ಬೀಜಿಂಗ್: ಭಾರತ–ಚೀನಾದ ಗಡಿಯ ವಿಚಾರದಲ್ಲಿ ಅಮೆರಿಕದ ರಾಜತಾಂತ್ರಿಕರ ಟೀಕೆಗಳು ಅಸಂಬದ್ಧವಾಗಿವೆ ಎಂದು ಚೀನಾ ಗುರುವಾರ ಹೇಳಿದೆ.
‘ಭಾರತದ ಗಡಿಯಲ್ಲಿ ಚೀನಾ ನಿರಂತರ ಅಕ್ರಮಣಶೀಲತೆ ಮತ್ತು ಯಥಾಸ್ಥಿತಿಯನ್ನು ಬದಲಿಸಲು ಯತ್ನಿಸುತ್ತದೆ. ಇದನ್ನು ವಿರೋಧಿಸಬೇಕಾಗಿದೆ’ ಎಂದುಅಮೆರಿಕದ ದಕ್ಷಿಣ ಹಾಗೂ ಮಧ್ಯ ಏಷ್ಯಾದ ಹಿರಿಯ ರಾಜತಾಂತ್ರಿಕ ಅಲಿಸ್ ಜಿ. ವೆಲ್ಸ್ ಬುಧವಾರ ಅಟ್ಲಾಂಟಿಕ್ ಕೌನ್ಸಿಲ್ ಥಿಂಕ್ ಟ್ಯಾಂಕ್ ಕಾರ್ಯಕ್ರಮವೊಂದರಲ್ಲಿಹೇಳಿದ್ದರು.
ಇದಕ್ಕೆ ಪ್ರತಿಕ್ರಿಯಿಸಿರುವ ಚೀನಾದ ವಿದೇಶಾಂಗ ಸಚಿವಾಲಯದ ವಕ್ತಾರ ಜಾಹೊ ಲಿಜಿಯಾನ್, ‘ಭಾರತ–ಚೀನಾ ಗಡಿ ವಿಚಾರದಲ್ಲಿ ಚೀನಾದ ನಿಲುವು ಸ್ಥಿರ ಮತ್ತು ಸ್ಪಷ್ಟವಾಗಿದೆ. ಅಮೆರಿಕದ ಹಿರಿಯ ರಾಜತಾಂತ್ರಿಕರ ಟೀಕೆಗಳು ಕೇವಲ ಅಸಂಬದ್ಧವಾಗಿವೆ’ ಎಂದಿದ್ದಾರೆ.