'112 - ತುರ್ತು ಸಹಾಯವಾಣಿಗೆ ಒಂದೇ ಸಂಖ್ಯೆ

ಶನಿವಾರ, ಮೇ 25, 2019
26 °C

'112 - ತುರ್ತು ಸಹಾಯವಾಣಿಗೆ ಒಂದೇ ಸಂಖ್ಯೆ

Published:
Updated:

ನವದೆಹಲಿ: ಅಮೆರಿಕ ಮತ್ತು ಇತರ ಅಭಿವೃದ್ಧಿಹೊಂದಿದ ರಾಷ್ಟ್ರಗಳಲ್ಲಿರುವಂತೆ ಭಾರತದಲ್ಲಿಯೂ ತುರ್ತು ಸಹಾಯವಾಣಿಗೆ ಒಂದೇ ಸಂಖ್ಯೆ 112 ಚಾಲನೆ ನೀಡಲಾಗಿದೆ.

ಕೇಂದ್ರ ಗೃಹ ಸಚಿವ ರಾಜನಾಥ್ ಸಿಂಗ್ ಮಂಗಳವಾರ ಈ ಸೇವೆಗೆ ಚಾಲನೆ ನೀಡಿದ್ದು ಪೊಲೀಸ್ (100), ಅಗ್ನಿಶಾಮಕ ದಳ (101), ಆರೋಗ್ಯ  (108), ಮಹಿಳಾ ಸಹಾಯವಾಣಿ  (1090)ಗಳ ಹೊರತಾಗಿ ಈ ತುರ್ತು ಸಹಾಯವಾಣಿ ಸೇವೆ ಲಭ್ಯವಾಗಲಿದೆ.

112- ತುರ್ತು ಸಹಾಯವಾಣಿ ಬಗ್ಗೆ

* ತುರ್ತು ಸಂದರ್ಭಗಳಲ್ಲಿ ನಿಮ್ಮ ಫೋನ್‍ನಲ್ಲಿ 112 ಡಯಲ್ ಮಾಡಿ ಇಲ್ಲವೇ  ಸ್ಮಾರ್ಟ್ ಫೋನ್‍ನಲ್ಲಿ ಮೂರು ಬಾರಿ ಪವರ್ ಬಟನ್ ಪ್ರೆಸ್ ಮಾಡುವ ಮೂಲಕ ಪ್ಯಾನಿಕ್ ಕಾಲ್ ಮಾಡಬಹುದು.

ಗೂಗಲ್ ಪ್ಲೇ ಸ್ಟೋರ್‌/ ಆ್ಯಪಲ್ ಸ್ಟೋರ್‌ನಲ್ಲಿ 112 ಆ್ಯಪ್ ಲಭ್ಯ. ಇನ್‍ಸ್ಟಾಲ್ ಮಾಡಿದ ನಂತರ ನಿಮ್ಮ ರಾಜ್ಯ ಆಯ್ಕೆ ಮಾಡಿ ಮೊಬೈಲ್ ಸಂಖ್ಯೆ ನೋಂದಣಿ ಮಾಡಿ.

 ಸ್ಮಾರ್ಟ್ ಫೋನ್ ಅಲ್ಲದೇ ಇದ್ದರೆ ನಿಮ್ಮ ಮೊಬೈ‍ಲ್‍ನಲ್ಲಿ 5 ಅಥವಾ 9 ಸಂಖ್ಯೆಯನ್ನು ಸ್ವಲ್ಪ ಹೊತ್ತು ಒತ್ತಿ ಹಿಡಿಯಿರಿ.

 10- 12 ನಿಮಿಷದಲ್ಲಿ ಇದಕ್ಕೆ ಪ್ರತಿಕ್ರಿಯೆ ಲಭಿಸುವುದು. 6 ತಿಂಗಳೊಳಗೆ ನೀವು ಮಾಡಿದ ತುರ್ತು ಕರೆಗಳಿಗೆ ಸ್ಪಂದಿಸಲು ತೆಗೆದುಕೊಳ್ಳುವ ಅವಧಿ 8 ನಿಮಿಷವಾಗಲಿದೆ.

ಆಂಧ್ರ ಪ್ರದೇಶ, ಉತ್ತರಾಖಂಡ, ಪಂಜಾಬ್, ಕೇರಳ, ಮಧ್ಯಪ್ರದೇಶ, ರಾಜಸ್ಥಾನ, ಉತ್ತರ ಪ್ರದೇಶ , ತೆಲಂಗಾಣ, ತಮಿಳುನಾಡು, ಗುಜರಾತ್, ಪುದುಚ್ಚೇರಿ, ಲಕ್ಷದ್ವೀಪ್, ಅಂಡಮಾನ್, ದಾದರ್  ಮತ್ತು ನಾಗರ್ ಹವೇಲಿ, ದಾಮನ್ ಮತ್ತು ದಿಯು, ಜಮ್ಮು ಕಾಶ್ಮೀರದಲ್ಲಿ ಈ ಸೇವೆ ಲಭ್ಯವಾಗಲಿದೆ.

ಬರಹ ಇಷ್ಟವಾಯಿತೆ?

  • 4

    Happy
  • 0

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !