ಸ್ಯಾಮ್ಸಂಗ್ ಕ್ಯೂಎಲ್‌ಇಡಿ ಸ್ಮಾರ್ಟ್ ಟಿ.ವಿ.ಗಳ ಮಾರಾಟದಲ್ಲಿ ಶೇ.53ರಷ್ಟು ಹೆಚ್ಚಳ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಎಲೆಕ್ಟ್ರಾನಿಕ್ಸ್ ಬ್ರ್ಯಾಂಡ್‌ ಸ್ಯಾಮ್ಸಂಗ್ ಹಬ್ಬದ ಮೊದಲ 20 ದಿನಗಳಲ್ಲಿ ಒಟ್ಟಾರೆ ಗ್ರಾಹಕ ಎಲೆಕ್ಟ್ರಾನಿಕ್ಸ್ ವಹಿವಾಟಿನಲ್ಲಿ ಶೇ 13ರಷ್ಟು ಪ್ರಗತಿ ಸಾಧಿಸಿದೆ.
ಬೆಂಗಳೂರಿನ ಗ್ರಾಹಕರು ದೊಡ್ಡ ಸ್ಕ್ರೀನ್‌ನ ಸ್ಯಾಮ್ಸಂಗ್ ಸ್ಮಾರ್ಟ್ ಟಿ.ವಿ.ಗಳಿಗೆ ಮತ್ತು ಹೆಚ್ಚಿನ ಸಾಮರ್ಥ್ಯದ ಸ್ಯಾಮ್ಸಂಗ್ ವಾಷಿಂಗ್ ಮೆಷಿನ್‌ಗಳು ಹಾಗೂ ರೆಫ್ರಿಜಿರೇಟರ್‌ಗಳಿಗೆ ಹಬ್ಬದ ಸಂದರ್ಭದಲ್ಲಿ ಅಪ್‌ಗ್ರೇಡ್ ಮಾಡುತ್ತಿದ್ದಾರೆ. ಇದರಿಂದಾಗಿ ಕಂಪನಿಯ ಒಟ್ಟಾರೆ ಟಿ.ವಿ. ವಿಭಾಗದಲ್ಲಿ ಶೇ.18ರಷ್ಟು ಪ್ರಗತಿ ದಾಖಲಾಗಿದ್ದರೆ, ನಗರದಲ್ಲಿ 55-ಇಂಚು ಮತ್ತು ಮೇಲ್ಪಟ್ಟ ವಿಭಾಗವು ಶೇ.31ರಷ್ಟು ಉನ್ನತಿ ಕಂಡಿದೆ.
ಸ್ಯಾಮ್ಸಂಗ್ ಕ್ಯೂಎಲ್‌ಇಡಿ ಸ್ಮಾರ್ಟ್ ಟಿ.ವಿ.ಗಳ ಮಾರಾಟದಲ್ಲಿ ಶೇ.53ರಷ್ಟು ಹೆಚ್ಚಳವಾಗಿದೆ. ಹೊಸ ಸ್ಮಾರ್ಟ್‌ಫೋನ್‌ಗಳು ಹಾಗೂ ಟಿವಿಗಳನ್ನು ಬಿಡುಗಡೆ ಮಾಡಿರುವ ಸ್ಯಾಮ್ಸಂಗ್, ನವೆಂಬರ್ 20ರ ವರೆಗೂ ₹20,000ವರೆಗೂ ಕ್ಯಾಷ್‌ಬ್ಯಾಕ್‌, ಕಡಿಮೆ ಮೊತ್ತದ ಇಎಂಐ ಕೊಡುಗೆಗಳನ್ನು ನೀಡುತ್ತಿದೆ.
ಇನ್ನೂ ಪ್ರೀಮಿಯಂ ರೆಫ್ರಿಜಿರೇಟರ್ ಮತ್ತು ವಾಷಿಂಗ್ ಮೆಷಿನ್ ಮಾರಾಟ ಕ್ರಮವಾಗಿ ಶೇ.60 ಮತ್ತು ಶೇ.34ರಷ್ಟು ಹೆಚ್ಚಳವಾಗಿದೆ. 8ಕೆಜಿ ಮತ್ತು ಮೇಲ್ಪಟ್ಟ ಫುಲ್ಲಿ ಆಟೊಮ್ಯಾಟಿಕ್ ಫ್ರಂಟ್ ಲೋಡ್ ವಾಷಿಂಗ್ ಮೆಷಿನ್ ವಲಯವು ಶೇ.34ರಷ್ಟು ಪ್ರಗತಿ ಕಂಡಿರುವುದಾಗಿ ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
