ನವದೆಹಲಿ: ದೇಶದಲ್ಲಿ ಅಲೋಪಥಿ, ಆಯುರ್ವೇದ, ಯುನಾನಿ ಮತ್ತು ಹೋಮಿಯೋಪಥಿ ಪದ್ಧತಿಯ 19.47 ಲಕ್ಷಕ್ಕಿಂತಲೂ ಹೆಚ್ಚು ವೈದ್ಯರಿದ್ದಾರೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಹರ್ಷವರ್ಧನ್ ಲೋಕಸಭೆಯಲ್ಲಿ ಹೇಳಿದ್ದಾರೆ.
ಈ ವರ್ಷದ ಮಾರ್ಚ್ವರೆಗಿನ ಅಂಕಿ- ಅಂಶಗಳನ್ನು ಉಲ್ಲೇಖಿಸಿ ಸಚಿವರು ಈ ಮಾಹಿತಿ ನೀಡಿದ್ದಾರೆ.
ಅಂಕಿ ಅಂಶ
* 11,59,309 ಭಾರತೀಯ ವೈದ್ಯಕೀಯ ಮಂಡಳಿಯಲ್ಲಿ ನೋಂದಣಿ ಮಾಡಿಕೊಂಡಿರುವ ಅಲೋಪಥಿ ವೈದ್ಯರು
* 9.27 ಲಕ್ಷ ಸೇವೆಗೆ ಲಭ್ಯವಿರುವ ಅಲೋಪಥಿ ವೈದ್ಯರ ಅಂದಾಜು ಸಂಖ್ಯೆ
* 7.88 ಲಕ್ಷ ಆಯುರ್ವೇದ,ಯುನಾನಿ ಮತ್ತು ಹೋಮಿಯೋಪಥಿ ವೈದ್ಯರ ಸಂಖ್ಯೆ
* 1:1456 ಅಲೋಪಥಿ ಪದ್ಧತಿಯ ವೈದ್ಯರು ಮತ್ತು ಜನರ ಅನುಪಾತ
* 1:867 ಅಲೋಪಥಿ ಸೇರಿದಂತೆ ಎಲ್ಲ ಪದ್ಧತಿಯ ವೈದ್ಯರು ಮತ್ತು ಜನರ ಅನುಪಾತ
* 1:1000 ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್ಒ) ನಿಗದಿಪಡಿಸಿರುವ ವೈದ್ಯರು ಮತ್ತು ಜನರ ಅನುಪಾತ