ಎಷ್ಟೋ ಸಂಗತಿಗಳು ನಮ್ಮ ದೈನಂದಿನ ಭಾಗವಾಗಿದ್ದರೂ, ಅವುಗಳ ಕುರಿತ ಕೆಲವು ವಿಷಯಗಳು ನಮಗೆ ತಿಳಿದಿರುವುದೇ ಇಲ್ಲ. ಲೈಂಗಿಕ ಜೀವನದಲ್ಲೂ ಅಷ್ಟೆ. ತಿಳಿಯದೇ ಇರುವ ಹಲವು ಸಂಗತಿಗಳು ಇರುತ್ತವೆ. ಅವುಗಳಲ್ಲಿ ವೀರ್ಯದ ಕುರಿತ ಕೆಲವು ಸತ್ಯಗಳನ್ನು ಇಲ್ಲಿ ನೋಡೋಣ:
* ನೀವು ಆಹಾರದಲ್ಲಿ ಎಷ್ಟು ಕ್ಯಾಲೊರಿ ಇರುತ್ತದೆ ಎಂದು ಯೋಚಿಸುವವರಾದರೆ, ಒಂದು ಚಮಚ ವೀರ್ಯದಲ್ಲಿ ಇಪ್ಪತ್ತು ಕ್ಯಾಲೊರಿ ಇರುತ್ತದೆ ಎಂಬ ಅಂಶವೂ ನಿಮಗೆ ತಿಳಿದಿರಬೇಕಾಗುತ್ತದೆ.
* ಅತಿ ಹೆಚ್ಚಿನ ಮಟ್ಟದ ಪ್ರೊಟೀನು ಹಾಗೂ ಕೊಲೆಸ್ಟ್ರಾಲ್ನಿಂದ ವೀರ್ಯವು ರೂಪಿತಗೊಂಡಿರುತ್ತದೆ. ಕೊಲೆಸ್ಟ್ರಾಲ್ ಅಷ್ಟೇ ಅಲ್ಲ, ಝಿಂಕ್ ಹಾಗೂ ಹಲ್ಲು ಹುಳುಕಿನ ವಿರುದ್ಧ ಹೋರಾಡಲು ಅನುವಾಗುವ ಕ್ಯಾಲ್ಸಿಯಂ ಅನ್ನೂ ವೀರ್ಯ ಹೊಂದಿರುತ್ತದೆ.
* ಪ್ರೊಟೀನುಭರಿತ ಆಹಾರ ಸೇವನೆಯನ್ನು ಹೆಚ್ಚಿಸಿದರೆ, ವೀರ್ಯದ ಪ್ರಮಾಣ ಹಾಗೂ ಗುಣಮಟ್ಟವನ್ನೂ ವೃದ್ಧಿಸಿಕೊಳ್ಳಬಹುದು.
* ಲೈಂಗಿಕಕ್ರಿಯೆಯ ಸಮಯದಲ್ಲಿ ಕೇವಲ ಶೇ 5ರಷ್ಟು ವೀರ್ಯ ಸ್ಖಲನಗೊಳ್ಳುತ್ತದೆ. ಆದ್ದರಿಂದಲೇ ದಂಪತಿಗೆ ಗರ್ಭಧಾರಣೆಯಲ್ಲಿ ತೊಡಕಾಗುತ್ತದೆ. ಆದರೆ ಗರ್ಭಧಾರಣೆ ಸಾಧ್ಯತೆಯು ವೀರ್ಯದ ಗುಣಮಟ್ಟದ ಮೇಲೂ ಅವಲಂಬಿತವಾಗಿರುತ್ತದೆ.
* ಕೆಲವು ಪುರುಷರಿಗೆ ಲೈಂಗಿಕಕ್ರಿಯೆಯ ನಂತರ ಸುಸ್ತು, ಜ್ವರ ಹಾಗೂ ನೆಗಡಿ ಅನುಭವಕ್ಕೆ ಬರುತ್ತದೆ. ಅಂಥವರಿಗೆ ವೀರ್ಯದ ಅಲರ್ಜಿ ಇದೆ ಎಂದರ್ಥ. ಮಹಿಳೆಯರಲ್ಲಿ, ಲೈಂಗಿಕಕ್ರಿಯೆಯ ನಂತರ ಉರಿಯೂತ ಕಂಡುಬಂದರೆ ಅದನ್ನು ವೀರ್ಯದ ಅಲರ್ಜಿ ಎಂದು ಪರಿಗಣಿಸಬೇಕಾಗುತ್ತದೆ. ಈ ಸಮಸ್ಯೆಗೆ ಹಿಪ್ಸೊಸೆನ್ಸಿಟೇಷನ್ ಥೆರಪಿ ಲಭ್ಯವಿದೆ.
* ನಿಮ್ಮ ಋತುಚಕ್ರದ ಸಮಯವನ್ನು ಅವಲಂಬಿಸಿ ವೀರ್ಯವು ದೇಹದಲ್ಲಿ ಎರಡು ದಿನಗಳಿಂದ ಐದು ದಿನಗಳವರೆಗೆ ಇರುತ್ತದೆ.
* ರೇತಸ್ಸಿನೊಂದಿಗೆ ವೀರ್ಯವು ಬಿಡುಗಡೆಗೊಳ್ಳಲಿಲ್ಲ ಎಂದರೆ, ಅದು ಮತ್ತೆ ದೇಹಕ್ಕೆ ಸೇರುತ್ತದೆ. ಆದ್ದರಿಂದ ವೀರ್ಯ ವ್ಯರ್ಥವಾಗುವ ಮಾತೇ ಇಲ್ಲ.
