ಶುಕ್ರವಾರ, ಏಪ್ರಿಲ್ 10, 2020
19 °C

ಡೇವಿಸ್‌ ಕಪ್‌: ಭಾರತದ ಆಸೆ ಜೀವಂತ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಜಾಗ್ರೆಬ್‌, ಕ್ರೊವೇಷ್ಯಾ: ಡೇವಿಸ್‌ ಕಪ್‌ ಟೆನಿಸ್‌ ಟೂರ್ನಿಯಲ್ಲಿ ಫೈನಲ್ಸ್‌ ಹಂತಕ್ಕೇರುವ ಭಾರತದ ಕನಸು ಜೀವಂತವಾಗಿದೆ.

ಶನಿವಾರ ನಡೆದ ಕ್ರೊವೇಷ್ಯಾ ಎದುರಿನ ಅರ್ಹತಾ ಹಂತದ ಡಬಲ್ಸ್‌ ವಿಭಾಗದ ಪಂದ್ಯದಲ್ಲಿ ಮೋಡಿ ಮಾಡಿದ ಲಿಯಾಂಡರ್‌ ಪೇಸ್‌ ಮತ್ತು ರೋಹನ್‌ ಬೋಪಣ್ಣ, ತಂಡಕ್ಕೆ ಚೈತನ್ಯ ತುಂಬಿದರು.

ಶುಕ್ರವಾರ ನಡೆದಿದ್ದ ಸಿಂಗಲ್ಸ್‌ ಪಂದ್ಯಗಳಲ್ಲಿ ಗೆದ್ದಿದ್ದ ಕ್ರೊವೇಷ್ಯಾ 2–0 ಮುನ್ನಡೆ ಗಳಿಸಿತ್ತು. ಹೀಗಾಗಿ ಡಬಲ್ಸ್‌ನಲ್ಲಿ ಭಾರತ ಗೆಲ್ಲಲೇಬೇಕಿತ್ತು.

ಡಾಮ್‌ ಸ್ಪೊರ್ಟೊವಾ ಅಂಗಳದಲ್ಲಿ ನಡೆದ ಹೋರಾಟದಲ್ಲಿ ಪೇಸ್‌ ಮತ್ತು ಬೋಪಣ್ಣ 6–3, 6–7, 7–5ರಲ್ಲಿ ಮೇಟ್‌ ಪೇವಿಕ್‌ ಮತ್ತು ಫ್ರಾಂಕೊ ಸ್ಕುಗರ್‌ ಅವರನ್ನು ಸೋಲಿಸಿ ಹಿನ್ನಡೆಯನ್ನು1–2ಕ್ಕೆ ತಗ್ಗಿಸಿದರು.

ಮೊದಲ ಸಿಂಗಲ್ಸ್‌ನಲ್ಲಿ ಪ್ರಜ್ಞೇಶ್‌ ಗುಣೇಶ್ವರನ್‌ 6–3, 4–6, 2–6ರಲ್ಲಿ ಬೊರ್ನಾ ಗೋಜೊ ಎದುರೂ, ರಾಮಕುಮಾರ್‌ ರಾಮನಾಥನ್‌ 6–7, 6–7ರಲ್ಲಿ ಮರಿನ್‌ ಸಿಲಿಕ್‌ ಮೇಲೂ ಸೋತಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು