ಇಂಥ ಬುಧ ಗ್ರಹದ ನೀಲಿ, ಕಂದು ಹೀಗೆ ಹಲವು ಬಗೆಯ ಬಣ್ಣಗಳಿಂದ ಹೊಳೆವ ಚಿತ್ರವನ್ನು ನಾಸಾ ಉಪಗ್ರಹ ಸೆರೆ ಹಿಡಿದಿದೆ. ಬುಧ ಗ್ರಹದಲ್ಲಿನ ರಾಸಾಯನಿಕ, ಖನಿಜ ಹಾಗೂ ಅಲ್ಲಿನ ಕಲ್ಲುಗಳ ಭೌದ್ಧಿಕ ವ್ಯತ್ಯಾಸಗಳಿಂದ ಈ ಗ್ರಹ ಹೊಳೆಯುತ್ತಿದೆ ಎಂದು ಹೇಳಿದೆ.
ಭೂಮಿಯ ಏಕೈಕ ನೈಸರ್ಗಿಕ ಉಪಗ್ರಹ ಚಂದ್ರನಿಗಿಂತ ತುಸುವೇ ದೊಡ್ಡದಿರುವ ಬುಧ ಗ್ರಹದ ಸುತ್ತಲು ತೆಳುವಾದ ಹೊರಗೋಳವಿದೆ. ಇದರಲ್ಲಿ ಆಮ್ಲಜನಕ, ಸೋಡಿಯಂ, ಜಲಜನಕ, ಹೀಲಿಯಂ ಮತ್ತು ಪೊಟಾಷಿಯಂ ಇದೆ. ಸೂರ್ಯನ ಅತ್ಯಂತ ಸಮೀಪವಿರುವ ಈ ಗ್ರಹದಲ್ಲಿ ಹಗಲಿನಲ್ಲಿ 430 ಡಿಗ್ರಿ ಸೆಲ್ಸಿಯಸ್ ತಾಪಮಾನವಿದ್ದರೆ, ರಾತ್ರಿ ಹೊತ್ತಿನಲ್ಲಿ ಮೈನಸ್ 180 ಡಿಗ್ರಿ ಸೆಲ್ಸಿಯಸ್ ಇರುತ್ತದೆ. ಭೂಮಿಗೆ ಹೋಲಿಸಿದರೆ ಇದರ ಕಾಂತೀಯ ವಲಯ ಅತ್ಯಂತ ಕಡಿಮೆ ಎಂದು ನಾಸಾ ಈ ಚಿತ್ರದೊಂದಿಗೆ ಬರೆದುಕೊಂಡಿದೆ.
ನಾಸಾ ಹಂಚಿಕೊಂಡಿರುವ ಈ ಚಿತ್ರಕ್ಕೆ 11.55 ಲಕ್ಷ ಜನ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಬುಧ ಗ್ರಹ ವಜ್ರದಂತೆ ಹೊಳೆಯುತ್ತಿದೆ ಎಂದು ಇನ್ನೂ ಕೆಲವರು ಬಣ್ಣಿಸಿದ್ದಾರೆ.
