ನವದೆಹಲಿ:ಉತ್ಸಾಹದಿಂದಘೋಷಣೆ ಕೂಗುತ್ತಿರುವ ಮಕ್ಕಳೊಂದಿಗಿಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ಅವರು ಇರುವ ವಿಡಿಯೊವೊಂದು ಈಗ ಹೊಸ ವಿವಾದವನ್ನು ಸೃಷಿಸಿದೆ.
ವಿವಾದ ಸೃಷ್ಟಿಸಿರುವ 12 ಸೆಕೆಂಡ್ಗಳವಿಡಿಯೊದಲ್ಲಿ, ಮಕ್ಕಳು ಮೊದಲಿಗೆ ಕಾಂಗ್ರೆಸ್ ಚುನಾವಣಾ ಪ್ರಚಾರದ ಘೋಷ ವಾಕ್ಯವಾಗಿದ್ದ ಚೌಕಿದಾರ್ ಚೋರ್ ಹೈ ಎಂದು ಕೂಗುತ್ತಿದ್ದರು. ಅದನ್ನು ಕಂಡು ಪ್ರಿಯಾಂಕ ಸಂತೋಷ ಪಡುತ್ತಿದ್ದದ್ದನ್ನ ಕಂಡು ಮಕ್ಕಳು ಮತ್ತಷ್ಟು ಉತ್ಸಾಹ ಹೆಚ್ಚಿಸಿಕೊಂಡರು. ಹೀಗೆ ಘೋಷಣೆ ಕೂಗುತ್ತಿದ್ದಾಗಲೇಮಕ್ಕಳು ಮೋದಿ ವಿರುದ್ಧವಾಗಿಹಿಂದಿಯಲ್ಲಿ ಕೆಟ್ಟ ಬೈಗುಳದ ಘೋಷಣೆಯನ್ನು ಕೂಗಿದರು. ಇದನ್ನು ಕೇಳಿದ ಪ್ರಿಯಾಂಕ ಬಾಯಿಯನ್ನು ಮುಚ್ಚಿಕೊಂಡು ಅಚ್ಚರಿ ವ್ಯಕ್ತಪಡಿಸಿದ ದೃಶ್ಯವಿದೆ.
ಇದನ್ನು ಇಟ್ಟುಕೊಂಡು ಕೇಂದ್ರ ಸಚಿವೆ ಸ್ಮೃತಿ ಇರಾನಿವಾಗ್ದಾಳಿ ನಡೆಸಿದ್ದಾರೆ.ಮಕ್ಕಳು ಕೆಟ್ಟ ಮಾತುಗಳನ್ನಾಡಿದರೂ ಏನೂ ಮಾತನಾಡದ ಪ್ರಿಯಾಂಕ ನಡೆಯನ್ನು ಆಕ್ಷೇಪಿಸಿದ್ದಾರೆ.
Uncouth to the core. Imagine the filthiest of abuses that a Prime Minister has to endure from people whose only claim to fame is a nose. Lutyens outrage anyone ???? https://t.co/T5sPyKtmbr
— Chowkidar Smriti Z Irani (@smritiirani) April 30, 2019
12 ಸೆಂಕೆಡ್ಗಳವಿಡಿಯೊವನ್ನು ಟ್ವೀಟ್ ಮಾಡಿರುವ ಸ್ಮೃತಿ ಇರಾನಿ ‘ಅಸಂಸ್ಕಾರವೇ ತುಂಬಿಕೊಂಡಿದೆ’ ಎಂದು ಒಕ್ಕಣೆ ಬರೆದಿದ್ದಾರೆ. ಇದಕ್ಕೆ ಸಾಕಷ್ಟು ಮಂದಿ ಪ್ರತಿಕ್ರಿಯಿಸಿದ್ದಾರೆ. ಕೆಲವರು 28 ಸೆಕೆಂಡ್ಗಳು ಇರುವ ಪೂರ್ತಿ ವಿಡಿಯೊವನ್ನು ಪ್ರತಿಕ್ರಿಯೆಯಲ್ಲಿ ಹಾಕಿ, ‘ಮಕ್ಕಳು ಕೆಟ್ಟದಾಗಿ ಘೋಷಣೆ ಕೂಗಿದ್ದನ್ನು ಪ್ರಿಯಾಂಕಾ ಅವರು ಸಹಿಸಲಿಲ್ಲ’ ಎಂದು ಹೇಳಿದ್ದಾರೆ.
ಬಾಯಿ ಮುಚ್ಚಿಕೊಂಡು ಅಚ್ಚರಿ ವ್ಯಕ್ತಪಡಿಸಿದ ನಂತರ ಪ್ರಿಯಾಂಕಾ, ‘ಇದು ಬೇಡಾ’ ಎಂದು ಘೋಷಣೆಗೆ ನಕಾರ ವ್ಯಕ್ತಪಡಿಸಿದರು. ಅದಾದ ಮೇಲೆ ‘ಒಳ್ಳೆಯ ಮಕ್ಕಳಾಗಬೇಕು’ ಎಂದೂ ಅವರು ಹೇಳಿದರು.
ಸ್ಮೃತಿ ಇರಾನಿ ಮಾತಿಗೆ ಖಂಡನೆ ವ್ಯಕ್ತಪಡಿಸಿರುವ ಕಾಂಗ್ರೆಸ್ ಸಾಮಾಜಿಕ ಜಾಲತಾಣ ಘಟಕದ ವಕ್ತಾರ ಸರಳ ಪಟೇಲ್, ಪ್ರಿಯಾಂಕಾ ಗಾಂಧಿ ಅವರ ಪೂರ್ತಿ ವಿಡಿಯೊವನ್ನು ಪ್ರಕಟಿಸಿದ್ದಾರೆ.
When kids in their excitement make distasteful remarks against PM Narendra Modi.@priyankagandhi ji discourages them against raising such slogans and says "Ache Bachhe Bano"! pic.twitter.com/yNghJwJm91
— Saral Patel #AbHogaNyay (@SaralPatel) April 30, 2019
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.