‘ಪೋಲ್ ಪೊಷಿಸನ್’ನೊಂದಿಗೆ ಸ್ಪರ್ಧೆ ಆರಂಭಿಸಿದ್ದ ಮರ್ಸಿಡೀಸ್ ತಂಡದ ಲೂಯಿಸ್ ಹ್ಯಾಮಿಲ್ಟನ್ ಆರಂಭದಿಂದಲೇ ಶರವೇಗದಲ್ಲಿ ಮೋಟರ್ ಕಾರು ಓಡಿಸಿದರು. ಮೊದಲ 10 ಲ್ಯಾಪ್ಗಳವರೆಗೆ ಮುನ್ನಡೆ ಸಾಧಿಸಿದ್ದ ಅವರು 11ನೇ ಲ್ಯಾಪ್ನಲ್ಲಿ ತಪ್ಪು ಮಾಡಿದರು.ಇದರ ಲಾಭ ಎತ್ತಿಕೊಂಡ ವೆಟಲ್ ಮುನ್ನಡೆ ತಮ್ಮದಾಗಿಸಿಕೊಂಡರು. ಬಳಿಕ ಇಬ್ಬರ ನಡುವೆಯೂ ತುರುಸಿನ ಪೈಪೋಟಿ ಕಂಡುಬಂತು. ಆದರೆ ವೆಟಲ್ ಯಾವ ಹಂತದಲ್ಲೂ ಮುನ್ನಡೆ ಬಿಟ್ಟುಕೊಡದೆ ಮೊದಲಿಗರಾಗಿ ಗುರಿ ಸೇರಿದರು. ಹಾಲಿ ವಿಶ್ವ ಚಾಂಪಿಯನ್ ಹ್ಯಾಮಿಲ್ಟನ್ ಎರಡನೇ ಸ್ಥಾನಕ್ಕೆ ತೃಪ್ತಿಪಟ್ಟರು.