ಏಳೂವರೆ ಗಂಟೆ ತಡವಾಗಿ ಹೊರಟ ವಿಮಾನ: ಪ್ರಯಾಣಿಕರ ಪರದಾಟ

ಸೋಮವಾರ, ಜೂನ್ 17, 2019
31 °C
ಏರ್‌ ಇಂಡಿಯಾದಲ್ಲಿ ಇಂಧನ ಟ್ಯಾಂಕ್ ಸೋರಿಕೆ ಹಿನ್ನೆಲೆ

ಏಳೂವರೆ ಗಂಟೆ ತಡವಾಗಿ ಹೊರಟ ವಿಮಾನ: ಪ್ರಯಾಣಿಕರ ಪರದಾಟ

Published:
Updated:

ಬೆಂಗಳೂರು: ‘ಏರ್ ಇಂಡಿಯಾ' ವಿಮಾನ ಇಲ್ಲಿಂದ ಸಿಂಗಪುರಕ್ಕೆ 7 ಗಂಟೆ 30 ನಿಮಿಷ ತಡವಾಗಿ ಪ್ರಯಾಣ ಬೆಳೆಸಿತು. ಅಷ್ಟೂ ಸಮಯ ವಿಮಾನದಲ್ಲಿ ಕುಳಿತಿದ್ದ ಕೆಲ ಪ್ರಯಾಣಿಕರು ಪರದಾಡಿದರೆ, ಹಲವರು ಪ್ರಯಾಣ ರದ್ದುಪಡಿಸಿ ವಾಪಸ್‌ ಹೋದರು.

ಸಿಂಗಪುರಕ್ಕೆ ಮಧ್ಯಾಹ್ನ 12.20ಕ್ಕೆ ಹೊರಡಬೇಕಿದ್ದ ವಿಮಾನಕ್ಕೆ ಪ್ರಯಾಣಿಕರನ್ನು ಹತ್ತಿಸಿಕೊಂಡು ಕೂರಿಸಲಾಯಿತು. ‘ಬಳಿಕ ಅರ್ಧ ಗಂಟೆ ತಡವಾಗಲಿದೆ‘ ಎಂದು ಪೈಲಟ್ ಪ್ರಕಟಿಸಿದರು. ವಿಮಾನದ ಇಂಧನ ಟ್ಯಾಂಕ್‌ನಲ್ಲಿ ಸೋರಿಕೆ ಇರುವ ಕಾರಣ ಒಂದು ಗಂಟೆ ತಡವಾಗಬಹುದು ಎಂದು ಮತ್ತೊಮ್ಮೆ ಪ್ರಕಟಣೆ ಹೊರಡಿಸಲಾಯಿತು’ ಎಂದು ಪ್ರಯಾಣಿಕರೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.

‘ದುರಸ್ತಿಗೆ ಅಗತ್ಯ ಇರುವ ಪರಿಕರಗಳು ಮುಂಬೈ ಅಥವಾ ತಿರುವನಂತಪುರದಿಂದ ಬರಬೇಕಿದ್ದು, ವಿಮಾನ ಸುಮಾರು 7 ಗಂಟೆ ತಡವಾಗಿ ಹೊರಡಲಿದೆ. ಆದರೆ, ಖಚಿತವಾಗಿ ಏನನ್ನೂ ಹೇಳಲು ಸಾಧ್ಯವಿಲ್ಲ’ ಎಂದು ಪೈಲಟ್ ಮತ್ತೊಮ್ಮೆ ಹೇಳಿದರು.

‘ಎರಡೂವರೆ ವರ್ಷದ ಮಗುವಿನೊಂದಿಗೆ ಸಿಂಗಪುರಕ್ಕೆ ಹೊರಟಿದ್ದೆ. ನಮಗೆ ತಿನ್ನಲು ಸಹ ಏನನ್ನೂ ನೀಡಲಿಲ್ಲ. ಹೀಗಾಗಿ ವಿಮಾನ ಇಳಿದು ಬಂದೆ’ ಎಂದು ಮಹಿಳೆಯೊಬ್ಬರು ಹೇಳಿದರು.

‘1.30ರ ಸುಮಾರಿಗೆ ವಿಮಾನ ಇಳಿದರೂ, ಹೊರಕ್ಕೆ ಬರಲು ಸಂಜೆ 5.30 ದಾಟಿತು. ಅಲ್ಲಲ್ಲೇ ನಮ್ಮನ್ನು ಕೂರಿಸಿ ಸಮಯ ಹಾಳು ಮಾಡಿದರು. ರಾತ್ರಿ ಮನೆಗೆ ವಾಪಸ್ ಬರುವಷ್ಟರಲ್ಲಿ ಗಂಟೆ 7.30 ದಾಟಿತ್ತು’ ಎಂದು ಹೇಳಿದರು.

‘ಮಗಳು ಮತ್ತು ನನ್ನ ಟಿಕೆಟ್‌ಗೆ ಒಟ್ಟು ₹35,000 ಪಾವತಿಸಿದ್ದೇನೆ. 3 ಗಂಟೆ ತಡವಾದರೂ ಪೂರ್ಣ ಪ್ರಮಾಣದ ಹಣ ವಾಪಸ್ ನೀಡಬೇಕೆಂಬ ನಿಯಮ ಇದೆ. ಆದರೂ, ಹಣ ವಾಪಸ್ ನೀಡಲು ಏರ್‌ಲೈನ್ಸ್ ಅಧಿಕಾರಿಗಳು ನಿರಾಕರಿಸಿದರು. 7 ದಿನಗಳಲ್ಲಿ ನಿಮ್ಮ ಬ್ಯಾಂಕ್ ಖಾತೆಗೆ ಹಣ ಬರಲಿದೆ ಎಂಬ ಇ–ಮೇಲ್ ಬಂದಿದೆ’ ಎಂದು ವಿವರಿಸಿದರು.

‘ಸಿಂಗಪುರದಲ್ಲಿ ಉದ್ಯೋಗಿಯಾಗಿರುವ ನಾನು ರಜೆ ಕಳೆಯಲು ಮಗಳೊಂದಿಗೆ ಬಂದಿದ್ದೆ. ವಾಪಸ್ ಹೋಗಲು ಸಾಧ್ಯವಾಗಿಲ್ಲ. ನನ್ನಂತೆ ಹಲವರು ತೊಂದರೆ ಅನುಭವಿಸಿದ್ದಾರೆ’ ಎಂದು ಹೇಳಿದರು.

‘ವಿಮಾನ ಬೆಂಗಳೂರಿನಿಂದ ಸಿಂಗಪುರದತ್ತ ಸಂಜೆ 6.50ಕ್ಕೆ ಹೊರಟಿತು. ಯಾವ ಕಾರಣಕ್ಕೆ ವಿಳಂಬವಾಗಿದೆ ಎಂಬುದು ಗೊತ್ತಿಲ್ಲ’ ಎಂದು ಏರ್ ಇಂಡಿಯಾ ಅಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 5

    Angry

Comments:

0 comments

Write the first review for this !