ಇಲ್ಲಿ ತಡೆದರೆ, ಅಲ್ಲಿ ಮದುವೆ: ‘ಕಾನೂನಿನ ಬಗ್ಗೆ ಅರಿವು ಇದ್ದವರೂ ಈ ಅನಿಷ್ಟ ಪದ್ಧತಿಯಿಂದ ಹೊರತಾಗಿಲ್ಲ. ಮಗಳ ಮದುವೆಗೆ ಇಲ್ಲಿನ ಅಧಿಕಾರಿಗಳು ಅಡ್ಡಿಯಾಗಬಹುದೆಂದು ಗೋವಾ, ಮಹಾರಾಷ್ಟ್ರ, ತಮಿಳುನಾಡು ಹಾಗೂ ಆಂಧ್ರಪ್ರದೇಶ ರಾಜ್ಯಗಳಿಗೆ ಕರೆದೊಯ್ದು ಗುಟ್ಟಾಗಿ ಮದುವೆ ಮಾಡಿಸಿ ವಾಪಸ್ ಕರೆ ತರುತ್ತಿದ್ದಾರೆ. ಈ ಆರು ತಿಂಗಳಲ್ಲಿ ಅಂತಹ ಎರಡು ಪ್ರಕರಣಗಳು ಜಿಲ್ಲೆಯಲ್ಲಿ ವರದಿಯಾಗಿದ್ದು, ಇಡೀ ಕುಟುಂಬದ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ’ ಎಂದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಅಧಿಕಾರಿಗಳು ಹೇಳುತ್ತಾರೆ.