* ವೀರ್ಯವು ಆರೋಗ್ಯಕರವಾಗಿರಬೇಕು ಎಂದರೆ, ಜನನೇಂದ್ರಿಯದ ಭಾಗದಲ್ಲಿ ಶಾಖ ಆಗದಂತೆ ನೋಡಿಕೊಳ್ಳುವುದೂ ಬಹುಮುಖ್ಯ. ಜನನೇಂದ್ರಿಯದ ಉಷ್ಣತೆಯು ದೇಹದ ಉಷ್ಣತೆಗಿಂತ 7 ಡಿಗ್ರಿ ಸೆಲ್ಸಿಯಸ್ ಕಡಿಮೆ ಇರಬೇಕಾಗುತ್ತದೆ. ಆದ್ದರಿಂದ ತುಂಬಾ ಬಿಗಿಯಾದ ಒಳಉಡುಪುಗಳನ್ನು ತೊಡದೆ ಇರುವುದು ಒಳ್ಳೆಯದು.
* ವೀರ್ಯದ ಕಾರ್ಯನಿರ್ವಹಣೆಯನ್ನು ನಿರ್ದೇಶಿಸಲು ರಾಸಾಯನಿಕ ಅಂಶ ಇರುವುದು ಹೌದಾದರೂ ಅದು ಹಾಗೆ ಅನುಸರಿಸುವುದು ಅಪರೂಪ. ವೀರ್ಯವು ವೃತ್ತಾಕಾರದಲ್ಲಿ ಚಲಿಸುತ್ತದೆ. ಕೆಲವೇ ಕೆಲವು ಮೇಲ್ಮುಖವಾಗಿ ಚಲಿಸುತ್ತವೆ.
* ಮಿಲಿಯನ್ಗಟ್ಟಲೆ ಸಂಖ್ಯೆಯಲ್ಲಿ ವೀರ್ಯವು ಹೊರಬಂದರೂ, ವೀರ್ಯವಾಗುವ ಪ್ರಕ್ರಿಯೆಗೆ ಎರಡು ತಿಂಗಳನ್ನು ತೆಗೆದುಕೊಳ್ಳುತ್ತದೆ. ವೀರ್ಯದ ಉತ್ಪತ್ತಿಯು ನಿರಂತರ ಪ್ರಕ್ರಿಯೆಯಾಗಿದ್ದು, ಒಂದು ಅಂತಿಮ ಉತ್ಪನ್ನವಾಗಲು ಎರಡು ತಿಂಗಳು ಸಮಯ ತೆಗೆದುಕೊಳ್ಳುತ್ತದೆ.
* ಮೊದಲ ಸ್ಖಲನದಲ್ಲಿ ಅತಿ ಹೆಚ್ಚಿನ ವೀರ್ಯವು ಇರುತ್ತದೆ.
* ಅತಿಯಾದ ಲೈಂಗಿಕಕ್ರಿಯೆ ಅಥವಾ ಹಸ್ತಮೈಥುನವು ವೀರ್ಯದ ಪ್ರಮಾಣವನ್ನು ಕಡಿಮೆ ಮಾಡುವುದಿಲ್ಲ.
* ವೀರ್ಯದಲ್ಲಿ ಎಕ್ಸ್ ಅಥವಾ ವೈ ಕ್ರೋಮೋಸೋಮ್ ಇದೆ ಎಂದಾದರೂ, ಅವುಗಳ ಉತ್ಪತ್ತಿಯಲ್ಲಿ ಯಾವುದೇ ಭಿನ್ನತೆ ಇರುವುದಿಲ್ಲ. ಎರಡೂ ಒಂದೇ ಪ್ರಮಾಣದಲ್ಲಿ ಉತ್ಪತ್ತಿಯಾಗುತ್ತದೆ. ಎರಡೂ ಒಂದೇ ವೇಗದಲ್ಲಿ ಚಲಿಸುತ್ತವೆ.
* ಒಂದೇ ವೃಷಣದಲ್ಲಿ ವೀರ್ಯದ ಉತ್ಪತ್ತಿ ಸಾಧ್ಯ.
* ವ್ಯಾಯಾಮಕ್ಕೆ ವೀರ್ಯವು ಬೇಗ ಪ್ರತಿಕ್ರಿಯಿಸುತ್ತದೆ. ಯಾರು ಹೆಚ್ಚು ವ್ಯಾಯಾಮ ಮಾಡುತ್ತಾರೋ ಅವರಲ್ಲಿ ವೀರ್ಯದ ಉತ್ಪತ್ತಿಯೂ ಹೆಚ್ಚಿರುತ್ತದೆ.
* 94,000 ಪುರುಷರನ್ನು ಒಳಪಡಿಸಿದ ತೊಂಬತ್ತು ಭಿನ್ನ ಅಧ್ಯಯನಗಳನ್ನು ವಿಮರ್ಶಿಸಿದಾಗ, ಪುರುಷರಲ್ಲಿ ಕೆಲವರಿಗೆ ಸಂತಾನಶಕ್ತಿಯ ಸಾಮರ್ಥ್ಯವು 35 ವರ್ಷದ ಕ್ಷೀಣಿಸುತ್ತಾ ಹೋದರೆ ಮತ್ತೂ ಕೆಲವರಿಗೆ 40ರ ನಂತರ ಕಡಿಮೆಯಾಗುತ್ತದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.