ಫಾರ್ಮುಲಾ ಒನ್ ರೇಸ್‌: ಭಾರತದತ್ತ ವಿಶ್ವದ ಗಮನ

ನವದೆಹಲಿ (ಪಿಟಿಐ): ಭಾರತ ಎಂದಾಕ್ಷಣ ವಿದೇಶಿಯರಿಗೆ ನೆನಪಾಗುವುದು ಮಹಾತ್ಮಾ ಗಾಂಧಿ, ತಾಜ್ಮಹಲ್, ಮಸಾಲೆ ಪದಾರ್ಥ ಹಾಗೂ ಚೆಸ್ ತಾರೆ ವಿಶ್ವನಾಥನ್ ಆನಂದ್. ಸ್ವಲ್ಪ ಮಟ್ಟಿಗೆ ಕ್ರಿಕೆಟ್ ಆಟದಿಂದಲೂ ಸ್ಮರಿಸುತ್ತಾರೆ. ಆದರೆ ಇನ್ನು ಮುಂದೆ ದೇಶದ ಖ್ಯಾತಿಗೆ ಫಾರ್ಮುಲಾ ಒನ್ ಮೋಟಾರ್ ರೇಸ್ ಕೂಡ ಸೇರಿಕೊಳ್ಳಲಿದೆ.

. ಮೊಟ್ಟ ಮೊದಲ ಬಾರಿಗೆ ಫಾರ್ಮುಲಾ ಒನ್ ಗ್ರ್ಯಾನ್ ಪ್ರೀ ನಡೆಸಲಿರುವ ಭಾರತವು ಮೋಟಾರ್ ರೇಸಿಂಗ್ ಭೂಪಟದಲ್ಲಿ ಸ್ಥಾನ ಗಿಟ್ಟಿಸಲಿದೆ. ಅಕ್ಟೋಬರ್ 30ರಂದು ವಿಶ್ವದ ಗಮನ ಭಾರತದ ಕಡೆಗೆ ತಿರುಗಲಿದೆ. ಹೊಸದಾಗಿ ಇಲ್ಲಿಗೆ ಸಮೀಪದ ನೊಯಿಡಾದಲ್ಲಿ ನಿರ್ಮಾಣವಾದ ಟ್ರ್ಯಾಕ್ನಲ್ಲಿ ಯಾವ ತಂಡದ ಚಾಲಕನ ಕಾರು ಮುನ್ನುಗ್ಗುತ್ತದೆಂದು ಎಲ್ಲರೂ ಕುತೂಹಲದಿಂದ ಕಾಯ್ದಿದ್ದಾರೆ.

ಈ ಸಾಲಿನಲ್ಲಿ ಬಾಕಿ ಇರುವ ಮೂರು ರೇಸ್ಗಳಲ್ಲಿ ಇಲ್ಲಿ ನಡೆಯುವುದೂ ಒಂದಾಗಿದೆ. ಆನಂತರ ಕೊನೆಯ ಎರಡು ರೇಸ್ಗಳು ಅಬುಧಾಬಿ ಹಾಗೂ ಬ್ರೆಜಿಲ್ನಲ್ಲಿ ನಡೆಯಲಿವೆ. ಆದ್ದರಿಂದ ಪ್ರತಿಯೊಂದು ರೇಸಿಂಗ್ ತಂಡದವರು ಪಾಯಿಂಟ್ಸ್ ಹೆಚ್ಚಿಸಿಕೊಳ್ಳಲು ಪ್ರಬಲ ಪೈಪೋಟಿ ನಡೆಸಲು ಸಜ್ಜಾಗುತ್ತಿದ್ದಾರೆ. ಸಹಾರಾ ಫೋರ್ಸ್ ಇಂಡಿಯಾ ಕೂಡ ಐದನೇ ಸ್ಥಾನಕ್ಕೇರುವ ಕನಸು ಕಾಣುತ್ತಿದೆ. ಆದ್ದರಿಂದ ಭಾರತದಲ್ಲಿನ ಫಾರ್ಮುಲಾ ಒನ್ ಈ ರೇಸಿಂಗ್ ಋತುವಿನ ಮಹತ್ವದ ಘಟ್ಟವೆನಿಸಿದೆ.

ಒಂದೆಡೆ ರೇಸಿಂಗ್ ತಂಡಗಳ ತಂತ್ರಜ್ಞರು ಉತ್ತಮ ಪ್ರದರ್ಶನದ ನಿರೀಕ್ಷೆಯೊಂದಿಗೆ ಕಾರ್ ಸಜ್ಜುಗೊಳಿಸುವಲ್ಲಿ ನಿರತರಾಗಿದ್ದಾರೆ. ಇನ್ನೊಂದೆಡೆ ರೇಸರ್ಗಳು ಹೊಸ ಟ್ರ್ಯಾಕ್ನಲ್ಲಿ ಅದೃಷ್ಟವನ್ನು ಎದುರು ನೋಡುತ್ತಿದ್ದಾರೆ.

ಈಗಾಗಲೇ ನಿತ್ಯವೂ ಟ್ರ್ಯಾಕ್ ಸುತ್ತುವ ಕಾಯಕವನ್ನು ಅನೇಕ ತಂಡಗಳ ತಜ್ಞರು ಆರಂಭಿಸಿದ್ದಾರೆ. ಅವರ ಮೊದಲ ಗಮನ ಈ ಗ್ರ್ಯಾನ್ ಪ್ರೀಯಲ್ಲಿ ಯಶಸ್ಸು ಪಡೆಯುವುದು. ಆನಂತರ ಭಾರತದಲ್ಲಿ ಒಂದೆರಡು ದಿನ ಸುತ್ತುವುದು.

