ಟೆನಿಸ್‌: ಪ್ರಶಸ್ತಿಗಾಗಿ ಅಗ್ರ ಶ್ರೇಯಾಂಕಿತರ ಹಣಾಹಣಿ

ಕೆಎಸ್‌ಎಲ್‌ಟಿಎ ಅಂಗಣದಲ್ಲಿ ಗುರುವಾರ ನಡೆದ ಬಾಲಕರ ವಿಭಾಗದ ಸೆಮಿಫೈನಲ್ ಪಂದ್ಯದಲ್ಲಿ ಅಗ್ರ ಶ್ರೇಯಾಂಕದ ತಮಿಳುನಾಡು ಆಟಗಾರ ಮೀರ್ ಫಜಲ್ ಅಲಿ 7-5, 6-4ರಲ್ಲಿ ದಿಗಂತ್ ಎಂ ಅವರನ್ನು ಸೋಲಿಸಿದರು. ಎರಡನೇ ಶ್ರೇಯಾಂಕದ ಲಿಖಿತ್ ಗೌಡ ಎಂಟನೇ ಶ್ರೇಯಾಂಕದ ರಣವೀರ್ ಪನ್ನು ವಿರುದ್ಧ6-1, 6-0ರಲ್ಲಿ ಗೆದ್ದರು.

ಬಾಲಕಿಯರ ವಿಭಾಗದಲ್ಲಿ ಅಗ್ರ ಶ್ರೇಯಾಂಕದ ಮೇಘನಾ ಜಿ.ಡಿ 6-1, 6-2ರಲ್ಲಿ ಅಣ್ವೇಷಾ ಧರ್ ವಿರುದ್ಧ ಗೆಲುವು ಸಾಧಿಸಿದರೆ ಕಾಶ್ವಿ ಸುನಿಲ್ 6-2, 6-4ರಲ್ಲಿ ಕಾರ್ತೀಕ ಪದ್ಮಕುಮಾರ್ ಅವರನ್ನು ಮಣಿಸಿದರು.

ಬಾಲಕರ ಡಬಲ್ಸ್‌ನ ಸೆಮಿಫೈನಲ್ಸ್‌ನಲ್ಲಿ ಮೀರ್ ಫಜಲ್ ಅಲಿ ಮತ್ತು ಶೌರ್ಯ ಕಲ್ಲಂಬಲ್ಲ ಜೋಡಿ ಅನೀಶ್ ಪಾಟೀಲ್ ಮತ್ತು ಯಶಸ್‌ ರಾಜ್ ಅವರನ್ನು 6-0, 6-1ರಲ್ಲಿ ಮಣಿಸಿದರೆ ತನಿಷ್ ವೇಪನಪಳ್ಳಿ ಹಾಗೂ ಸ್ಟೀಫನ್ ಡೈಲನ್ ಜೋಡಿ ದಿಗಂತ್ ಮತ್ತು ಲಿಖಿತ್ ಗೌಡ ಎದುರು 7-5, 6-7 (3), 10-8ರಲ್ಲಿ ಗೆಲುವು ಸಾಧಿಸಿದರು. ಬಾಲಕಿಯರ ವಿಭಾಗದ ಡಬಲ್ಸ್‌ನಲ್ಲಿ ಸೃಷ್ಟಿ ಕಿರಣ್‌ ಮತ್ತು ತನು ವಿಶ್ವಾಸ್ ಜೋಡಿ ಮೇಘನಾ ಜಿ.ಡಿ ಮತ್ತು ಜೀವಿಕಾ ಚನ್ನಬೈರೇಗೌಡ ಅವರನ್ನು4-6, 7-6 (5), 10–8ರಲ್ಲಿ, ಅಗಮ್ಯ ಚಂದ್ರ ಮತ್ತು ಐಲಿನ್ ಮಿರಿಯಮ್ ಕಾರ್ನೆಲಿಯೊ7-6 (4), 6-4ರಲ್ಲಿ ದಕ್ಷಣ ಎಸ್‌.ಆರ್ ಮತ್ತು ಸನಾ ಸೇಷ್‌ ವರ್ಧಮಾನ್ ಅವರನ್ನು 7-6 (4), 6-4ರಲ್ಲಿ ಮಣಿಸಿದರು.