ಬುಧವಾರ, ಏಪ್ರಿಲ್ 21, 2021
25 °C

ಹಿಮಾಲಯದಲ್ಲಿ ನಾಲ್ವರು ಚಾರಣಿಗರ ರಕ್ಷಣೆ, ಕಾಣೆಯಾದ 8 ಮಂದಿಗೆ ಶೋಧ

ಏಜನ್ಸೀಸ್‌ Updated:

ಅಕ್ಷರ ಗಾತ್ರ : | |

ಫಿಥೋರ್‌ಗರ್‌(ಉತ್ತರಾಖಂಡ): ಹಿಮಾಲಯದ ನಂದಾ ದೇವಿ ಪರ್ವತದ ಚಾರಣ ವೇಳೆ ಪ್ರತೀಕೂಲ ಹವಾಮಾನದಿಂದಾಗಿ ಸಂಕಷ್ಟಕ್ಕೆ ಸಿಲುಕಿದ್ದ ನಾಲ್ವರು ಪರ್ವತಾರೋಹಿಗಳನ್ನು ರಕ್ಷಿಸಲಾಗಿದೆ. ಉಳಿದ 8 ಜನರಿಗಾಗಿ ಶೋಧ ಕೈಗೊಳ್ಳಲಾಗಿದೆ. 

ಮೇ 13ರಂದು ಚಾರಣಕ್ಕೆ ತೆರಳಿದ್ದ ಎಂಟು ಮಂದಿ ಶುಕ್ರವಾರ ಕಾಣೆಯಾಗಿದ್ದರು. ಅವರಿಗಾಗಿ ಇಂಡೋ–ಟಿಬೆಟಿಯನ್‌ ಗಡಿ ಪೊಲೀಸರು ಹುಡುಕಾಟ ನಡೆಸಿದ್ದರು.

ಪ್ರತೀಕೂಲ ಹವಾಮಾನದಿಂದಾಗಿ ಚಾರಣ ವೇಳೆ ಕಾಣೆಯಾಗಿದ್ದವರ ಪೈಕಿ ನಾಲ್ವರನ್ನು ರಕ್ಷಿಸಲಾಗಿದೆ. ಉಳಿದ ಎಂದು ಜನರಿಗಾಗಿ ಶೋಧ ನಡೆಸಲಿದ್ದೇವೆ. ಹವಾಮಾನ ಪರಿಸ್ಥಿತಿ ನೋಡಿಕೊಂಡು ಮುಂದಿನ ಎರಡು ದಿನಗಳಲ್ಲಿ ಹುಡುಕಾಟ ನಡೆಸಲಿದ್ದೇವೆ ಎಂದು ಪಿಥೋರ್‌ಗರ್‌ನ ಡಿಎಂ ವಿ.ಕೆ.ಜೋಗ್ದಾಂಡೆ ಅವರು ತಿಳಿಸಿದ್ದಾರೆ ಎಂದು ಎಎನ್‌ಐ ಟ್ವೀಟ್‌ ಮಾಡಿದೆ.

ಪರ್ವತಾರೋಹಿಗಳು ಚಾರಣ ವೇಳೆ ಬೇಸ್‌ ಕ್ಯಾಂಪ್‌ಗೆ ಹಿಂದಿರುಗದೇ ಇದ್ದಾಗ ಅವರಿಗಾಗಿ ಹುಡುಕಾಟ ಆರಂಭಿಸಲಾಗಿದೆ. ವಿಪರೀತ ಮಳೆ ಹಾಗೂ ಹಿಮಪಾತದಿಂದಾಗಿ ಶೋಧ ಕಾರ್ಯಕ್ಕೆ ಅಡ್ಡಿಯಾಗಿದೆ. 

ನಂದಾ ದೇವಿ ಭಾರತದ ಎರಡನೇ ಅತ್ಯಂತ ಎತ್ತರದ ಹಿಮಾಲಯ ಪರ್ವತ.
 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು