ನವದೆಹಲಿ: ₹ 1 ಮುಖಬೆಲೆಯ ಹೊಸ ನೋಟುಗಳು ಶೀಘ್ರದಲ್ಲಿಯೇ ಚಲಾವಣೆಗೆ ಬರಲಿವೆ.ಹಣಕಾಸು ಸಚಿವಾಲಯವು ಈ ನೋಟುಗಳನ್ನು ಮುದ್ರಿಸಲಿದ್ದು, ಈ ಸಂಬಂಧ ಅಧಿಸೂಚನೆ ಹೊರಡಿಸಿದೆ.
ಈ ನೋಟು ಹಣಕಾಸು ಕಾರ್ಯದರ್ಶಿ ಅತನು ಚಕ್ರವರ್ತಿ ಅವರ ಸಹಿಯನ್ನು ಹಿಂದಿ ಮತ್ತು ಇಂಗ್ಲಿಷ್‌ ಭಾಷೆಯಲ್ಲಿ ಹೊಂದಿರಲಿದೆ.
ಕೃಷಿ ಪ್ರಧಾನ ಅರ್ಥ ವ್ಯವಸ್ಥೆ ಪ್ರತಿನಿಧಿಸಲು ₹ ಚಿಹ್ನೆಯನ್ನು ಧಾನ್ಯಗಳ ರೂಪದಲ್ಲಿ ವಿನ್ಯಾಸ ಮಾಡಲಾಗಿದೆ. ನೋಟು ಗುಲಾಬಿ ಹಸಿರು ಬಣ್ಣದಲ್ಲಿ ಇರಲಿದೆ. ಗರಿಷ್ಠ ಮುಖಬೆಲೆಯ ನೋಟುಗಳನ್ನು ಭಾರತೀಯ ರಿಸರ್ವ್‌ ಬ್ಯಾಂಕ್‌ ಮುದ್ರಿಸುತ್ತದೆ.
