ಮಂಗಳವಾರ, ಸೆಪ್ಟೆಂಬರ್ 28, 2021
25 °C
ಎರಡನೇ ಹಂತದ ಅರ್ಚರಿ ವಿಶ್ವಕಪ್‌

ಆರ್ಚರಿ: ಪ್ರಾಬಲ್ಯ ಮೆರೆದ ಭಾರತದ ಸ್ಪರ್ಧಿಗಳು

ಪಿಟಿಐ Updated:

ಅಕ್ಷರ ಗಾತ್ರ : | |

ಶಾಂಘೈ: ಭಾರತದ ಸ್ಪರ್ಧಿಗಳು ಎರಡನೇ ಹಂತದ ಅರ್ಚರಿ ವಿಶ್ವಕಪ್‌ನಲ್ಲಿ ಪಾರಮ್ಯ ಮೆರೆದಿದ್ದಾರೆ. ಅಂಕಿತಾ ಭಕತ್‌, ಪ್ರೀತಿ, ವಕೀಲರಾಜ್‌ ದಿಂಡೋರ್‌ ಹಾಗೂ ಗುರ್ವಿಂದರ್‌ ಸಿಂಗ್‌ ವಿವಿಧ ವಿಭಾಗಗಳಲ್ಲಿ ಗೆದ್ದಿದ್ದಾರೆ.

ಪುರುಷರ ಸಂಯುಕ್ತ ವಿಭಾಗದ ಅರ್ಹತಾ ಸುತ್ತಿನಲ್ಲಿ ಗುರ್ವಿಂದರ್‌ ಭಾರತದವರೇ ಆದ ಲವಜೋತ್ ಸಿಂಗ್‌ ಅವರನ್ನು 145–143 ಪಾಯಿಂಟ್‌ಗಳಿಂದ ಮಣಿಸಿದರು.

ಅಂಕಿತಾ, ರಷ್ಯಾದ ಎಲೆನಾ ಒಸಿಪೊವಾ ಸವಾಲಿಗೆ ದಿಟ್ಟ ಉತ್ತರ ನೀಡಿದರು. 7–3 ಅಂತರದಿಂದ ಗೆಲುವಿನ ತೋರಣ ಕಟ್ಟಿದರು. ಪ್ರಶಸ್ತಿ ರೇಸ್‌ನಲ್ಲಿರುವ ಪ್ರೀತಿ, ಭಾರತದ ಸಂಗೀತಾ ಅವರನ್ನು 6–2 ಪಾಯಿಂಟ್‌ಗಳಿಂದ ಸೋಲಿಸಿದರು.

ಪುರುಷರ ರಿಕರ್ವ್‌ ವೈಯಕ್ತಿಕ ಸ್ಪರ್ಧೆಯಲ್ಲಿ ವಕೀಲ್‌ರಾಜ್‌ ಕಜಕಸ್ತಾನದ ಡೆನಿಸ್‌ ಗ್ಯಾನ್‌ಕಿನ್‌ ಅವರನ್ನು ಮಣಿಸಿದರು. ಪುರುಷರ ತಂಡ ವಿಭಾಗದ ಸ್ಪರ್ಧೆಯಲ್ಲಿ ಭಾರತದ ಜಗದೀಶ್‌ ಚೌಧರಿ, ಚಮನ್‌ಸಿಂಗ್‌ ಹಾಗೂ ಸುಖ್‌ಚೈನ್‌ ಸಿಂಗ್‌ ಮೋಡಿ ಮಾಡಿದರು. ಅವರು ಇರಾನ್‌ನ ಎದುರಾಳಿಗಳನ್ನು ಸೋಲಿಸಿದರು.

ಮಿಶ್ರ ಜೋಡಿ ವಿಭಾಗದಲ್ಲಿ ಚೌಧರಿ ಹಾಗೂ ಪ್ರೀತಿ ರೊಮೇನಿಯಾ ಜೋಡಿಯನ್ನು ಮಣಿಸಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.