ಬೆಂಗಳೂರು: ದ್ವಿತೀಯ ಪಿಯು ಪೂರಕ ಪರೀಕ್ಷೆಯ ಫಲಿತಾಂಶಪ್ರಕಟವಾಗಿದ್ದು, 2,30,165 ವಿದ್ಯಾರ್ಥಿಗಳ ಪೈಕಿ 69,148 ಮಂದಿ (ಶೇ 30.04)ಉತ್ತೀರ್ಣರಾಗಿದ್ದಾರೆ.
1,35,535 ಬಾಲಕರ ಪೈಕಿ 37,798 ಮಂದಿ (ಶೇ 27.89) ಹಾಗೂ 94,630 ಬಾಲಕಿಯರ ಪೈಕಿ 31,350 ಮಂದಿ (ಶೇ 33.13) ತೇರ್ಗಡೆ ಹೊಂದಿದ್ದಾರೆ.
ನಗರ ಪ್ರದೇಶದಲ್ಲಿ 1,84,873 ಪೈಕಿ 55,942 (ಶೇ 30.25) ಹಾಗೂ ಗ್ರಾಮಾಂತರ ಭಾಗದಲ್ಲಿ 45,258 ಪೈಕಿ 13,192 (ಶೇ 29. 14) ಮಂದಿ ಪಾಸಾಗಿದ್ದಾರೆ. ಉತ್ತರ ಪತ್ರಿಕೆಗಳ ಸ್ಕ್ಯಾನ್ ಪ್ರತಿಗಾಗಿ ಜುಲೈ 12ರೊಳಗೆ ಅರ್ಜಿ ಸಲ್ಲಿಸಬೇಕು.
ಮರುಮೌಲ್ಯಮಾಪನ ಹಾಗೂ ಮರುಎಣಿಕೆಗೆ ಜು.20 ರೊಳಗೆ ಅರ್ಜಿ ಸಲ್ಲಿಸಬೇಕು. ಹೆಚ್ಚಿನ ಮಾಹಿತಿಗೆ www.pue.kar.nic.inಗೆ ಸಂಪರ್ಕಿಸಬಹುದು.