ಇಲ್ಲಿ ದಲಿತರಿಗೆ ಸಂಚಾರ, ದೇವಸ್ಥಾನ ಪ್ರವೇಶ ನಿಷಿದ್ಧ!

ಭಾನುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ಶ್ರಾವಣಮಾಸದ ಪ್ರತಿ ‌ಸೋಮವಾರ ಈ ಕಟ್ಟಪ್ಪಣೆ ಹೇರುವುದು ಹಿಂದಿನಿಂದಲೂ ನಡೆದುಕೊಂಡು ಬಂದ ಪದ್ಧತಿ. ಈ ಸಂದರ್ಭದಲ್ಲಿ ದಲಿತರ ಓಡಾಟ ನಿಷಿದ್ಧ. ದಲಿತರಿಗೆ ಅನಾರೋಗ್ಯ ಉಂಟಾದರೆ ಅವರು ಆಸ್ಪತ್ರೆಗಳಿಗೆ ತೆರಳುವುದು ಹೇಗೆ? ಇದು ನಾಗರಿಕ ಸಮಾಜ ತಲೆತಗ್ಗಿಸುವಂತಹ ಪದ್ಧತಿ’ ಎಂದು ದೂರಿದರು.

‘ಕಳೆದ ಸೋಮವಾರ ದಲಿತರು ಇದನ್ನು ವಿರೋಧಿಸಿದರೂ ಯಾವುದೇ ಪ್ರಯೋಜನವಾಗಿಲ್ಲ. ಲಿಂಗಾಯತ ಸಮುದಾಯದ ಮುಖಂಡರು ಈ ನಿರ್ಧಾರದಿಂದ ಹಿಂದೆ ಸರಿದಿಲ್ಲ. ಆದ್ದರಿಂದ ಈ ಬಗ್ಗೆ ನ್ಯಾಮತಿ ತಾಲ್ಲೂಕಿನ ತಹಶೀಲ್ದಾರ್, ಪೊಲೀಸ್ ಅಧಿಕಾರಿಗಳು ಈ ಪದ್ಧತಿಯನ್ನು ಕೈಬಿಡುವಂತೆ ಕ್ರಮ ಕೈಗೊಳ್ಳಬೇಕು’ ಎಂದರು.