ಹೌದು; ಮರ್ಸಿಡೀಸ್ ಚಾಲಕ ನಿಕೊ ರೋಸ್ಬರ್ಗ್ ಐತಿಹಾಸಿಕ ತಾಜ್ಮಹಲ್ ನೋಡಿಕೊಂಡೇ ಹೋಗುವುದೆಂದು ತೀರ್ಮಾನ ಮಾಡಿದ್ದಾರೆ. ಸೌಬರ್ ತಂಡದ ಕಾಮುಯಿ ಕೊಬಾಯಾಶಿಗಂತೂ ಇಲ್ಲಿನ ಬಟರ್ ಚಿಕನ್ ಎಂದರೆ ಭಾರಿ ಇಷ್ಟ. ಇಲ್ಲಿಂದಲೇ ಅಲ್ಲವೇ ಈ ರುಚಿಕಟ್ಟಾದ ಆಹಾರ ಪದಾರ್ಥ ವಿಶ್ವದೆಲ್ಲೆಡೆ ಪ್ರಚಾರ ಪಡೆದಿದ್ದೆಂದು ಅವರು ಈಗಾಗಲೇ ತಮ್ಮ ಅಭಿಪ್ರಾಯವನ್ನು ಹರಿಬಿಟ್ಟಿದ್ದಾರೆ.

ಮೈಕಲ್ ಶೂಮೇಕರ್ ಅವರಂತೂ ಭಾರತದ ಬಗ್ಗೆ ಸಾಕಷ್ಟು ಕೇಳಿ ಹಾಗೂ ಓದಿ ತಿಳಿದುಕೊಂಡಿದ್ದಾರೆ. ಇದೊಂದು ವಿಭಿನ್ನವಾದ ಸಂಸ್ಕೃತಿಯ ತಾಣ. ನೋಡುವುದೇ ಸೊಗಸೆಂದು ಅವರು ಆಸಕ್ತಿಯಿಂದ ಕಾಯ್ದಿದ್ದಾರೆ. ರೆಡ್ ಬುಲ್ ಚಾಲಕರಾಗಿರುವ ಆಸ್ಟ್ರೇಲಿಯಾದ ಮಾರ್ಕ್ ವೆಬ್ಬರ್ ಸ್ವಲ್ಪ ಮಟ್ಟಿಗೆ ಕ್ರಿಕೆಟ್ ಆಸಕ್ತರು. ಆದ್ದರಿಂದ ಅವರು ಭಾರತದ ಕ್ರಿಕೆಟಿಗರ ಕುರಿತು ಮಾತನಾಡಲು ಇಷ್ಟಪಡುತ್ತಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫಾರ್ಮುಲಾ ಒನ್ ರೇಸ್‌: ಭಾರತದತ್ತ ವಿಶ್ವದ ಗಮನ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಸಿಗಂದೂರು ಸೇತುವೆ: ಶಿಷ್ಟಾಚಾರ ಉಲ್ಲಂಘನೆ ಆರೋಪಕ್ಕೆ ನಿತಿನ್ ಗಡ್ಕರಿ ಪ್ರತಿಕ್ರಿಯೆ

ನಿಮಿಷಾಗೆ ಗಲ್ಲು | ಇತರ ರಾಷ್ಟ್ರಗಳಂತೆ ಯೆಮೆನ್ ಅಲ್ಲ ಎಂದು ಕೈಚೆಲ್ಲಿದ ಕೇಂದ್ರ

ಚುರುಮುರಿ | ಭೋಜನ ಭಾಗ್ಯ

ಅಪರಿಚಿತ ವಾಹನ ಡಿಕ್ಕಿ: 114 ವರ್ಷದ ಮ್ಯಾರಥಾನ್‌ ಓಟಗಾರ ಫೌಜಾ ಸಿಂಗ್‌ ಸಾವು

Wimbledon | ಸಾಕಾರಗೊಂಡ ಯಾನಿಕ್‌ ಸಿನ್ನರ್ ಕನಸು

ಡ್ರಗ್ಸ್‌ ಪಿಡುಗು: ಜಾಗೃತಿಗೆ ಚಿಂತನ ಶಿಬಿರ

ಫಿಡೆ ಮಹಿಳಾ ವಿಶ್ವಕಪ್‌ ಚೆಸ್‌: ಪ್ರಿಕ್ವಾರ್ಟರ್‌ಗೆ ದಿವ್ಯಾ, ಹಂಪಿ, ವೈಶಾಲಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಸಿಗಂದೂರು ಸೇತುವೆ: ಶಿಷ್ಟಾಚಾರ ಉಲ್ಲಂಘನೆ ಆರೋಪಕ್ಕೆ ನಿತಿನ್ ಗಡ್ಕರಿ ಪ್ರತಿಕ್ರಿಯೆ

ನಿಮಿಷಾಗೆ ಗಲ್ಲು | ಇತರ ರಾಷ್ಟ್ರಗಳಂತೆ ಯೆಮೆನ್ ಅಲ್ಲ ಎಂದು ಕೈಚೆಲ್ಲಿದ ಕೇಂದ್ರ

ಚುರುಮುರಿ | ಭೋಜನ ಭಾಗ್ಯ