ಶನಿವಾರ, ಡಿಸೆಂಬರ್ 14, 2019
21 °C

ಫೇಸ್‌ಬುಕ್‌ನಿಂದ ಗೂಗಲ್ ಫೋಟೊಸ್‌ಗೆ ವರ್ಗಾಯಿಸಿಕೊಳ್ಳಿ ಫೋಟೊ, ವಿಡಿಯೊ; ಹೊಸ ಆಯ್ಕೆ

ಏಜೆನ್ಸಿಸ್‌ Updated:

ಅಕ್ಷರ ಗಾತ್ರ : | |

ಫೇಸ್‌ಬುಕ್‌

ಸಾಮಾಜಿಕ ಸಂಪರ್ಕ ಮಾಧ್ಯಮ ಫೇಸ್‌ಬುಕ್‌ನಿಂದ ಫೋಟೊ ಮತ್ತು ವಿಡಿಯೊಗಳನ್ನು ಗೂಗಲ್‌ ಫೋಟೊಸ್‌ಗೆ ನೇರವಾಗಿ ವರ್ಗಾಯಿಸುವ ಆಯ್ಕೆಯನ್ನು ಪರಿಚಯಿಸಿರುವುದಾಗಿ ಫೇಸ್‌ಬುಕ್‌ ಇಂಕ್‌ ಸೋಮವಾರ ಹೇಳಿಕೊಂಡಿದೆ. 

ಗೂಗಲ್‌ ಫೋಟೊಸ್‌ನಂತಹ ಸಂಗ್ರಹ ಸೇವೆಗಳಿಗೆ ನೇರವಾಗಿ ವಿಡಿಯೊ, ಫೋಟೊ ವರ್ಗಾಯಿಸಿಕೊಳ್ಳುವ ಆಯ್ಕೆ ಮೊದಲಿಗೆ ಐರ್ಲೆಂಡ್‌ನ ಫೇಸ್‌ಬುಕ್‌ ಬಳಕೆದಾರರಿಗೆ ಸಿಗಲಿದೆ. 2020ರ ಮೊದಲಾರ್ಧದಲ್ಲಿ ಜಗತ್ತಿನ ಎಲ್ಲ ಬಳಕೆದಾರರಿಗೆ ಈ ಆಯ್ಕೆ ತೆರೆದುಕೊಳ್ಳಲಿದೆ. 

ಇದನ್ನೂ ಓದಿ: ಗೂಗಲ್‌ಗೆ 'ಡಕ್‌ಡಕ್‌ಗೋ' ಪರ್ಯಾಯ?; ಟ್ವಿಟರ್‌ ಸಿಇಒ ಸಹ ಇದರ ಬಳಕೆದಾರ

ದತ್ತಾಂಶ ವರ್ಗಾವಣೆಯು ಗೂಢ ಲಿಪಿಕರಣಗೊಳ್ಳಲಿದೆ(ಎನ್‌ಕ್ರಿಪ್ಟ್‌) ಹಾಗೂ ವರ್ಗಾವಣೆಗೂ ಮುನ್ನ ಬಳಕೆದಾರರು ಪಾಸ್‌ವರ್ಡ್‌ ನಮೂದಿಸಲು ಕೇಳುತ್ತದೆ ಎಂದು ಫೇಸ್‌ಬುಕ್‌ ಬ್ಲಾಗ್‌ನಲ್ಲಿ ಪ್ರಕಟಿಸಿಕೊಂಡಿದೆ. 

ದತ್ತಾಂಶ ವರ್ಗಾವಣೆಗೆ ಸಹಕಾರಿಯಾಗುವ ವ್ಯವಸ್ಥೆಯನ್ನು ರೂಪಿಸುತ್ತಿದ್ದು, ಹೊಸ ಟೂಲ್‌ಗಳನ್ನು ಅಭಿವೃದ್ಧಿ ಪಡಿಸುವ ಯೋಜನೆ ಇರುವುದಾಗಿ ಫೇಸ್‌ಬುಕ್‌ ಸೆಪ್ಟೆಂಬರ್‌ನಲ್ಲಿ ಹೇಳಿತ್ತು. ಮಾಸಿಕ 10 ಕೋಟಿಗೂ ಅಧಿಕ ಬಳಕೆದಾರರನ್ನು ಹೊಂದಿರುವ ಸಾರ್ವಜನಿಕ ಸಂಪರ್ಕ ಮಾಧ್ಯಮದಲ್ಲಿ ಬಳಕೆದಾರರು ದತ್ತಾಂಶವನ್ನು ಸುಲಭವಾಗಿ ಇತರೆ ಸೇವೆಗಳಿಗೆ ವರ್ಗಾಯಿಸುವ ಆಯ್ಕೆ ಒದಗಿಸುವ ಕುರಿತು ಅಮೆರಿಕ ಸಂಸತ್ತಿನಲ್ಲಿ ಅಕ್ಟೋಬರ್‌ನಲ್ಲಿ ಮಸೂದೆ ಪ್ರಸ್ತಾಪಿಸಲಾಗಿತ್ತು. 

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು