ಸೋಮವಾರ, ಸೆಪ್ಟೆಂಬರ್ 28, 2020
25 °C

ಅಮೆರಿಕ ಓಪನ್‌ ಟೆನಿಸ್‌ ಕಣಕ್ಕೆ ಒಸಾಕ

ಎಪಿ Updated:

ಅಕ್ಷರ ಗಾತ್ರ : | |

Prajavani

ನ್ಯೂಯಾರ್ಕ್‌: ಎರಡು ಬಾರಿಯ ಗ್ರ್ಯಾನ್‌ಸ್ಲಾಮ್‌ ಚಾಂಪಿಯನ್‌, ಜಪಾನ್‌ನ ನವೊಮಿ ಒಸಾಕ ಅವರು ಅಮೆರಿಕ ಓಪನ್‌ ಟೆನಿಸ್‌ ಟೂರ್ನಿಯಲ್ಲಿ ಕಣಕ್ಕಿಳಿಯಲಿದ್ದಾರೆ. ಒಸಾಕ ಅವರ ಕಾರ್ಯದರ್ಶಿ ಸ್ಟುವರ್ಟ್‌ ಡಗ್ವಿಡ್ ಗುರುವಾರ ಈ ವಿಷಯ ತಿಳಿಸಿದ್ದಾರೆ.

‘ಅಮೆರಿಕ ಟೆನಿಸ್‌ ಸಂಸ್ಥೆಯು ಫ್ಲಶಿಂಗ್‌ ಮಿಡೋಸ್‌ನಲ್ಲಿ ಆಯೋಜಿಸಲಿರುವ ಎರಡೂ ಟೂರ್ನಿಗಳಲ್ಲಿ ಒಸಾಕ ಅವರು ಆಡಲಿದ್ದಾರೆ’ ಎಂದು ಸ್ಟುವರ್ಟ್‌ ಹೇಳಿದ್ದಾರೆ. ಒಸಾಕ ಅವರು ಕಣಕ್ಕಿಳಿಯಲಿರುವ ಹೆಚ್ಚುವರಿ ಟೂರ್ನಿಗಳ ಕುರಿತು ಅವರು ಪ್ರಸ್ತಾಪಿಸಲಿಲ್ಲ. 2018ರ ಅಮೆರಿಕ ಓಪನ್ ಹಾಗೂ 2019ರ ಆಸ್ಟ್ರೇಲಿಯನ್‌ ಓಪನ್‌ ಟೂರ್ನಿಗಳಲ್ಲಿ ಒಸಾಕ ಪ್ರಶಸ್ತಿಗೆ ಮುತ್ತಿಕ್ಕಿದ್ದಾರೆ.

ಆಗಸ್ಟ್‌ 31ರಿಂದ ಸೆಪ್ಟೆಂಬರ್‌ 13ರ ಅವಧಿಯಲ್ಲಿ ಅಮೆರಿಕ ಓಪನ್‌ ಟೂರ್ನಿಯು ನಿಗದಿಯಾಗಿದೆ.

ಕೊರೊನಾ ಹಾವಳಿಯ ಸಂದರ್ಭದಲ್ಲಿ ಪ್ರವಾಸ ಕೈಗೊಳ್ಳುವುದು ಸೂಕ್ತವಲ್ಲ ಎಂಬ ಕಾರಣಕ್ಕೆ, ವಿಶ್ವ ಕ್ರಮಾಂಕದಲ್ಲಿ ಅಗ್ರಸ್ಥಾನದಲ್ಲಿರುವ ಆ್ಯಷ್‌ ಬಾರ್ಟಿ ಅಮೆರಿಕ ಓಪನ್‌ನಿಂದ ಹಿಂದೆ ಸರಿದಿದ್ದಾರೆ. 

ಕೊರೊನಾ ಉಪಟಳದಿಂದ ಅಮೆರಿಕದಲ್ಲಿ ಒಂದೂವರೆ ಲಕ್ಷಕ್ಕಿಂತ ಹೆಚ್ಚು ಜನ ಸಾವನ್ನಪ್ಪಿದ ವರದಿಯಾಗಿದೆ. ದೇಶದ ಕೆಲವು ಪ್ರದೇಶಗಳಲ್ಲಿ ಸೋಂಕುಗಳ‌ ಸಂಖ್ಯೆ ಇನ್ನೂ ಏರುತ್ತಲೇ ಇದೆ. ಹೀಗಾಗಿ ಟೂರ್ನಿಗೆ ತೆರಳಲು ಹಲವರು ಆಟಗಾರರು ಹಿಂದೇಟು ಹಾಕುತ್ತಿದ್ದಾರೆ.

ಅಮೆರಿಕ ಓಪನ್‌ಗಿಂತಲೂ ಮುನ್ನ ನಡೆಯುವ (ಆಗಸ್ಟ್‌ 20–28) ವೆಸ್ಟರ್ನ್‌ ಮತ್ತು ಸದರ್ನ್‌ ಟೂರ್ನಿಗೆ ಭಾಗವಹಿಸುವವರ ಪಟ್ಟಿಯಲ್ಲಿ ಒಸಾಕ ಅವರ ಹೆಸರಿರಲಿಲ್ಲ. ಆದರೆ ವೈಲ್ಡ್‌ ಕಾರ್ಡ್‌ ಅರ್ಹತೆಯನ್ನು ಅವರು ಪಡೆಯಬಹುದಾಗಿದೆ.

ಕೊರೊನಾ ವೈರಸ್‌ ಹಿನ್ನೆಲೆಯಲ್ಲಿ ಮಾರ್ಚ್‌ನಿಂದ ಬಹುತೇಕ ಟೆನಿಸ್‌ ಟೂರ್ನಿಗಳು ಸ್ಥಗಿತಗೊಂಡಿವೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು