ನ್ಯೂಯಾರ್ಕ್ (ರಾಯಿಟರ್ಸ್): ವಾರನ್ ಬಫೆಟ್ ಅವರು ತಮ್ಮ ಬರ್ಕ್ಶೀರ್ ಹಾಥ್ವೇ ಇಂಕ್ ಕಂಪೆನಿಯಿಂದ ಬಿಲ್ ಹಾಗೂ ಮೆಲಿಂದಾ ಗೇಟ್ಸ್ ಫೌಂಡೇಷನ್ ಸೇರಿದಂತೆ ಐದು ದತ್ತಿ ಸಂಸ್ಥೆಗಳಿಗೆ ₹24,797 ಕೋಟಿ ದೇಣಿಗೆ ನೀಡಲಿದ್ದಾರೆ.
ಇದು ಬಫೆಟ್ ಅವರ 14ನೇ ವಾರ್ಷಿಕ ದೇಣಿಗೆಯಾಗಿದೆ ಎಂದು ಬರ್ಕ್ಶೀರ್ ತಿಳಿಸಿದೆ.
ಕಂಪೆನಿಯಲ್ಲಿರುವ ತಮ್ಮ ಷೇರುಗಳನ್ನು ದೇಣಿಗೆ ನೀಡುವುದಾಗಿ ಬಫೆಟ್ ಅವರು 2006ರಲ್ಲಿ ಘೋಷಿಸಿದ ಬಳಿಕ ಈವರೆಗೆ ಅವರು ₹ 2.37 ಲಕ್ಷ ಕೋಟಿಗೂ ಹೆಚ್ಚು ಹಣ ದಾನ ಮಾಡಿದ್ದಾರೆ.
