ಮಂಗಳವಾರ, ಜನವರಿ 28, 2020
19 °C

ವಿಮಾನ ನಿಲ್ದಾಣದಲ್ಲಿ ತೊಂದರೆಗೆ ಸಿಲುಕಿದ 16 ಭಾರತೀಯರು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ವಾಷಿಂಗ್ಟನ್‌: ಸಾಗರೋತ್ತರ ಭಾರತೀಯ ಕಾರ್ಡ್‌ (ಒಸಿಐ) ಇದ್ದರೂ, ರದ್ದುಗೊಂಡ ಹಳೆಯ ಪಾಸ್‌ಪೋರ್ಟ್‌ ತರದ ಕಾರಣ ಅಮೆರಿಕದಲ್ಲಿ ನೆಲೆಸಿರುವ ಭಾರತೀಯರಿಗೆ ವಿಮಾನ ನಿಲ್ದಾಣದಲ್ಲಿ ಬೋರ್ಡಿಂಗ್‌ ಪಾಸ್‌ ಸಿಗದೆ ಪರದಾಡುವ ಸ್ಥಿತಿ ನಿರ್ಮಾಣವಾಗಿತ್ತು. 

ಮಾನ್ಯತೆ ಪಡೆದ ಒಸಿಐ ಮತ್ತು ಪಾಸ್‌ಪೋರ್ಟ್‌ ಇದ್ದರೂ, ಇತ್ತೀಚೆಗೆ ಜಾರಿಯಾದ ತಾತ್ಕಾಲಿಕ ನಿಯಮದ ಅನುಸಾರ, ಪ್ರಯಾಣಿಕರು ತಮ್ಮ ರದ್ದುಗೊಂಡ ಪಾಸ್‌ಪೋರ್ಟ್ ತರುವುದು ಅಗತ್ಯ. ಆದರೆ ಈ ಕುರಿತು ಅರಿವಿಲ್ಲದ 16 ಪ್ರಯಾಣಿಕರು ಜಾನ್‌ ಎಫ್‌ ಕೆನಡಿ ವಿಮಾನ ನಿಲ್ದಾಣದಲ್ಲಿ  ಕೆಲಸಮಯ ಪರದಾಡಿದರು. ಇವರೆಲ್ಲ ದೆಹಲಿಗೆ ಹೊರಟಿದ್ದರು.  ವಿಮಾನ ಹೊರಡುವ ಕೆಲವೇ ಸಮಯದ ಮೊದಲು, ನ್ಯೂಯಾರ್ಕ್‌ನಲ್ಲಿನ ಭಾರತದ ಕಾನ್ಸಲ್‌ ಜನರಲ್‌ ಸಂದೀಪ್‌ ಚಕ್ರವರ್ತಿ, ಅವರು ಜೆಕೆಎಫ್‌ ವಿಮಾನ ನಿಲ್ದಾಣದ ಏರ್‌ ಇಂಡಿಯಾ ಸಂಸ್ಥೆಗೆ ಪತ್ರ ಬರೆದು ಸಮಸ್ಯೆ ಬಗೆಹರಿಸಿದರು.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು