12 ಗಂಟೆ ವ್ಯಾಸಂಗ: ಕೊಟ್ಟಿತು ಫಲ

ಬುಧವಾರ, ಜೂನ್ 19, 2019
31 °C
ಕಾಮೆಡ್‌ ಕೆ ಪರೀಕ್ಷೆಯಲ್ಲಿ ರಾಜ್ಯಕ್ಕೆ ಟಾಪರ್‌ ಅಭಿಮತ: ದೀಕ್ಷಾ ವಿದ್ಯಾರ್ಥಿಗಳ ಸಾಧನೆ

12 ಗಂಟೆ ವ್ಯಾಸಂಗ: ಕೊಟ್ಟಿತು ಫಲ

Published:
Updated:

ಬೆಂಗಳೂರು: ‘ಪ್ರತಿದಿನ ಸುಮಾರು 12 ಗಂಟೆಯಷ್ಟು ಹೊತ್ತು ವ್ಯಾಸಂಗದಲ್ಲಿ ತಲ್ಲೀನನಾಗಿರುತ್ತಿದ್ದೆ. ಎರಡು ವರ್ಷಗಳಿಂದ ಮೊಬೈಲ್‌ ಪೋನ್‌ ದೂರವೇ ಇಟ್ಟಿದ್ದೆ. ಏನೋ ಸಾಧಿಸಬೇಕು ಎಂಬ ಕನಸು ಕಂಡು ಓದಿದ್ದಕ್ಕೆ ಇಂದು ಫಲ ದೊರೆತಿದೆ...’

ಕಾಮೆಡ್‌ ಕೆ ಪ್ರವೇಶ ಪರೀಕ್ಷೆಯಲ್ಲಿ ರಾಜ್ಯಕ್ಕೆ ಟಾಪರ್‌ ಆಗಿರುವ ರಿಷಬ್‌ ಅಡಿಗ ‘ಪ್ರಜಾವಾಣಿ’ಯೊಂದಿಗೆ ಖುಷಿ ಹಂಚಿಕೊಂಡಾಗ ಆಡಿದ ಮಾತುಗಳಿವು.

‘ನಾನು ಜೆಇಇ ಮೈನ್‌ ಪರೀಕ್ಷೆಗೆ ಸೋಮವಾರ ಹಾಜರಾಗಿದ್ದೇನೆ. ಅಲ್ಲೂ ಉತ್ತಮ ಫಲಿತಾಂಶ ಬರುವ ನಿರೀಕ್ಷೆ ಇದೆ. ಹೀಗಾಗಿ ಐಐಟಿ ಮದ್ರಾಸ್‌ ಅಥವಾ ಎಂಐಟಿ ಪ್ರವೇಶ ಸಿಗಬಹುದು. ಪಿಲಾನಿಯ ಬಿಟ್ಸ್‌ ಸಂಸ್ಥೆಯನ್ನು ಸೇರಿಕೊಳ್ಳುವ ಬಯಕೆಯೂ ಇದೆ. ಕಂಪ್ಯೂಟರ್‌ ಸೈನ್ಸ್‌ನಲ್ಲಿ ಮುಂದೆ ಹೆಚ್ಚಿನ ಅಧ್ಯಯನ ನಡೆಸಬೇಕೆಂದಿರುವೆ’ ಎಂದು ಅವರು ಹೇಳಿದರು.

‘ದೀಕ್ಷಾ ಶಿಕ್ಷಣ ಸಂಸ್ಥೆ ನನ್ನಂತೆ ಮೂವರು ಟಾಪರ್‌ಗಳನ್ನು ರೂಪಿಸಿಕೊಟ್ಟಿದೆ’ ಎಂದು ಅವರು ಹೆಮ್ಮೆಯಿಂದ ಹೇಳಿದರು.

ರಾಜ್ಯಕ್ಕೆ ಎರಡನೇ ಟಾಪರ್‌ ಆಗಿರುವ ಗಗನ್‌ ಹೆಗಡೆ, ಮೂರನೇ ಟಾಪರ್‌ ಎಂ.ಅಲೋಕ್‌ ಕೃಷ್ಣ ಹಾಗೂ ನಾಲ್ಕನೇ ಟಾಪರ್‌ ಆಗಿರುವ ರಕ್ಷಿತ್‌ ಪಿ. ಅವರೂ ಸಹ ‘ಪ್ರಜಾವಾಣಿ’ ಜತೆಗೆ ತಮ್ಮ ಅನುಭವ ಹಂಚಿಕೊಂಡರು. ಈ ಪೈಕಿ ಅಲೋಕ್‌ ಕೃಷ್ಣ ಅವರು ಶ್ರೀ ಚೈತನ್ಯ ಸಂಸ್ಥೆಯಲ್ಲಿ ಪಿಯು ವ್ಯಾಸಂಗ ಮಾಡಿದವರು.

‘ನನಗೆ ಪಿಯು ಪರೀಕ್ಷೆಯ ಫಲಿತಾಂಶ ಬಂದಾಗ ಅಚ್ಚರಿ ಕಾದಿತ್ತು. ನನಗೆ ಕೇವಲ ಶೇ 84ರಷ್ಟು ಅಂಕ ಬಂದಿತ್ತು. ನಾನು ಪರೀಕ್ಷೆ ಬರೆದುದರಿಂದ ನನಗೆ ಹೆಚ್ಚಿನ ಅಂಕ ಸಿಕ್ಕೇ ಸಿಗಬೇಕಿತ್ತು. ಆದರೆ, ಮರು ಮೌಲ್ಯಮಾಪನಕ್ಕೆ ಸ್ಕ್ಯಾನ್ಡ್‌ ಕಾಪಿಗೆ ಅರ್ಜಿ ಸಲ್ಲಿಸಬೇಕು ಎಂಬ ಮಾಹಿತಿ ನನಗಿರಲಿಲ್ಲ. ವಿಷಯ ಗೊತ್ತಾದಾಗ ಸಮಯ ಮೀರಿತ್ತು. ಆದರೆ, ನನಗೆ ಬೇಸರವಿಲ್ಲ. ನನಗೆ ಪಿಲಾನಿಯ ‘ಬಿಟ್ಸ್‌’ ಸಹಿತ ದೇಶದ ಪ್ರತಿಷ್ಠಿತ ಸಂಸ್ಥೆಗಳಲ್ಲಿ ಎಂಜಿನಿಯರಿಂಗ್‌ ಕ್ಷೇತ್ರದಲ್ಲಿ ಉನ್ನತ ವ್ಯಾಸಂಗಕ್ಕೆ ಪ್ರವೇಶ ಸಿಗುವ ಅವಕಾಶ ಇದ್ದೇ ಇದೆ’ ಎಂದು ಗಗನ್‌ ಹೆಗಡೆ ಹೇಳಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 1

    Frustrated
  • 0

    Angry

Comments:

0 comments

Write the first review for this !