ಶನಿವಾರ, ಜನವರಿ 18, 2020
21 °C

ಅಪಾಯಕಾರಿ ರಸ್ತೆ: ಕರ್ನಾಟಕಕ್ಕೆ 2ನೇ ಸ್ಥಾನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ದಕ್ಷಿಣ ಭಾರತದ ರಾಜ್ಯಗಳಲ್ಲಿ ಎರಡನೇ ಅತಿ ಹೆಚ್ಚು ಅಪಾಯಕಾರಿ ರಸ್ತೆಗಳನ್ನು ಕರ್ನಾಟಕ ಹೊಂದಿದೆ. ಕಳೆದ 27 ವರ್ಷಗಳಲ್ಲಿ ಪ್ರತಿ ವರ್ಷ ಸಾವಿರಕ್ಕೂ ಹೆಚ್ಚು ಮಂದಿ ರಸ್ತೆ ಅಪಘಾತಗಳಿಂದ ಸಾವನ್ನಪ್ಪುತ್ತಿದ್ದಾರೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಸಂಸ್ಥೆ (ಐಸಿಎಂಆರ್) ವರದಿ ತಿಳಿಸಿದೆ. 

2017ರಲ್ಲಿ  ಪ್ರತಿ 1 ಲಕ್ಷ ಮಂದಿಗೆ ಅಪಘಾತದಲ್ಲಿ ಮೃತಪಟ್ಟವರ ಪ್ರಮಾಣ ಕರ್ನಾಟಕದಲ್ಲಿ 16.9 ಇದೆ. ನೆರೆಯ ತಮಿಳುನಾಡು ಮೊದಲ ಸ್ಥಾನದಲ್ಲಿದ್ದು ಇಲ್ಲಿ ಈ ಪ್ರಮಾಣ 20 ಇದೆ. ನಂತರದ ಸ್ಥಾನಗಳಲ್ಲಿ  ಆಂಧ್ರಪ್ರದೇಶ (15.8), ತೆಲಂಗಾಣ (14.4), ಕೇರಳ (14) ಮತ್ತು ಗೋವಾ (11.1) ಇದೆ. 

ದೇಶದಲ್ಲಿಯೇ ಅಪಾಯಕಾರಿ ರಸ್ತೆಗಳನ್ನು ಉತ್ತರಾಖಂಡ ಹೊಂದಿದೆ. ಇಲ್ಲಿ ಒಂದು ಲಕ್ಷ ಮಂದಿಗೆ ಮೃತಪಡುವವರ ಪ್ರಮಾಣ 26.3 ಇದೆ. ನಂತರದ ಸ್ಥಾನದಲ್ಲಿ ಪಂಜಾಬ್‌ (22.9) ಇದೆ.  

ಮೂರು ದಶಕಗಳಿಗೆ ಹೋಲಿಸಿದರೆ ರಸ್ತೆಗಳ ಪರಿಸ್ಥಿತಿ ಭಿನ್ನವಾಗಿದೆ. ಆಗ ಆಂಧ್ರಪ್ರದೇಶ, ತೆಲಂಗಾಣ, ಕೇರಳ ರಾಜ್ಯಗಳಿಗಿಂತ ಕರ್ನಾಟಕದ ರಸ್ತೆಗಳು ಉತ್ತಮವಾಗಿದ್ದವು. ಗೋವಾ ಮಾತ್ರ ಕರ್ನಾಟಕಕ್ಕಿಂತ ಉತ್ತಮ ರಸ್ತೆಗಳನ್ನು ಹೊಂದಿತ್ತು. 

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು