ಬ್ರಿಟನ್‌ ಪ್ರಧಾನಿ ಬೋರಿಸ್‌, ಭಾರತೀಯ ಮೂಲದ ಮರಿನಾ ವಿಚ್ಛೇದನ ಪ್ರಕ್ರಿಯೆ ಅಂತಿಮ

ಬ್ರಿಟನ್‌ನಲ್ಲಿ 250 ವರ್ಷಗಳಲ್ಲಿ ಅಧಿಕಾರದಲ್ಲಿದ್ದಾಗಲೇ ವಿವಾಹ ವಿಚ್ಛೇದನ ಪಡೆದ ಪ್ರಥಮ ಪ್ರಧಾನಿ ಎನಿಸಿದ್ದಾರೆ.

ಬೋರಿಸ್‌ ಜಾನ್ಸನ್‌ ಅವರಿಗೆ ದ್ವಿತೀಯ ಪತ್ನಿ ಮರಿನಾ ವ್ಹೀಲರ್‌ರಿಂದ ನಾಲ್ವರು ಮಕ್ಕಳಿದ್ದಾರೆ. 2018ರಲ್ಲಿ ದಂಪತಿ ಪ್ರತ್ಯೇಕಗೊಂಡಿದ್ದರು. ವ್ಹೀಲರ್ ಅವರ ತಾಯಿ ಪಂಜಾಬ್‌ ಮೂಲದವರು.

55 ವರ್ಷದ ಜಾನ್ಸನ್‌ ಅವರು 32 ವರ್ಷದ ಕ್ಯಾರಿ ಸಿಮಂಡ್ಸ್‌ ಜತೆಗೆ 2019ರಿಂದಲೇ ಸಂಬಂಧ ಹೊಂದಿದ್ದರು. ಈಚೆಗೆ ಅವರಿಗೆ ಗಂಡು ಮಗು ಜನಿಸಿದೆ.