23ರಿಂದ ‘ಬೆಂಗಳೂರು ಬೈ ಡಿಸೈನ್‌’ ವಿನ್ಯಾಸ ಉತ್ಸವ

ವಿನ್ಯಾಸ ಕ್ಷೇತ್ರದಲ್ಲಿ ಹೊಸತನ, ಮಾದರಿ ಪ್ರಾತ್ಯಕ್ಷಿಕೆ, ವಸ್ತುಪ್ರದರ್ಶನ, ಕಾರ್ಯಾಗಾರ, ವಿಚಾರ ಸಂಕಿರಣಗಳು 10 ದಿನಗಳ ಕಾಲ ನಡೆಯಲಿವೆ. ಈ ಕ್ಷೇತ್ರದ ಸೃಜನಶೀಲತೆ, ಆಲೋಚನೆಗಳನ್ನು ವ್ಯಕ್ತಪಡಿಸಲು, ವಿನ್ಯಾಸ ಕ್ಷೇತ್ರದ ಹೊಸ ಪ್ರತಿಭೆಗಳಿಗೆ ಬೆಳಕು ಚೆಲ್ಲುವ ಕುರಿತು ಈ ಉತ್ಸವ ವೇದಿಕೆ ಕಲ್ಪಿಸುವ ಗುರಿ ಹೊಂದಿದೆ.

ವಿಶ್ವದ ಮೂಲೆ ಮೂಲೆಗಳಿಂದ ವೃತ್ತಿಪರ ವಿನ್ಯಾಸಕಾರರು ಪಾಲ್ಗೊಳ್ಳಲಿದ್ದಾರೆ. ವಿವಿಧ ಕಂಪನಿಗಳು ಈ ಉತ್ಸವಕ್ಕೆ ಸಹಯೋಗ ನೀಡಿವೆ.
ಉತ್ಸವದ ಮುಖ್ಯ ಥೀಮ್‌ಗಳು: ವಿನ್ಯಾಸ ಮತ್ತು ಸಾರ್ವಜನಿಕರು, ವಿನ್ಯಾಸ ಮತ್ತು ಶಿಕ್ಷಣ, ವಿನ್ಯಾಸ ಮತ್ತು ಉದ್ಯಮ, ಜನರ ಸಹಭಾಗಿತ್ವ, ಶಿಕ್ಷಣ, ಆವಿಷ್ಕಾರ, ಸುಸ್ಥಿರತೆ, ವಿನ್ಯಾಸದ ಮೂಲಕ ಸೃಜನಶೀಲತೆಯನ್ನು ಈ ಕಾರ್ಯಕ್ರಮ ಉತ್ತೇಜಿಸಲಿದೆ. ಸೃಜನಶೀಲ ಆಲೋಚನೆ ಹಾಗೂ ವಿನ್ಯಾಸ ಕ್ಷೇತ್ರದಲ್ಲಿ ನಾಯಕತ್ವವನ್ನು ಉತ್ತೇಜಿಸುವ ಗುರಿಯನ್ನೂ ಹೊಂದಿದೆ ಎಂದು ಸಂಘಟಕರ ಪ್ರ‌ಕಟಣೆ ತಿಳಿಸಿದೆ.