ ಎಂದು ಅದು ವಿವರಿಸಿದೆ.</p>.<p>‘ಡೇವಿಸ್ ಕಪ್ ಫೈನಲ್ ಹಣಾಹಣಿ ಈ ವರ್ಷ ನಡೆಯುವುದಿಲ್ಲ ಎಂಬ ಸುದ್ದಿ ಕೇಳಿ ಆಘಾತವಾಗಿದೆ’ ಎಂದು ಬಾರ್ಸಿಲೋನಾದ ಫುಟ್ಬಾಲ್ ಆಟಗಾರ ಜೆರಾಲ್ಡ್ ಪೀಕ್ ಹೇಳಿದರು. ಅವರ ಮಾಲೀಕತ್ವದ ಕಾಸ್ಮಸ್ ಟೆನಿಸ್ ಕಂಪೆನಿಯು ಡೇವಿಸ್ ಕಪ್ ಮೇಲೆ ಭಾರಿ ಮೊತ್ತವನ್ನು ಹೂಡಿದೆ ಎಂದು ಐಟಿಎಫ್ ಪ್ರಕಟಣೆಯಲ್ಲಿ ತಿಳಿಸಿದೆ.</p>.<p>ಫೆಡ್ ಕಪ್ ಟೆನಿಸ್ ಟೂರ್ನಿಯೂ ಮುಂದಕ್ಕೆ</p>.<p>ಅನಿರ್ದಿಷ್ಟ ಕಾಲ ಮುಂದೂಡಿರುವ ಫೆಡ್ ಕಪ್ ಟೆನಿಸ್ ಟೂರ್ನಿಯ ಫೈನಲ್ ಹಣಾಹಣಿಯನ್ನು ಮುಂದಿನ ವರ್ಷದ ಏಪ್ರಿಲ್ 13ರಿಂದ 18ರ ವರೆಗೆ ಆಯೋಜಿಸಲು ನಿರ್ಧರಿಸಲಾಗಿದೆ ಎಂದು ಐಟಿಎಫ್ ತಿಳಿಸಿದೆ. 12 ಮಹಿಳಾ ತಂಡಗಳು ಪಾಲ್ಗೊಳ್ಳುವ ಟೂರ್ನಿಯನ್ನು ಹಂಗರಿಯಲ್ಲಿ ಈ ವರ್ಷದ ಏಪ್ರಿಲ್ನಲ್ಲಿ ನಡೆಸಲು ನಿರ್ಧರಿಸಲಾಗಿತ್ತು. ಮಾರ್ಚ್ನಲ್ಲಿ ಜಗತ್ತಿನ ವಿವಿಧ ಕಡೆಗಳಲ್ಲಿ ನಡೆಯಬೇಕಾಗಿದ್ದ ಎಂಟು ಪ್ಲೇ ಆಫ್ ಹಣಾಹಣಿಗಳನ್ನೂ ಸ್ಥಗಿತಗೊಳಿಸಲಾಗಿತ್ತು. ಈ ಪಂದ್ಯಗಳನ್ನು ಮುಂದಿನ ವರ್ಷದ ಫೆಬ್ರುವರಿಯಲ್ಲಿ ಆಯೋಜಿಸಲಾಗುವುದು ಎಂದು ತಿಳಿಸಲಾಗಿದೆ.</p>.<p>ಡೇವಿಸ್ ಕಪ್ ಮತ್ತು ಫೆಡ್ ಕಪ್ ಟೂರ್ನಿಗಳಿಗೆ ಕಳೆದ ವರ್ಷ ಹೊಸ ರೂಪ ನೀಡಲಾಗಿತ್ತು. ಪರಿಷ್ಕೃತ ಮಾದರಿಯ ಮೊದಲ ಆವೃತ್ತಿ ಮ್ಯಾಡ್ರಿಡ್ನಲ್ಲಿ ನಡೆದಿತ್ತು. </p>.<p>‘ಎರಡೂ ಟೂರ್ನಿಗಳ ಫೈನಲ್ ಈ ವರ್ಷ ನಡೆಸಲು ಸಾಧ್ಯವಾಗದೇ ಇರುವುದು ಬೇಸರದ ವಿಷಯ. ಆದರೆ ಮುಂದಿನ ವರ್ಷ ಅದ್ದೂರಿಯಾಗಿ ಆಯೋಜಿಸಲಾಗುವುದು’ ಎಂದು ಐಟಿಎಫ್ ಅಧ್ಯಕ್ಷ ಡೇವಿಡ್ ಹಗರ್ಟಿ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
