ನವದೆಹಲಿ: ಹಿಮಾಲಯ ಶಿಖರಗಳಲ್ಲಿ ಕಾಲ್ಪನಿಕ ಪ್ರಾಣಿ ‘ಯೇತಿ’ಯ ಹೆಜ್ಜೆಗುರುತುಗಳನ್ನು ಪತ್ತೆ ಹಚ್ಚಿರುವುದಾಗಿ ಭಾರತೀಯ ಸೇನೆಗೆ ಸಂಬಂಧಿಸಿದ ಪರ್ವತಾರೋಹಣ ತಂಡವೊಂದು ಹೇಳಿಕೊಂಡಿತ್ತು. ಹೆಜ್ಜೆ ಗುರುತಿನ ಚಿತ್ರಗಳನ್ನು ಭಾರತೀಯ ಸೇನೆ, ತನ್ನ ಅಧಿಕೃತ ಟ್ವಿಟರ್‌ ಖಾತೆಯಲ್ಲಿ ಟ್ವೀಟ್‌ ಮಾಡಿತ್ತು.
For the first time, an #IndianArmy Moutaineering Expedition Team has sited Mysterious Footprints of mythical beast 'Yeti' measuring 32x15 inches close to Makalu Base Camp on 09 April 2019. This elusive snowman has only been sighted at Makalu-Barun National Park in the past. pic.twitter.com/AMD4MYIgV7
ಆದರೆ ಈ ಹೆಜ್ಜೆ ಗುರುತು ಯೇತಿಯದ್ದು ಅಲ್ಲ ಎಂದು ನೇಪಾಳದ ಸೇನಾಪಡೆಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಇದು ಕಾಡು ಕರಡಿಯ ಹೆಜ್ಜೆ ಗುರುತು, ಈ ಪ್ರದೇಶಗಳಲ್ಲಿ ಈ ರೀತಿಯ ಹೆಜ್ಜೆ ಗುರುತು ಆಗಾಗ ಗೋಚರಿಸುತ್ತಿರುತ್ತದೆ ಎಂದು ಹೇಳಿದ್ದಾರೆ.
ಭಾರತೀಯ ಸೇನೆಗೆ ಹಜ್ಜೆ ಗುರುತುಗಳು ಕಾಣಿಸಿದ್ದು, ಅವರೊಂದಿಗೆ ನಮ್ಮ ಸಂಪರ್ಕಾಧಿಕಾರಿಯೂ ಇದ್ದರು.ಹೆಜ್ಜೆ ಗುರುತು ಯಾವ ಪ್ರಾಣಿಯದ್ದು ಎಂದು ಪತ್ತೆ ಹಚ್ಚಲು ನಾವು ಯತ್ನಿಸಿದ್ದೆವು.ಅಲ್ಲಿನ ಸ್ಥಳೀಯರ ಪ್ರಕಾರ ಅದು ಕಾಡು ಕರಡಿಯ ಹೆಜ್ಜೆ ಗುರುತು ಆಗಿದ್ದು, ಆ ಪ್ರದೇಶದಲ್ಲಿ ಪದೇ ಪದೇ ಕಾಣಸಿಗುತ್ತದೆ ಎಂದು ನೇಪಾಳ ಸೇನಾಪಡೆಯ ವಕ್ತಾರ ಬ್ರಿಗೇಡಿಯರ್ ಜನರಲ್ ಬಿಗ್ಯಾನ್ ದೇವ್ ಪಾಂಡೆ ಹೇಳಿರುವುದಾಗಿ ಹಿಂದೂಸ್ತಾನ್ ಟೈಮ್ಸ್ ವರದಿ ಮಾಡಿದೆ.
