‘ಸ್ಕ್ರಾಮ್‌ಜೆಟ್‌’ ಪರೀಕ್ಷೆ ಯಶಸ್ವಿ

ಬುಧವಾರ, ಜೂನ್ 26, 2019
23 °C
ದೇಶಿಯವಾಗಿ ಅಭಿವೃದ್ಧಿಪಡಿಸಿದ ವಾಹಕ: ಉಪಗ್ರಹಗಳ ಉಡಾವಣೆಗೆ ಬಳಕೆ

‘ಸ್ಕ್ರಾಮ್‌ಜೆಟ್‌’ ಪರೀಕ್ಷೆ ಯಶಸ್ವಿ

Published:
Updated:
Prajavani

ಬಾಲಸೋರ್‌ (ಒಡಿಶಾ): ದೇಶಿಯವಾಗಿ ಅಭಿವೃದ್ಧಿಪಡಿಸಿದ ಮಾನವ ರಹಿತ 'ಸ್ಕ್ರಾಮ್‌ಜೆಟ್‌' ರಾಕೆಟ್‌ ಪರೀಕ್ಷೆಯನ್ನು ಬುಧವಾರ ಮೊದಲ ಬಾರಿ ಯಶಸ್ವಿಯಾಗಿ ಕೈಗೊಳ್ಳಲಾಯಿತು.

ರಕ್ಷಣಾ ಸಂಶೋಧನಾ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ಈ ಪರೀಕ್ಷೆಯನ್ನು ಬೆಂಗಾಲ ಕೊಲ್ಲಿಯ ಡಾ. ಅಬ್ದುಲ್‌ ಕಲಾಂ ದ್ವೀಪದಲ್ಲಿ ಬೆಳಿಗ್ಗೆ 11.25ಕ್ಕೆ ನಡೆಸಲಾಯಿತು. ಹೈಪರ್‌ಸಾನಿಕ್‌ ಕ್ರೂಸ್‌ ಕ್ಷಿಪಣಿ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸುವ ಮಹತ್ವಾಕಾಂಕ್ಷೆ ಯೋಜನೆಗೆ ಇದು ಪೂರಕವಾಗಿದೆ.

‘ನೂತನ ತಂತ್ರಜ್ಞಾನದ ಪರೀಕ್ಷೆ ನಡೆಸಲಾಗಿದೆ. ರೇಡಾರ್‌ನಿಂದ ದೊರೆತ ಮಾಹಿತಿ ಅನ್ವಯ ಪ್ರಯೋಗ ಯಶಸ್ವಿಯಾಗಿ ನಡೆದಿದೆ‘ ಎಂದು ಡಿಆರ್‌ಡಿಒ ಅಧಿಕಾರಿಗಳು ತಿಳಿಸಿದ್ದಾರೆ.

ಹೈಪರ್‌ಸಾನಿಕ್‌ ತಂತ್ರಜ್ಞಾನ ಪ್ರದರ್ಶಕ ವಾಹಕ (ಎಚ್‌ಎಸ್‌ಟಿಡಿವಿ) ವಿಶೇಷ ಯೋಜನೆ ಅಡಿಯಲ್ಲಿ ’ಸ್ಕ್ರಾಮ್‌ಜೆಟ್‌‘ ಅಭಿವೃದ್ಧಿಪಡಿಸಲಾಗಿತ್ತು. ಹೈಪರ್‌ಸಾನಿಕ್‌ ಮತ್ತು ದೂರಗಾಮಿ ಕ್ರೂಸ್‌ ಕ್ಷಿಪಣಿಗಳ ಜತೆಗೆ ಸ್ಕ್ರಾಮ್‌ಜೆಟ್‌ ಅನ್ನು ವಿವಿಧ ಯೋಜನೆಗಳಿಗೂ ಬಳಸಬಹುದಾಗಿದೆ.

ಮುಖ್ಯವಾಗಿ ಅತಿ ಕಡಿಮೆ ವೆಚ್ಚದಲ್ಲಿ ಉಪಗ್ರಹಗಳನ್ನು ಉಡಾವಣೆ ಮಾಡಲು ‘ಸ್ಕ್ರಾಮ್‌ಜೆಟ್‌‘ ಉಪಯೋಗಿಸಬಹುದು. ಇದು 20 ಸೆಕೆಂಡ್‌ಗಳಲ್ಲಿ 6 ಮ್ಯಾಕ್‌ ವೇಗದಲ್ಲಿ ಸಾಗುವ ಈ ವಾಹಕ 32.5 ಕಿಲೋ ಮೀಟರ್‌ ಎತ್ತರ ಕ್ರಮಿಸುತ್ತದೆ.

ಎಚ್‌ಎಸ್‌ಟಿಡಿವಿ ಕ್ರೂಸ್‌ ವಾಹಕವನ್ನು ರಾಕೆಟ್‌ ಮೋಟಾರ್‌ದಲ್ಲಿ ಅಳವಡಿಸಲಾಗುತ್ತದೆ. ಇದು ಅಗತ್ಯವಿರುವ ಎತ್ತರಕ್ಕೆ ಕೊಂಡೊಯ್ಯುತ್ತದೆ. ನಿರ್ದಿಷ್ಟ ವೇಗವನ್ನು ಸಾಧಿಸಿದ ಬಳಿಕ ಕ್ರೂಸ್‌ ವಾಹಕವನ್ನು ಉಡಾವಣೆ ವಾಹಕದಿಂದ ಹೊರಹಾಕಲಾಗುತ್ತದೆ. ಬಳಿಕ, ಸ್ಕ್ರ್ರಾಮ್‌ಜೆಟ್‌ ಎಂಜಿನ್‌ ಸ್ವಯಂಚಾಲಿತವಾಗಿ ಚಲಿಸುತ್ತದೆ ಎಂದು ವಿಜ್ಞಾನಿಗಳು ವಿವರಿಸಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 4

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !