ಮಂಗಳವಾರ ರಾತ್ರಿ 9 ಗಂಟೆಗೆ ಒಂಟಿಯಾಗಿದ್ದ ಶಕುಂತಳಾ ಎಂಬುವವರ ಹೋಟೆಲ್ಗೆ ಒಬ್ಬ ಮಹಿಳೆ ಹಾಗೂ ಪುರುಷ ಗಿರಾಕಿಗಳಂತೆ ಬಂದು ಊಟ ಮಾಡಿದ್ದಾರೆ. ನಂತರ ಮಹಿಳೆ ಶೌಚಾಲಯಕ್ಕೆ ತೆರಳಲು ಮಾಲಕಿ ಬಳಿ ಅನುಮತಿ ಪಡೆದು ಒಳ ತೆರಳಿದ್ದಾರೆ. ಆ ವೇಳೆ ಹಿಂದಿನಿಂದ ಬಂದ ಪುರುಷ ಶಕುಂತಳಾ ಅವರನ್ನು ಅಲ್ಲೇ ಕೆಡವಿ, ಹೊಡೆದು ಬೀರುವಿನ ಬೀಗದ ಕೈ ಪಡೆದು ಅದರಲ್ಲಿದ್ದ ₹1.60 ಲಕ್ಷ ನಗದು, ₹3.9 ಲಕ್ಷ ಮೌಲ್ಯದ ಚಿನ್ನ, ₹60 ಸಾವಿರದ ಬೆಳ್ಳಿ ಒಡವೆ ಹಾಗೂ ಸುಮಾರು ₹15 ಸಾವಿರ ಮೌಲ್ಯದ ಬಟ್ಟೆಗಳನ್ನು ದೋಚಿದ್ದಾರೆ.