ವಾಷಿಂಗ್ಟನ್: ಜಾಗತಿಕ ಮಟ್ಟದಲ್ಲಿ ಆರ್ಥಿಕ ಹಿಂಜರಿತವುಂಟಾಗಿದ್ದು ಇದು ಭಾರತ ಸೇರಿದಂತೆ ಅಭಿವೃದ್ಧಿಶೀಲ ರಾಷ್ಟ್ರಗಳಿಗೆ ಹೆಚ್ಚಿನ ಹೊಡೆತ ನೀಡಲಿದೆ ಎಂದು ಅಂತರರಾಷ್ಟ್ರೀಯ ಹಣಕಾಸು ನಿಧಿಯ (ಐಎಂಎಫ್) ನೂತನ ಮುಖ್ಯಸ್ಥೆ ಕ್ರಿಸ್ಟಿಲಿನಾ ಜಿಯೊರ್ಜಿವಾ ಹೇಳಿದ್ದಾರೆ.
ಐಎಂಎಫ್- ವಿಶ್ವ ಬ್ಯಾಂಕ್ ಶರತ್ಕಾಲದ ಸಭೆ ಮುಂದಿನ ವಾರ ನಡೆಯಲಿದೆ.ಪ್ರಸಕ್ತ ವರ್ಷ ವಿಶ್ವದ ಅಭಿವೃದ್ಧಿ ಪ್ರಮಾಣ ನಿಧಾನವಾಗಲಿದ್ದು, ಜಗತ್ತಿನ ಶೇ.90ರಷ್ಟು ದೇಶಗಳು ನಿಧಾನಗತಿಯಲ್ಲಿ ಅಭಿವೃದ್ಧಿ ಹೊಂದಲಿದೆ.
WATCH: New IMF chief Kristalina Georgieva: 'Everyone loses in a trade war,' warns that the U.S.-China trade war is dragging down global growth pic.twitter.com/Vrd1q2C0Et
2019- 2020ರಲ್ಲಿ ಅಭಿವೃದ್ಧಿ ಪ್ರಮಾಣ ಕನಿಷ್ಠ ಮಟ್ಟಕ್ಕೆ ಇಳಿಯಲಿದೆ. ಅಮೆರಿಕ ಮತ್ತು ಜರ್ಮನಿಯಲ್ಲಿ ನಿರುದ್ಯೋಗ ಕನಿಷ್ಠ ಮಟ್ಟಕ್ಕೆ ಕುಸಿದಿದೆ. ಅಭಿವೃದ್ಧಿಶೀಲ ರಾಷ್ಟ್ರಗಳಾದ ಭಾರತ ಮತ್ತು ಬ್ರೆಜಿಲ್ ದೇಶಕ್ಕೆ ಈ ವರ್ಷ ಆರ್ಥಿಕ ಹಿಂಜರಿತದಿಂದ ಹೆಚ್ಚಿನ ಆಘಾತವುಂಟಾಗಲಿದೆ.
ಜಾಗತಿಕ ಆರ್ಥಿಕ ಹಿಂಜರಿತಕ್ಕೆ ಪ್ರಧಾನ ಕಾರಣ ವ್ಯಾಪಾರ ಸಂಘರ್ಷವಾಗಿದೆ. ವ್ಯಾಪಾರ ಸಂಘರ್ಷದಿಂದಾಗಿ 2020ರ ವೇಳೆಗೆ 70,000ಕೋಟಿ ಡಾಲರ್ ನಷ್ಟವುಂಟಾಗಲಿದೆ. ಇದು ಎಷ್ಟೆಂದರೆ ಸ್ವಿಜರ್ಲೆಂಡ್ನ ಆರ್ಥಿಕತೆಯ ಪ್ರಮಾಣದಷ್ಟಾಗಿದೆ ಎಂದು ಜಿಯೊರ್ಜಿವಾ ಹೇಳಿದ್ದಾರೆ.
ಭಾರತದಲ್ಲಿ ಆರ್ಥಿಕ ಹಿಂಜರಿತವುಂಟಾಗಿದ್ದು ಜೂನ್ ತಿಂಗಳಾಂತ್ಯದಲ್ಲಿ ಜಿಡಿಪಿ ದರ ಶೇ. 5ರಷ್ಟು ಕುಸಿದಿದೆ.