ಪಟ್ನಾ: ರಾಜ್ಯ ವಿಧಾನಸಭಾ ಸಚಿವಾಲಯದಲ್ಲಿ ಖಾಲಿ ಇರುವ 166 ಗ್ರೂಪ್ ‘ಡಿ’ ಹುದ್ದೆಗೆ ಬರೋಬ್ಬರಿ 5 ಲಕ್ಷ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಿದ್ದಾರೆ. ಗುಮಾಸ್ತ, ಮಾಲಿ ಮತ್ತು ಗೇಟ್ಕೀಪರ್ ಕೆಲಸಗಳಿಗೆ ಇವರು ಅರ್ಜಿ ಸಲ್ಲಿಸಿದ್ದಾರೆ.
ಇವರಲ್ಲಿ ಹೆಚ್ಚಿನವರು ಎಂಬಿಎ ಮತ್ತು ಎಂಸಿಎ ಪದವೀಧರರು ಇದ್ದಾರೆ ಎಂದು ನೇಮಕಾತಿ ಪ್ರಕ್ರಿಯೆಯಲ್ಲಿ ತೊಡಗಿದ್ದ ಅಧಿಕಾರಿಗಳು ಹೇಳಿದ್ದಾರೆ.
‘ನಾವು ಬೇಕಾಗಿಯೇ ಗುಮಾಸ್ತ ಹುದ್ದೆಗೆ ಅರ್ಜಿ ಸಲ್ಲಿಸಿದ್ದೇವೆ ಎಂದು ಅರ್ಥವಲ್ಲ. ನಾವು ಅಸಹಾಯಕರಾಗಿದ್ದೇವೆ. ನಿಜವಾಗಿ ನಾವು ಪಡೆದ ಶಿಕ್ಷಣಕ್ಕೆ ಸರಿಯಾದ ಉದ್ಯೋಗ ಪಡೆಯಲು ಯತ್ನಿಸಿದ್ದೇವೆ’ ಎಂದು ಉದ್ಯೋಗಾಕಾಂಕ್ಷಿಯೊಬ್ಬರು ಹೇಳಿದ್ದಾರೆ.
ಎಂಸಿಎ ಪದವಿ ಹೊಂದಿದ್ದರೂ ನಿರುದ್ಯೋಗಿಯಾಗಿದ್ದ ನನ್ನ ಗೆಳೆಯ ಹೇಳುವ ಪ್ರಕಾರ, ‘ಗ್ರೂಪ್ ‘ಡಿ’ ಕೆಲಸವಾದರೂ ಸರ್ಕಾರಿ ಕೆಲಸದ ರೀತಿಯೇ ಬೇರೆ ಎಂದು ಹೇಳಿದ್ದಾರೆ.