ಸಚಿವ ಜಾರ್ಜ್‌ ಹೆಸರು ಹೇಳಿ ವಂಚನೆ: ಬಂಧನ

ನಾಗನಾಥಪುರ ನಿವಾಸಿ ಸುಧಾಕರ್ ಅಲಿಯಾಸ್‌ ಕಣ್ಣನ್‌ ಬಂಧಿತ ಆರೋಪಿ.

ಕಾರ್ಯಕ್ರಮವೊಂದರಲ್ಲಿ ಜಾರ್ಜ್ ಜೊತೆ ಫೋಟೊ ತೆಗೆಸಿಕೊಂಡಿದ್ದ ಸುಧಾಕರ್‌, ಅದನ್ನು ತೋರಿಸಿ ವಂಚಿಸುತ್ತಿದ್ದ ಎಂದು ಆರೋಪಿಸಲಾಗಿದೆ.

‘₹ 50 ಸಾವಿರ ನೀಡಿದರೆ ಕ್ರೈಸ್ಟ್‌ ಅಕಾಡೆಮಿ ಕಾಲೇಜಿನಲ್ಲಿ ಡೊನೇಷನ್ ಇಲ್ಲದೆ ಮಗನಿಗೆ ಪ್ರವೇಶ ಕೊಡಿಸುವುದಾಗಿ ಸುಧಾಕರ್‌ ನನ್ನನ್ನು ನಂಬಿಸಿದ್ದ. ಆದರೆ, ಸೀಟು ಮಾಡಿಸಿ ಕೊಟ್ಟಿಲ್ಲ. ಆದರೆ, ₹ 25 ಸಾವಿರ ಕೊಡಬೇಕೆಂದು ಒತ್ತಾಯಿಸಿದ್ದ. ಹಣ ಕೊಡಲು ನಿರಾಕರಿಸಿದಾಗ, ಮನೆಗೆ ಬಂದು 26 ಗ್ರಾಂ ತೂಕದ ಚಿನ್ನದ ಸರ ಕಳವು ಮಾಡಿದ್ದಾನೆ’ ಎಂದು ನಾಗರಾಜ್‌ ಎಂಬುವವರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಆರೋಪಿಯನ್ನು ಬಂಧಿಸಿರುವ ಪೊಲೀಸರು ವಿಚಾರಣೆ ನಡೆಸುತ್ತಿದ್ದು, ಈತ ಕೆಲವು ಕಳವು ಪ್ರಕರಣಗಳಲ್ಲಿ ಭಾಗಿಯಾಗಿರುವುದು ಗೊತ್ತಾಗಿದೆ.