ರಾಯಚೂರು: ಅಮೆರಿಕದ ನ್ಯೂ ಜೆರ್ಸಿಯ ಆಸ್ಪತ್ರೆಯಲ್ಲಿ ಸಂಶಯಾಸ್ಪದವಾಗಿ ಮೃತಪಟ್ಟಿರುವ ಸಿಂಧನೂರು ತಾಲ್ಲೂಕು ಗಾಂಧಿನಗರದ ಯುವ ವೈದ್ಯ ಡಾ.ನಂದಿಗಮ್ ಮಣಿದೀಪ್ (28) ಅವರ ಪಾರ್ಥೀವ ಶರೀರವನ್ನು ಭಾರತಕ್ಕೆ ತರಲಾಗಿದೆ.
‘ಭಾನುವಾರ ರಾತ್ರಿ 8 ಗಂಟೆಗೆ ಶವ ಹೈದರಾಬಾದ್ಗೆ ಬಂದಿದ್ದು, ಅಲ್ಲಿಂದ ರಸ್ತೆ ಮೂಲಕ ಹುಟ್ಟೂರಿಗೆ ಕೊಂಡೊಯ್ಯಲಾಯಿತು. ಏಪ್ರಿಲ್ 1ರಂದು ಅಂತ್ಯಕ್ರಿಯೆ ನಡೆಯಲಿದೆ’ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.
ಡಾ.ನಂದಿಗಮ್ ಅವರು ಮಂಗಳೂರಿನ ಮಣಿಪಾಲ ಕಸ್ತೂರಬಾ ಮೆಡಿಕಲ್ ಕಾಲೇಜಿನಲ್ಲಿ ವೈದ್ಯಕೀಯ ಪದವಿ ಮುಗಿಸಿ ಸ್ನಾತಕೋತ್ತರ ಪದವಿಗಾಗಿ ಮೂರು ವರ್ಷಗಳ ಹಿಂದೆ ನ್ಯೂ ಜೆರ್ಸಿಯ ಸೇಂಟ್ ಪೀಟರ್ಸ್ ಯುನಿವರ್ಸಿಟಿ ಸೇರಿದ್ದರು.