ಬಿಜೆಪಿ ಕಚೇರಿಗೆ 2 ಎಕರೆ ಜಮೀನು ಮಂಜೂರು

ದೆಹಲಿಯ ದೀನ ದಯಾಳ್ ಉಪಾಧ್ಯಾಯ ಮಾರ್ಗದಲ್ಲಿ ಬಿಜೆಪಿಗೆ ಈಗಾಗಲೇ 2 ಎಕರೆ ವಿಸ್ತೀರ್ಣದ ನಿವೇಶನ (6ಎ) ಮಂಜೂರಾಗಿದ್ದು, ಅದರಲ್ಲಿ ಪಕ್ಷದ ಕಚೇರಿಯು 2018ರ ಫೆಬ್ರುವರಿಯಲ್ಲೇ ಕಾರ್ಯಾರಂಭ ಮಾಡಿದೆ. ಈಗ ಆ ನಿವೇಶನದ ಎದುರಿನ ನಿವೇಶನವನ್ನು (3ಬಿ) ಮಂಜೂರು ಮಾಡಲಾಗಿದೆ.

ಹೆಚ್ಚುವರಿ ಜಮೀನು ಬೇಕು ಎಂದು 2015ರಲ್ಲೇ ಬಿಜೆಪಿ ಅರ್ಜಿ ಸಲ್ಲಿಸಿತ್ತು. ಕೇಂದ್ರ ವಸತಿ ಮತ್ತು ನಗರಾಭಿವೃದ್ಧಿ ಸಚಿವಾಲಯವು ಅರ್ಜಿಯನ್ನು ಮನ್ನಿಸಿ, ಜಮೀನು ಮಂಜೂರು ಮಾಡಿತ್ತು. ಆದರೆ ನಿವೇಶನದ ಅಳತೆ ಸರಿಯಾಗಿಲ್ಲ ಎಂದು ಬಿಜೆಪಿ ಆಕ್ಷೇಪ ವ್ಯಕ್ತಪಡಿಸಿತ್ತು. ಹೀಗಾಗಿ ಜಮೀನು ಮಂಜೂರು ಆಗುವುದು ವಿಳಂಬವಾಯಿತು ಎಂದು ಮೂಲಗಳು ಹೇಳಿವೆ.

ನಿಯಮ ಮತ್ತು ಮಂಜೂರಾತಿ

* 101ರಿಂದ 200 ಸಂಸದರು ಇರುವ ಪಕ್ಷಕ್ಕೆ 2 ಎಕರೆ ವಿಸ್ತೀರ್ಣದ ನಿವೇಶನ ನೀಡಬೇಕು

* 200ಕ್ಕಿಂತ ಹೆಚ್ಚು ಸಂಸದರು ಇರುವ ಪಕ್ಷಕ್ಕೆ ಒಟ್ಟು 4 ಎಕರೆ ವಿಸ್ತೀರ್ಣದಷ್ಟು ಜಮೀನು ನೀಡಬೇಕು

* 2 ಎಕರೆ ಈ ಮೊದಲು ಬಿಜೆಪಿಗೆ ಮಂಜೂರಾಗಿದ್ದ ನಿವೇಶನದ ವಿಸ್ತೀರ್ಣ

* 2.1 ಎಕರೆ ಹೆಚ್ಚುವರಿಯಾಗಿ ಬಿಜೆಪಿಗೆ ಮಂಜೂರಾಗಿರುವ ವಿಸ್ತೀರ್ಣ

* ₹ 2.08 ಕೋಟಿ ಹೆಚ್ಚುವರಿ ನಿವೇಶನಕ್ಕೆ ಬಿಜೆಪಿ ಪಾವತಿ ಮಾಡಬೇಕಿರುವ ಮೊತ್ತ

* ಚುನಾವಣೆ ಘೋಷಣೆಯಾಗುವುದಕ್ಕೂ ಒಂದು ದಿನ ಮೊದಲು ನಿವೇಶನವನ್ನು ಮಂಜೂರು ಮಾಡಲಾಗಿದೆ

* ಇದು ‘ಗೃಹ ಉದ್ದೇಶ’ದ ನಿವೇಶನವಾಗಿತ್ತು. ಮಾರ್ಚ್‌ 9ರಂದು ಅದನ್ನು ‘ಸಾರ್ವಜನಿಕ ಮತ್ತು ಅರೆ ಸಾರ್ವಜನಿಕ ಉದ್ದೇಶ’ದ ನಿವೇಶನವನ್ನಾಗಿ ಪರಿವರ್ತಿಸಲಾಗಿದೆ

***
* 2006ರಲ್ಲಿ ಯುಪಿಎ ಸರ್ಕಾರವೇ ನಿಯಮಗಳಿಗೆ ಬದಲಾವಣೆ ತಂದಿತ್ತು. ಆ ಪ್ರಕಾರವೇ ಜಮೀನು ಮಂಜೂರಾಗಿದೆ

-ಕೇಂದ್ರ ವಸತಿ ಮತ್ತು ನಗರಾಭಿವೃದ್ಧಿ ಸಚಿವಾಲಯದ ಅಧಿಕಾರಿ