ಆಳ ಸಮುದ್ರದಲ್ಲಿ ಬುಲ್ಟ್ರಾಲ್ ಮೀನುಗಾರಿಕೆ ಸಂಪೂರ್ಣವಾಗಿ ನಿಷೇಧವಾಗಿರುವುದರಿಂದ ಬಂಗುಡೆ, ಭೂತಾಯಿ ಸೇರಿದಂತೆ ಸಣ್ಣಗಾತ್ರದ ಮೀನುಗಳ ಪ್ರಮಾಣ ಹೆಚ್ಚಾಗಿದೆ. ಈ ಜಾತಿಯ ಮೀನುಗಳು ಏಕಾಂಗಿಯಾಗಿ ಸಂಚರಿಸುವುದಿಲ್ಲ. ಗುಂಪಾಗಿಯೇ ಸಾಗುತ್ತವೆ. ಸಮುದ್ರದಲ್ಲಿ ಬೋಟ್ಗಳ ಸದ್ದಿಗೆ ಹೆದರಿ ಕೆಲವೊಮ್ಮೆ ದಡದತ್ತ ಬರುತ್ತವೆ. ಹೀಗೆ, ಬರುವಾಗ ಕೈರಂಪಣಿ ಬಲೆಗೆ ಬೀಳುತ್ತವೆ ಎಂದು ಮೀನುಗಾರಿಕಾ ಇಲಾಖೆ ಉಪ ನಿರ್ದೇಶಕ ಪಾರ್ಶ್ವನಾಥ್ ಮಾಹಿತಿ ನೀಡಿದರು.