ಗುರುವಾರ , ಜುಲೈ 29, 2021
24 °C

ಹೆಚ್ಚುವರಿ ನೀರು ಹೊರಬಿಡಲು ಅಣೆಕಟ್ಟು ಸ್ಫೋಟಿಸಿದ ಚೀನಾ

ಎಪಿ Updated:

ಅಕ್ಷರ ಗಾತ್ರ : | |

Prajavani

ಬೀಜಿಂಗ್‌: ಹಿನ್ನೀರಿನ ಮಟ್ಟವು ಭಾರಿ ಪ್ರಮಾಣದಲ್ಲಿ ಏರಿಕೆಯಾದ ಕಾರಣ, ನೀರು ಖಾಲಿ ಮಾಡಲು ಇಲ್ಲಿನ ಅಣೆಕಟ್ಟೆಯ ಒಂದು ಭಾಗವನ್ನು ಸ್ಫೋಟಿಸಿದ್ದರಿಂದಾಗಿ ಪ್ರವಾಹ ಸ್ಥಿತಿ ನಿರ್ಮಾಣವಾಗಿ ಭಾರಿ ಪ್ರಮಾಣದಲ್ಲಿ ಹಾನಿ ಸಂಭವಿಸಿದೆ.

ಮಧ್ಯ ಚೀನಾದ ಅನ್‌ಹುಯಿಯಲ್ಲಿ ಪ್ರದೇಶದ ಚುಹೆ ನದಿಗೆ ಅಡ್ಡಲಾಗಿ ನಿರ್ಮಿಸಿರುವ ಅಣೆಕಟ್ಟೆಯ ಒಂದು ಭಾಗವನ್ನು ಭಾನುವಾರ ಅಧಿಕಾರಿಗಳು ಸ್ಫೋಟಿಸಿದ್ದರು. ಇದರಿಂದ ನೀರಿನ ಸಂಗ್ರಹ ಎರಡು ಅಡಿಗಳಷ್ಟು ಕುಗ್ಗುವ ನಿರೀಕ್ಷೆಯಿದೆ. ಧಾರಾಕಾರ ಮಳೆಯಿಂದಾಗಿ ಚೀನಾದ ಬಹುತೇಕ ಎಲ್ಲ ನದಿಗಳು ಅಪಾಯಮಟ್ಟವನ್ನು ಮೀರಿ ಹರಿಯುತ್ತಿವೆ.

ಪ್ರವಾಹ ಪರಿಸ್ಥಿತಿ ಎದುರಾದಾಗ ಅಣೆಕಟ್ಟು ಮತ್ತು ಒಡ್ಡುಗಳನ್ನು ಸ್ಫೋಟಿಸುವ ತಂತ್ರವನ್ನು ಚೀನಾ ಕೆಲ ವರ್ಷಗಳಿಂದ ಅನುಸರಿಸುತ್ತಿದೆ. ಇದು ಅಪಾರ ಪ್ರಮಾಣದ ನಷ್ಟಕ್ಕೆ ಕಾರಣವಾಗುತ್ತಿದೆ. 1998ರಲ್ಲಿ ಭೀಕರ ಪ್ರವಾಹದ ಸಂದರ್ಭದಲ್ಲಿ ಚೀನಾ ಈ ಕ್ರಮ ಜಾರಿ ಮಾಡಿದ್ದು, 2000ಕ್ಕೂ ಹೆಚ್ಚು ಮಂದಿ ಸತ್ತು, 30 ಲಕ್ಷ ಮನೆಗಳು ನಾಶವಾಗಿದ್ದವು.

ಕಳೆದ ವಾರದಲ್ಲಿ ಬೃಹತ್‌ ಅಣೆಕಟ್ಟೆಯೊಂದರ ಹಿನ್ನೀರಿನ ಮಟ್ಟವು ಅಪಾಯದ ಮಟ್ಟಕ್ಕಿಂತ ಸುಮಾರು 15 ಮೀಟರ್‌ನಷ್ಟು ಏರಿಕೆಯಾದ ಕಾರಣಕ್ಕೆ ಅಣೆಕಟ್ಟಿನ ಮೂರು ಗೇಟ್‌ಗಳನ್ನು ತೆರೆಯಲಾಗಿತ್ತು. ಮಂಗಳವಾರ ಮತ್ತೆ ಪ್ರವಾಹ ಉಂಟಾಗಬಹುದು ಎಂದು ನಿರೀಕ್ಷಿಸಲಾಗಿದೆ. 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು