ದುಬೈ: ಸಾಮಾಜಿಕ ಜಾಲತಾಣಗಳ ಮೂಲಕ ಉದ್ಯೋಗದ ಆಮಿಷಕ್ಕೆ ಮರುಳಾಗಿ ದುಬೈಗೆ ತೆರಳಿದ್ದ ಕೇರಳ ಮೂಲದ ಒಂಬತ್ತು ಮಂದಿ ಭಾರತೀಯರು ಈಗ ಯುಎಇಯ ಅಲ್ ಏಯಿನ್, ಅಜ್ಮನ್ನಲ್ಲಿ ಅತಂತ್ರರಾಗಿದ್ದಾರೆ. ವಾಟ್ಸ್ಆ್ಯಪ್ ಮೂಲಕ ಶಫೀಕ್ ಹೆಸರಿನ ಏಜೆಂಟ್ನನ್ನು ಭೇಟಿ ಮಾಡಿದ್ದರು.
ಯುಎಇಗೆ ತೆರಳಲು ವೀಸಾಗಾಗಿ ₹ 70,000 ಅನ್ನೂ ಪಾವತಿಸಿದ್ದರು. ಉದ್ಯೋಗದ ಆಮಿಷ ಒಡ್ಡಿ ಯುಎಐಗೆ ಸೆಳೆಯುತ್ತಿರುವ ನಕಲಿ ಏಜೆಂಟರಿಂದ ದೂರ ಇರಬೇಕು ಎಂದು ಉದ್ಯೋಗಾಂಕ್ಷಿಗಳಿಗೆ ದುಬೈನಲ್ಲಿ ಇರುವ ಭಾರತದ ಕಾನ್ಸುಲೇಟ್ ಜನರಲ್ ಮನವಿ ಮಾಡಿದ ಒಂದು ತಿಂಗಳ ನಂತರ ಈ ಸಂಗತಿ ಗೊತ್ತಾಗಿದೆ.