ರಂಜನ್ ಗೊಗೋಯಿ ಮುಂದಿನ ಸಿಜೆಐ?

ಮುಖ್ಯ ನ್ಯಾಯಮೂರ್ತಿ ದೀಪಕ್ ಮಿಶ್ರಾ ಅವರು ಅಕ್ಟೋಬರ್ 2ರಂದು ನಿವೃತ್ತರಾಗಲಿದ್ದಾರೆ. ಅವರು ನಿವೃತ್ತರಾಗುವ ಒಂದು ತಿಂಗಳು ಮೊದಲು, ಮುಂದಿನ ಮುಖ್ಯ ನ್ಯಾಯಮೂರ್ತಿ ಯಾರಾಗಬೇಕು ಎಂದು ಶಿಫಾರಸು ಮಾಡಬೇಕು.ಈ ಸಂಬಂಧ ಕಾನೂನು ಸಚಿವಾಲಯವು ಈಗಾಗಲೇ ದೀಪಕ್ ಮಿಶ್ರಾ ಅವರಿಗೆ ಪತ್ರ ಬರೆದಿದೆ. ತಮ್ಮ ಶಿಫಾರಸನ್ನು ತಿಳಿಸಿ ಎಂದು ಸಚಿವಾಲಯವು ಮಿಶ್ರಾ ಅವರನ್ನು ಕೋರಿದೆ.

ಗೊಗೋಯಿ ಅವರು ಸುಪ್ರೀಂ ಕೋರ್ಟ್‌ನ ಎರಡನೇ ಅತ್ಯಂತ ಹಿರಿಯ ನ್ಯಾಯಮೂರ್ತಿಯಾಗಿದ್ದಾರೆ.ಮಿಶ್ರಾ ಅವರು ಸೇವಾ ಜೇಷ್ಠತೆ ಆಧಾರದಲ್ಲಿ ಗೊಗೋಯಿ ಅವರ ಹೆಸರನ್ನೇ ಶಿಫಾರಸು ಮಾಡಬೇಕಾಗುತ್ತದೆ.

ಆ ಶಿಫಾರಸಿಗೆ ಕೇಂದ್ರ ಸರ್ಕಾರ ಒಪ್ಪಿಗೆ ಸೂಚಿಸಿದರೆ, ಗೊಗೋಯಿ ಅವರೇ ಸುಪ್ರೀಂ ಕೋರ್ಟ್‌ನ ಮುಂದಿನ ಮುಖ್ಯ ನ್ಯಾಯಮೂರ್ತಿ ಆಗಲಿದ್ದಾರೆ. ಅಕ್ಟೋಬರ್ 3ರಂದು ಅವರು ಅಧಿಕಾರ ಸ್ವೀಕರಿಸುವ ಸಾಧ್ಯತೆ ಇದೆ ಎಂದು ಮೂಲಗಳು ವಿವರಿಸಿವೆ.