ಹಿಂದಿನ ವಿಶ್ವಕಪ್ನಲ್ಲಿ ಸ್ಪರ್ಧಿಸುವ ಅರ್ಹತೆ ಗಳಿಸಲು ವಿಫಲವಾಗಿದ್ದ ಸ್ವೀಡನ್ ಕಳೆದ ಎರಡು ವರ್ಷಗಳಿಂದ ಹಲವು ವಿಭಾಗಗಳಲ್ಲಿ ಉತ್ತಮ ಸಾಮರ್ಥ್ಯ ಬೆಳೆಸಿಕೊಂಡಿದೆ. ಜೇನ್ ಆ್ಯಂಡರ್ಸನ್ ಅವರ ಗರಡಿಯಲ್ಲಿ ಪಳಗಿರುವ ತಂಡವು ಗೆಲುವಿಗಾಗಿ ಹೊಸ ತಂತ್ರ ಅನುಸರಿಸುವ ಸಾಧ್ಯತೆ ಇದೆ. ಇದೇ ಕಾರಣಕ್ಕೆ 4–4–2ರ ಯೋಜನೆಯೊಂದಿಗೆ ತಂಡವು ಅಂಗಳಕ್ಕಿಳಿಯುವ ಸಂಭವವಿದೆ. ಪ್ರಮುಖ ಆಟಗಾರ ಮಾರ್ಕಸ್ ಬರ್ಗ್ ಅವರು ಫಾರ್ವರ್ಡ್ ವಿಭಾಗದ ಮುಂದಾಳತ್ವ ವಹಿಸುವ ಸಾಧ್ಯತೆ ಹೆಚ್ಚು.