ಬುಧವಾರ, ಜನವರಿ 22, 2020
24 °C

‘ರೇಪ್‌ ಇನ್‌ ಇಂಡಿಯಾ’ ಹೇಳಿಕೆ ಬಗ್ಗೆ ವರದಿ ಕೇಳಿದ ಚುನಾವಣೆ ಆಯೋಗ

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ: ‘ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಅವರ ‘ರೇಪ್‌ ಇನ್ ಇಂಡಿಯಾ‌’ ಹೇಳಿಕೆ ಕುರಿತು ವಾಸ್ತವ ವರದಿ ಸಲ್ಲಿಸಬೇಕು’ ಎಂದು ಚುನಾವಣಾ ಆಯೋಗವು ಜಾರ್ಖಂಡ್‌ನಲ್ಲಿನ ಚುನಾವಣಾ ಅಧಿಕಾರಿಗಳಿಗೆ ಕೋರಿದೆ.

ರಾಜಕೀಯ ವೈರಿಗಳನ್ನು ಗುರಿಯಾಗಿಸಿ ಟೀಕಿಸಲು ರಾಹುಲ್‌ ಗಾಂಧಿ ಅವರು ರೇಪ್‌ ಪ್ರಕರಣಗಳನ್ನು ಅಸ್ತ್ರವಾಗಿ ಬಳಸುತ್ತಿದ್ದಾರೆ ಎಂಬ ಬಿಜೆಪಿ ನಾಯಕರ ದೂರು ಆಧರಿಸಿ ಆಯೋಗ ಈ ಕುರಿತು ವರದಿಯನ್ನು ಕೇಳಿದೆ.

ವರದಿ ತಲುಪಿದ ನಂತರ ಆಯೋಗ ಮುಂದಿನ ಕ್ರಮವಹಿಸಲಿದೆ ಎಂದು ಮೂಲಗಳು ತಿಳಿಸಿವೆ. ಜಾರ್ಖಂಡ್‌ನ ಗೊಡ್ಡಾದಲ್ಲಿ ಚುನಾವಣಾ ರ‍್ಯಾಲಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರವನ್ನು ಟೀಕಿಸಲು ರಾಹುಲ್‌ ಈ ಮಾತು ಬಳಸಿದ್ದರು.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು