ಕೆಸಿಆರ್‌ ರಂಗದಲ್ಲಿ ‘ಕೈ’ಗೂ ಸ್ಥಾನ

‘ಸಂಯುಕ್ತ ರಂಗವೇ ಚಾಲಕನ ಸ್ಥಾನದಲ್ಲಿ ಇರಬೇಕು ಮತ್ತು ಸರ್ಕಾರವನ್ನು ಮುನ್ನಡೆಸಬೇಕು ಎಂಬ ವಿಚಾರದಲ್ಲಿ ರಾವ್‌ ಅವರು ದೃಢವಾಗಿದ್ದಾರೆ’ ಎಂದು ಟಿಆರ್‌ಎಸ್‌ ವಕ್ತಾರ ಆಬಿದ್‌ ರಸೂಲ್‌ ಖಾನ್‌ ಹೇಳಿದ್ದಾರೆ.

ಸಂಯುಕ್ತ ರಂಗಕ್ಕೆ ಸ್ಥಾನಗಳ ಕೊರತೆ ಎದುರಾದರೆ ಕಾಂಗ್ರೆಸ್‌ ಪಕ್ಷದಿಂದ ಬಾಹ್ಯ ಬೆಂಬಲ ಪಡೆಯುವ ಆಯ್ಕೆಯನ್ನು ಪರಿಶೀಲಿಸ
ಲಾಗುವುದು. ಆದರೆ, ಸಂಯುಕ್ತ ರಂಗವು ಯಾವುದೇ ಕಾರಣಕ್ಕೂ ಬಿಜೆಪಿ ಜತೆಗೆ ಹೋಗುವುದಿಲ್ಲ ಎಂದು ಖಾನ್‌ ತಿಳಿಸಿದ್ದಾರೆ.

ರಾವ್‌ ಅವರು ಈವರೆಗೆ, ಕಾಂಗ್ರೆಸ್‌ ಅಥವಾ ಬಿಜೆಪಿ ಇಲ್ಲದ ಸಂಯುಕ್ತ ರಂಗದ ಬಗ್ಗೆ ಮಾತನಾಡುತ್ತಿದ್ದರು. ಈ ನಿಲುವಿನಲ್ಲಿ ಸ್ವಲ್ಪ ಬದಲಾವಣೆ ಆಗಿದೆ ಎಂಬುದು ಗಮನಾರ್ಹ.