ಚುನಾವಣಾ ಸ್ಪರ್ಧೆ ಅಲ್ಲಗಳೆದ ಅಕ್ಷಯ್ ಕುಮಾರ್

ಅಕ್ಷಯ್ ಅವರು ಮೊದಲು ಮಾಡಿದ್ದ ಟ್ವೀಟ್ ಊಹಾಪೋಹ ಹುಟ್ಟು ಹಾಕಿತ್ತು. ‘‍ಅಪರಿಚಿತ ಕ್ಷೇತ್ರಕ್ಕೆ ಕಾಲಿಡುತ್ತಿದ್ದೇನೆ. ಈವರೆಗೆ ಮಾಡಿರದ ಕೆಲಸಗಳನ್ನು ಇಲ್ಲಿ ನಿರ್ವಹಿಸಲಿದ್ದೇನೆ. ಇದು ರೋಮಾಂಚಕ ಕ್ಷಣ. ಕಾದು ನೋಡಿ’ ಎಂದು ಟ್ವೀಟ್ ಮಾಡಿದ್ದರು. ಬಳಿಕ, ಅಕ್ಷಯ್ ರಾಜಕೀಯಕ್ಕೆ ಸೇರುತ್ತಾರೆ ಎಂದೇ ಚರ್ಚೆ ನಡೆಯಲಾರಂಭಿಸಿತು.

ಕೆಲ ಗಂಟೆಗಳ ಬಳಿಕ ಮತ್ತೊಂದು ಟ್ವೀಟ್ ಮಾಡಿದ ಅವರು, ತಾವು ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿಲ್ಲ ಎಂದು ಸ್ಪಷ್ಟಪಡಿಸಿದರು. ‘ನೀವೆಲ್ಲಾ ನನ್ನ ಮೇಲೆ ಎಷ್ಟೊಂದು ಪ್ರೀತಿ ಇಟ್ಟುಕೊಂಡಿದ್ದೀರಿ. ನಿಮಗೆ ಧನ್ಯವಾದ. ಆದರೆ ನಾನು ರಾಜಕೀಯಕ್ಕೆ ಬರುತ್ತಿಲ್ಲ’ ಎಂದು ಟ್ವೀಟ್ ಮಾಡಿ ಚರ್ಚೆಗೆ ತೆರೆ ಎಳೆದರು.