ರಾಷ್ಟ್ರೀಯ ಟೆನಿಸ್ ಕೇಂದ್ರವನ್ನು ತಿಂಗಳುಗಳ ಹಿಂದೆ ಕೊರೊನಾ ಪೀಡಿತರ ಚಿಕಿತ್ಸೆಗಾಗಿ ತುರ್ತು ಆಸ್ಪತ್ರೆಯನ್ನಾಗಿ ಪರಿವರ್ತಿಸಲಾಗಿತ್ತು. ಈಗ ಇಡೀ ಪರಿಸರವನ್ನು ‘ಬಯೊ ಬಬಲ್’ ಆಗಿ ಬದಲಿಸಲಾಗಿದೆ. ಹೀಗಾಗಿ ಈ ಬಾರಿ ಟೂರ್ನಿಯಲ್ಲಿ ಪ್ರೇಕ್ಷಕರ ಅಬ್ಬರವಿರುವುದಿಲ್ಲ. ಆಟಗಾರರನ್ನು ಟೂರ್ನಿಯುದ್ದಕ್ಕೂ ಆಗಾಗ ಕೋವಿಡ್ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ. ಪಾಸಿಟಿವ್ ವರದಿ ಬರುವ ಆಟಗಾರರಿಗೆ ನಂತರ ಯಾವ ಹಂತದಲ್ಲೂ ಆಡಲು ಅವಕಾಶವಿರುವುದಿಲ್ಲ. ಕ್ರೀಡಾಂಗಣ ಮತ್ತು ಉಳಿದುಕೊಳ್ಳುವ ಜಾಗವಲ್ಲದೆ ಬೇರೆ ಎಲ್ಲಿಗೂ ಪ್ರಯಾಣಿಸಲು ಆಟಗಾರರಿಗೆ ಅವಕಾಶವಿಲ್ಲ. ಕ್ರೀಡಾಂಗಣದ ಒಳಗೆ ಪ್ರವೇಶಿಸುವ ಮುನ್ನ ತಾಪಮಾನ ಪರೀಕ್ಷೆ ಕಡ್ಡಾಯವಾಗಿರುತ್ತದೆ.